InfoHub Logo

№151 جالپى ءبىلىم بەرەتىن مەكتەپ ديرەكتورى
مولدابايەۆا گۋلشات جاقسىلىق قىزى               

ادامگەرشىلىك تاقىرىبى - ماڭگىلىك. جاس ۇرپاقتىڭ بويىنا ادامگەرشىلىك قاسيەتتەردى ءسىڭىرۋ - اتا-انا مەن ۇستازداردىڭ باستى مىندەتى. كورنەكتى پەداگوگ ۆ. سۋحوملينسكيي «ەگەر بالاعا قۋانىش پەن باقىت بەرە بىلسەك، ول بالا سولاي بولا الادى»، — دەيدى. دەمەك، شاكىرتكە جان-جاقتى تەرەڭ ءبىلىم بەرىپ، ونىڭ جۇرەگىنە ادامگەرشىلىكتىڭ اسىل قاسيەتتەرىن ۇزدىكسىز ۇيالاتا بىلسەك، ەرتەڭگى ازامات جەكە تۇلعانىڭ وزىندىك كوزقاراسىنىڭ قالىپتاسۋىنا، اينالاسىمەن ساناسۋىنا ىقپال ەتەرى ءسوزسىز. ادامگەرشىلىك پەن جاقسىلىق – ەگىز! جاقسىلىق! اللانىڭ قۇدىرەتى شىعار، وسى ءبىر ءسوزدى قۇلاعىمىز شالسا بولدى، جانىمىز جادىراپ سالا بەرەدى. بىرەۋگە جاقسىلىق تىلەۋ، قولدان كەلسە جاقسىلىق جاساۋ، اللا تاعالادان جاقسىلىق سۇراۋ ادام ءومىرىن ءماندى دە مازمۇندى ەتەتىن قايىرلى ارەكەت ەكەنى بەلگىلى.

وسى ورايدا قازىرگى تاڭدا ورىن العان COVID -19 عا  بايلانىستى قازاقستاننىڭ ەڭ ۇلكەن باستى مەگاپوليستەرى 19 ناۋرىزدان باستاپ كارانتينگە جابىلعانى بەلگىلى. وسىنداي قيىن ۋاقىتتا  مۇعالىمدەر مەن وقۋشىلار جاڭا قاشىقتىقتان وقىتۋعا بەيىمدەلە باستادى. كۇن ساناپ ۆيرۋس جۇقتىرعانداردىڭ سانى كوبەيىپ حالقىمىزدىڭ ەڭسەسى ءتۇسىپ جۇرگەن ساتتە ايلاردىڭ سۇلتانى رامازان ايى دا كەلىپ جەتتى. «وتىز كۇن ورازادا- وتىز قايىرىمدى ءىس جاسا» باستاۋىمەن الماتى قالاسى الاتاۋ اۋدانى №151 جببم ۇستازدارى ءپىتىر ساداقانى ەرىكتى تۇردە جيناپ، از قامتىلعان، جەتىم – جەسىر، مۇقتاج وتباسىلارىنا ازىق-تۇلىكپەن كومەك كورسەتىپ الاتاۋ اۋدانى مەكتەپتەرىنە «قايىرىمدىلىق جاساۋدان جالىقپايىق» اتتى چەلەندج جولدادى.

اباي قۇنانبايەۆ قارا سوزىندە قازاقتى بىرىنە ءبىرى دوستىق ويلاۋعا، جاقسى ادامداردىڭ ۇستىنەن بەكەرشىلىك، وتىرىك اقپار كورسەتپەۋگە شاقىرادى. جاۋلاسۋ مەن داۋلاسۋ، قاستىق پەن تالاسۋ – قوعامدى بۇلىككە اپارادى. قازاقتا «كەلىسىپ پىشكەن توڭ كەلتە بولماس» دەگەن بار. ءاربىر ىستە كەلىسىمنىڭ ۇستەمدىگى بولسا، سوندا عانا ۇلت ۇلىلىققا ۇمتىلماق. جاقسىنى ەتەگىنەن تارتىپ، اياعىنان شالساق، جاماندى قادىرلەپ، جاعىمپازدانىپ جاسامپاز باتىر قىلساق، وندا ءبىزدى قۇداي دا اياماسى انىق. ءتارتىپتى قوعامدى ادىلەتتى باسشى عانا باسقارا الماق.  وسى ورايدا ءبىزدى ءاردايىم قولداپ، اقىل كەڭەسىمەن  ءبولىسىپ جۇرەتىن الاتاۋ اۋدانى ءبىلىم ءبولىمىنىڭ باسشىسى اقمۇرزايەۆا قارلىعاش مەدەربەكقىزىن اتاپ وتكىم كەلەدى. قارلىعاش مەدەربەكقىزىڭ جاقسىلىق – ادامنىڭ ويى، نيەتى، ىس-ارەكەتى. جامان پيعىلداردان اۋلاق بولايىق، قاي كەزدە بولسا دا ادامعا قول ۇشىن بەرىپ كومەكتەسىپ، جاناشىرلىق تانىتايىق دەيتىن سوزدەرىن الدىعا الا وتىرىپ، الاتاۋ  اۋدانىنىڭ  مەكتەپ باسشىلارى ءبىر اۋىزدان اتالعان چەلەندجدى ءىلىپ الىپ، ءبىر جانۇيا وتباسىنداي جالعاستىردى. اۋدان بويىنشا  بارلىق 26 مەكتەپ قاتىسىپ 800-دەن استام وتباسىلارىنا كومەك كورسەتتى.

«ەلىم دەيتىن ەر قايدان بولسىن، ەرىم دەيتىن ەل بولماسا». قۋلىق پەن ايلاعا سالىپ بارلىعىن وزىنە تارتپاي، ءىس قىلماق جانداردىڭ جاقسىلىعىن ايتىپ، نۇرىن تاسىتار كەز كەلدى اعايىن! «تالاپ قىل ارتىق بىلۋگە» دەپ جاس ۇرپاقتى ۇيرەتەتىن، ءتالىم- تاربيە بەرەتىن اعايلار مەن اپايلار، اتالار مەن اجەلەر كوپ بولسىن! مارتەبەلەرىڭىز ۇستەم بولسىن - ۇستازدار!

---