قۇنانبايدىڭ جاۋابى
توبىقتى ەلى مەن قارجاس ەلى اراسىندا جەر داۋى شىعىپ، ونىڭ اياعى ءۇش-تورت جىلعا سوزىلىپتى. ايتىلعان بىتىمگە ەكى جاق كەلىسە الماي نارازى بولىپ، جوعارى جاققا شاعىم جاساپ، بيلىكتى بۇزدىرا بەرىپتى. ءسويتىپ، بۇل داۋ توتەنشە سەزدىڭ تالقىسىنا ءتۇسىپتى. سەزدە توبىقتىلار اتىنان قۇنانباي بي، قارجاس جاعىنان شورماننىڭ مۇساسى ءسوز سايىسىنا ءتۇسىپتى. ەكى بي ءبىراز ايتىسىپ، ءبىر بىتىمگە كەلە الماپتى.
مۇسا كەزەكتى ءبىر سوزىندە:
— «مەنىڭ اتا-باباما باقىت قونعان، ءبىزدىڭ مارتەبەمىز بيىك، سالماعىمىز باسىم، بايتاق جاتقان ەلىم باي، كوكوراي شالعىن جەرىم باي، شالقىپ جاتقان كولىم باي» دەپ، ءوزىنىڭ بايلىعىن تەرمەلەپ ماقتانا بەرىپتى. سوندا قۇنانباي بي وعان بىلاي دەپتى:
— پۇت بولدىم دەپ ماقتانبا،
پۇتتان اۋىر باتپان بار.
بيىكپىن دەپ ماقتانبا،
اسقار-اسقار تاۋلار بار،
ار جاعىندا اسپان بار.
باسىما باقىت قوندى دەپ،
توسىلمايمىن ەندى دەپ،
الداۋشى جالعان دۇنيەگە،
عاپىل بولىپ ازباڭدار.
قارسى كەلگەن دۇشپانىڭ،
باسىن كەلىپ يزەسە،
وعاندا قىل بوستاندىق،
اياققا سالىپ باسپاڭدار.
ب ا ق تايسا اجارىنا قارامايدى،
بىرەۋدى بىرەۋ سىرتتان تابالايدى،
باسىڭا قاراپايىم ءبىر ءىس تۇسسە،
بولدى دەپ بىلمەستىكتەن شامالايدى.
«ادامنىڭ باسى اللاھتىڭ دوبى» دەگەن،
ءدام تارتسا ءار تاراپقا دومالايدى.
«بارەكەلدى، قۇنەكەڭ تاۋىپ ايتتى»، — دەپ ەل رازى بولىپتى.
You Might Also Like
-
بايقايمىز، ۇيلەنگەن سوڭ عاشىقتىق سەزىم سۋ سەپكەندەي باسىلادى. كەڭەستەرىمىز ءارقايسىڭىزدى ءوز جۇپتارىڭىزبەن باقىتتى ەتەدى دەپ ۇمىتتەنەمىز.
