InfoHub Logo

بايقايمىز، ۇيلەنگەن سوڭ عاشىقتىق سەزىم سۋ سەپكەندەي باسىلادى. كەڭەستەرىمىز ءارقايسىڭىزدى ءوز جۇپتارىڭىزبەن باقىتتى ەتەدى دەپ ۇمىتتەنەمىز.

انىعىندا، بۇل باقىتىن باعالاماي اجىراسىپ تىنعان جاننىڭ كەڭەسى. ارينە، ونداي ادام قانداي ساليقالى اڭگىمە ايتسىن دەيتىن شىعارسىز. ءبىراق وزگەنىڭ قاتەلىگىنەن ساباق الۋىمىز قاجەت. ەندەشە باقىتىن قولىندا باعالاي الماعان ادامنىڭ سوزىنە نازار اۋدارىڭىز:

1. ايەلىڭىزدى قىز كەزىندەگىدەي كۇتىڭىز. ءوز ايەلىڭىزبەن قانشا جىل بىرگە تۇرساڭىز دا ونى كەزدەسۋلەرگە شاقىرۋدان شارشاماڭىز. ول سىزگە ەڭ ءبىر قىمباتتىسىن سىيعا تارتتى — سەنىم.

2. قورعانى بولىڭىز. جۇرەگىڭىزدىڭ تۇكپىرىندە ايەلىڭىزدەن باسقا ەشكىم بولمايتىنىن ۇعىنىڭىز.

3. ايەلىڭىزگە قايتا-قايتا عاشىق بولا ءتۇسىڭىز. بارلىق ادام وزگەرۋى مۇمكىن. ءسىز دە، جۇبايىڭىز دا وزگەرەدى. وسى سەبەپتى ءبىر-بىرىڭىزدى قايتا-قايتا جاقسى كورىپ تۇرۋلارىڭىز كەرەك. وتباسى باقىتى ءۇشىن كۇرەسۋدەن شارشاماڭىز.

4. ونىڭ تەك جاقسى قاسيەتتەرىن كورىڭىز. ءوز ايەلىڭىزدىڭ جاقسى قاسيەتتەرىن ەشبىر ايەلدە جوق ءتاتتى قىلىق دەپ ءبىلىڭىز. ايەلىڭىزدى نە ءۇشىن جاقسى كورەتىنىڭىزدى ەستەن شىعارماڭىز.

5. ونى وزگەرتۋگە تالپىنباڭىز. ايەلىڭىز قانداي بولسا، سول قاسيەتتەرىمەن ءسۇيىڭىز.

6. ءوز ەموسياڭىزعا جاۋاپ بەرىڭىز. ءسىز باقىتتى بولۋعا ۇمتىلۋىڭىز كەرەك، ونىمەن قوسا قارىم-قاتىناسىڭىزدى دا جارقىن ەتە ءتۇسۋ ءسىزدىڭ قولىڭىزدا.

7. ايەلىڭىزدى ەشقاشان ايىپتاماڭىز. ايەلىڭىز ءسىزدىڭ كوڭىل-كۇيىڭىزدى تۇسىرسە نەمەسە اشۋلاندىرسا، ونى ەشقاشان ايىپتاۋشى بولماڭىز. مۇمكىن، ول ءسىزدى بايقاماي، ويدا-جوقتا رەنجىتىپ العان شىعار.

8. ءوزى قانداي بولسا، سونداي بولۋىنا رۇقسات ەتىڭىز. ايەلىڭىزدىڭ كوڭىلى الدەنەگە تولماي وتىرسا، بىردەن ارالاسىپ، جاعدايدى تۇزەۋگە تىرىسپاڭىز. ءسىزدىڭ ماقساتىڭىز ونى قاجەت كەزىندە قولداي الاتىنىڭىزدى، تۇسىنەتىنىڭىزدى، كومەككە كەلەتىنىڭىزدى ۇعىندىرۋ.

9. ونىڭ جانىنا ازىق بولىڭىز. ايەلىڭىز سويلەيتىن ماحاببات ءتىلىن تۇسىنۋگە تىرىسىڭىز.

10. ونىڭ جانىنان تابىلىڭىز. وعان تەك ۋاقىتىڭىزدى عانا ەمەس، نازارىڭىزدى، جانىڭىزدى سىيلاڭىز. ومىرىڭىزدەگى ەڭ ماڭىزدى ادامداردىڭ ءبىرى ەكەنىن ۇمىتپاڭىز.

---