ابايدان قالعان تالقان
ابايدىڭ 150 جىلدىعىن دۇنيەجۇزىلىك كولەمدە اتاپ ءوتىپ جاتقان كۇندەرى، ءبىر عاجايىپ ءتۇس كوردىم:
...ابايدىڭ ءۇيى ەكەن دەيمىن، كورگەنىم، بىرىنە ءبىرى قاراما قارسى ەكى بولمەسى بار. بىرەۋى — ۇلكەن، سول بولمەدە كەڭ داستارحان جايىلىپ، قوناق قامى جاسالۋدا. ابايدىڭ بۇكىل ۇرپاعى وسىندا باس قوسىپ، ءبىر داستارحاننان ءدام تاتپاق سياقتى. بىرەۋى داستارحان باسىندا وتىر. مالداسىن قۇرىپ، باسىن ءسال عانا تومەن ۇستاپ، داستارحانعا قاراپ وتىرعان سياقتى. ۇستىندەگى كيىمدەرى قازاقى، ابايدىڭ زامانىڭداعىداي، جاعاسى تىك تىگىلگەن.
وسى بولمەدەن ابايدىڭ اناسى — ۇلجاندى كەزىكتىردىم. ول كىسى مەنى تانىمايتىن سياقتى. مەن جانىنا بارىپ:
— اپا، ءسىز مەنى تانىمايسىز. ءبىراق مەن دە ءسىزدىڭ ءبىر بالاڭىزبىن، — دەپ، قۇشاقتايمىن، ول كىسى دە ءۇنسىز قۇشاعىنا الىپ جاتىر ەكەن دەيمىن.
وسىدان كەيىن قارسى بولمەگە كىرەمىن، ءتور الدىندا كونەلەۋ ءبىر قاتار ساندىقتار جينالىپتى. نەگە ەكەنىن بىلمەيمىن، وسى بولمەدەن بۇرىنىراق قايتىس بولىپ كەتكەن ناعاشى ابىسىنىم قاليمانى كوردىم. ول الگى ساندىقتاردى اقتارىپ، بىرەۋىنەن ءبىر شاعىن تۇيىنشەك تاۋىپ، ماعان اكەلىپ بەرىپ:
— مىناۋ ابايدان قالعان ءبىر ۋىس تالقان ەكەن، سەن ال، — دەيدى.
...ءقازىر ويلاپ قاراسام، كوزىم جەتىپ تۇرماسا دا، جاراتۋشى ءبىر اللانىڭ بار ەكەنىنە سەنىپ تە قالاتىن سەكىلدىمىن. ارۋاققا ەشقاشان كۇمان كەلتىرىپ كورمەسەم دە، اللانىڭ بار ەكەنىن قالاي بىلەمىن دەپ، دال بولاتىنمىن. ءيا، اللا دا بار سياقتى. ول شىنىمەن كوڭىلى قالاپ، ۇيعارىم جاساسا، بەرەرى دە كوپ ەكەن، قالاي بەرۋدىڭ جولىن دا تابادى ەكەن. سوڭعى جىلدارى مەنىڭ سوعان كوزىم جەتكەندەي.
ابايدان قالعان ءبىر ۋىس تالقان تالاي جەردەن الىپ شىعىپ كەلەدى، ءالى دە سولاي بولاتىن شىعار دەپ سەنەمىن...
You Might Also Like
-
اكەسىن ءسۇيىپ، قاستەر تۇتاتىندار كوپ شىعار. مەن ءوزىمدى سولاردىڭ الدىڭعى قاتارىنا قوسامىن. اۋىل ادامدارى اراسىندا "ۇزىن كەرەي" اتانعان ول كىسى، دۇنيەتانىمى وتە كەڭ، جاسىندا اڭشىلىق قۇرعان، ...
-
اۋا رايىن الدىن الا بولجاپ، اۋىل شارۋاشىلىعىنداعى ەڭبەككەرلەرىنە كومەكتەسىپ جۇرەتىن كورىپكەل نازاربەكتى الماتى تەلەديدارىنان تالاي رەت كورگەنمىن. سويتسەم ول كىسى ءبىزدىڭ وبلىستا دا الدەنەشە رەت بولى...
