InfoHub Logo

پاۆلودار وبلىسىندا كەلەسى وقۋ جىلىنا اعىلشىن ءتىلى، ماتەماتيكا جانە باستاۋىش سىنىپتاردا ءبىلىم بەرەتىن 424 ۇستاز قاجەت، دەپ حابارلايدى pavlodarnews.kz.

بۇل تۋرالى وبلىس اكىمدىگىندە وتكەن ءبىلىم بەرۋ باسقارماسىنىڭ القا ماجىلىسىندە بەلگىلى بولدى. پاۆلودار مەملەكەتتىك پەداگوگيكالىق ينستيتۋتى ۇسىنعان اقپاراتقا سۇيەنسەك، جوعارى وقۋ ورنىندا ستۋدەنتتەر مەكتەپكە دەيىنگى جانە باستاۋىش سىنىپ ادىستەمەسى بويىنشا وقىتىلادى. ديپلوم العان سوڭ ولاردىڭ 95-96 پايىزى جۇمىسقا ورنالاسادى. دەگەنمەن ءبىلىم بەرۋ سالاسىنىڭ قىزمەتكەرلەرىنە دەگەن سۇرانىس تولىق وتەلمەي وتىر. ماتەماتيكا مەن اعىلشىن ءتىلى پاندەرى بويىنشا جاعداي بەلگىلى»، - دەيدى وبلىس اكىمى بولات باقاۋوۆ.

«كەز كەلگەن ادامنىڭ بۇل ماماندىقتى الىپ كەتۋگە مۇمكىندىگى جەتپەيدى. الايدا باستاۋىش سىنىپ ۇستازدارىنىڭ تاپشىلىعى تۇسىنىكسىز. بىزدە «ديپلوممەن اۋىلعا» باعدارلاماسى بار. بيىل وسى ماسەلە نەگىزگى قىزمەتكەردىڭ جۇكتەمەسىن ارتتىرۋ جانە زەينەتكەرلىك جاستاعى پەداگوگتاردى تارتۋ ارقىلى شەشىلدى. ال، كەلەسى 2018 جىلى باستاۋىش سىنىپ بويىنشا - 63، ماتەماتيكا بويىنشا - 57، ورىس ءتىلى مەن ادەبيەتى بويىنشا - 50 جانە اعىلشىن تىلىنەن 50 پەداگوگ جەتىسپەيدى. بۇل مامانداردى قايدان الامىز؟ اسىرەسە، ەكىباستۇزدا 129 ۇستاز قاجەت».

وسى ماسەلە بويىنشا جاعدايدى باقىلۋدا ۇستاۋدى ايماق باسشىسى ءوزىنىڭ ورىنباسارى مەيرام بەگەنتايەۆقا تاپسىردى.

ەسكە سالا كەتەيىك، 2017 جىلى قازاقستان رەسپۋبليكاسىندا ورتا ءبىلىم مازمۇنىن جاڭارتۋ اياسىندا «نازاربايەۆ زياتكەرلىك مەكتەبى» اۆتونومدى ءبىلىم بەرۋ ۇيىمىنا قاراستى پەداگوگيكالىق شەبەرلىك ورتالىعىنىڭ بازاسىندا وبلىسىمىزدىڭ 1919 پەداگوگ قىزمەتكەرى كۋرستان وتكەن. جازعى ۋاقىتتا باستاۋىش سىنىپ، قازاق ءتىلى جانە اعىلشىن ءتىلى، فيزيكا، ماتەماتيكا، بيولوگيا، حيميا، ينفورماتيكا، گەوگرافيا، قازاقستان تاريحى جانە دۇنيەجۇزى تاريحى پاندەرىنىڭ مۇعالىمدەرى بىلىكتىلىگىن ارتتىردى.

---