ادەپ
قاتىسۋشىلار:
بىلدىرگەن
كۇلدىرگەن
بىلدىرگەن. سالەماتسىڭدار ما، دوستار! كۇلدىرگەن، سەن نەگە مىناۋ كورەرمەندەرمەن امانداسپايسىڭ، ءا؟
كۇلدىرگەن. امانداسامىن با، جوق پا، ونى ءوزىم بىلەمىن!
بىلدىرگەن. سەن ادەپسىز بولما...
كۇلدىرگەن. سەن نەمەنە، سونشا پىسىقسىڭ با؟ مەن قاشان ادەپسىزدىك جاسادىم؟ اۋەلى ءوزىڭ ادەپتى بول، ءبىلدىڭ بە؟!
بىلدىرگەن. مارجاندى قاعىپ،
ەرجاندى سوعىپ كەتتىڭ.
بۇل جاقسى ما؟
كۇلدىرگەن-اۋ، ەسىرمە،
انايى بوپ كوسىلمە،
ايتقان ءسوزدى تىڭداماي،
ايتىساسىڭ، بۇل قالاي؟
كۇلدىرگەن. دوستار-اۋ، مىناۋ نە دەپ تۇر ءوزى؟
بىلدىرگەن. كۇلدىرگەن، سەن ويناپ سويلەمە، ويلاپ سويلە.
سەكەڭدەيسىڭ، وينايسىڭ،
ويىنعا ءبىر تويمايسىڭ.
ادەپ ساقتا دەسەك تە،
ادەتىڭدى قويمايسىڭ.
كۇلدىرگەن. ويىن زيان با؟ مەن كۇندە ويناپ دەنەمدى شىنىقتىرامىن، ءبىلدىڭ بە؟
بىلدىرگەن. دەنەڭدى كەشكە دەيىن «شىنىقتىرا» بەرەسىڭ بە؟ شىنىعۋدىڭ دا ءجونى بار ەمەس پە؟ ويناۋ مەن شىنىعۋدىڭ اراسىندا ايىرماشىلىق بار. شىنىعۋ ءۇشىن اۋەلى گيمناستيكا جاساپ، سپورتتىق ويىندارمەن شۇعىلدانۋ كەرەك.
كۇلدىرگەن. مەن شىنىعا بىلەمىن. ال سەن بولساڭ، شىنىعۋدىڭ نە ەكەنىن بىلمەيسىڭ، ەرتە تۇرماي، ەرىنىپ جاتىپ الاسىڭ.
بىلدىرگەن. يا، ساعان... سەن بار عوي... سىن ايتۋدى بىلمەيدى ەكەنسىڭ. سىن ايتۋ ءۇشىن اۋەلى شىندىقتى ءبىلۋ ءجون. جاقسىعا جالا جاۋىپ، قاستەكى بولۋ – ادەپسىزدىك ءارى قىلمىس.
كۇلدىرگەن. سىننىڭ ءادىل، كىسىنىڭ ادەپتى بولۋى كەرەك دەگەندى ءوزىم دە بىلەمىن.
بىلدىرگەن. مىنە، ەندى تۇسىنىستىك. سىناسىن دوس دوسىنداي، ءمىن تۇزەيىك وسىلاي! كۇلدىرگەن، اۋەلى «ادەپ» دەپ، «ادەپتىلىك» دەپ، قانداي مىنەز بەن ىس-ارەكەتتى ايتامىز، سونى ءبىلىپ الايىق.
بىلدىرگەن. ادەپتىلىك دەپ – ۇلكەندى سىيلاۋدى، دوستاردى، اينالاداعى ادامداردى قۇرمەتتەۋدى ايتامىز.
كۇلدىرگەن. ايتتىم عوي، بىلدىرگەن، ءبىلدىڭ بە؟ سەن مەنى سىيلاپ، قۇرمەتتەۋىڭ كەرەك.
بىلدىرگەن. سەن شە؟ سەن دە مەنى سىيلاۋىڭ كەرەك. (كورەرمەندەرگە). سولاي ەمەس پە، دوستار؟ سىيلاسىم ەكى جاقتان بىردەي بولۋى كەرەك. ادەپتى جان باسقادان سىيلاستىق كۇتپەي-اق، الدىمەن ءوزى باسقانى قۇرمەتتەپ، ارداقتاي بىلەدى، كوپشىلىككە ءوزىنىڭ ادەپتىلىگىن كورسەتەدى.
كۇلدىرگەن. ەندى ءبىلدىم. ادەپ، ىزەت، ينابات، سىيلاسىم، قۇرمەت، قامقورلىق دەگەن سوزدەر ادەپتىلىكتى بىلدىرەدى ەكەن.
بىلدىرگەن. مەن بۇل سوزدەردى باياعىدا جاتتاپ العانمىن. سەن دە جاتتاپ ال، كۇلدىرگەن.
كۇلدىرگەن. ءسوزدى قۇرعاق جاتتاۋ پايدالى ەمەس. ونى ءتۇسىنىپ جاتتاۋ كەرەك. ءسوزدى ىسپەن ورىنداۋ كەرەك.
بىلدىرگەن. تاعى دا ءبىر نارسە ايتايىن با؟ كەشىرىمدى بولۋ بار عوي، ول دا – ادەپتىلىك. ءبىراق كەيدە كەشىرمەيتىن دە مىنەز-قۇلىقتار بولادى.
كۇلدىرگەن. ونداي تەرىس مىنەزدى تەزگە سالىپ، تەز تۇزەۋ كەرەك.
كۇلدىرگەن. جاس-كارىگە ءسىز دەگەن.
بىلدىرگەن. جاقسى ۇلگى ىزدەگەن،
ەكەۋى (قوسىلىپ). دوس بولامىز ءبىز دەگەن ىزەتتى ۇلمەن، قىزبەنەن!
You Might Also Like
-
مەن ءبىلىمدى بولعىم كەلەدى. بولاشاقتا ءوزىمدى جان-جاقتى، كوزى اشىق، بىلىكتى ازاماتتاردىڭ قاتارىنان كورەمىن. بۇل مەنىڭ عانا قالاۋىم ەمەس، ۇستازدارىمنىڭ جانە اتا-انامنىڭ دا قالاۋى. ساباقتان بوس ۋاقىتىم...
