ءاجۋا
ۇرىنى قوناققا شاقىرساڭ
قوراڭا كوز سالىپ وتىرادى. (ماقال)
ۇرى، شىركىن، كوز سالۋمەن تىنار ما،
ۇرلىق دەگەن كاسىپ پە الدە قۇمار ما؟
كىم ءبىلىپتى جەتەر مە وعان ميىمىز،
ۇرى ءتۇسىپ قورامىزعا، تومەندەدى كۇيىمىز.
اقىرى، ونى تۇتقىنداعان
پوليسەيلەر قىراعى.
دەگەن ەدى بار ارتىندا «ءبىراعى»
سول ءبىراعى
الگى نەمە بوپ شىقتى،
ءبىر دوكەيدىڭ ولگەندە كورگەن شىراعى.
سول كەلدى دە:
-بوساتىڭدار مىنانى!
ال مىنانى...
يەگىمەن مەنى نۇسقاپ تۇر ەدى.
بەيشاراڭنىڭ قىلپ ەتتى جۇرەگى،
تالىپ قالدى تاباندا.
ەس جيعاندا پوليسەيلەر
-قايقاي،- دەدى.
كاۋەك باسىڭ اماندا
العىس ايتقىن ولتىرتپەگەن ادامعا...
ريزا ەدىم
مىنا جارقىن زامانعا.
«ءوزىن - ءوزى ماقتاعان ولىممەن تەڭ» (ماقال)
ءوزىن- ءوزى ماقتاعاندار-
تىرىلەردىڭ ءتىرىسى،
ىرىلەردىڭ ءىرىسى.
وزگەلەردەن وزگەشەلەۋ
تۇرىسى مەن ءجۇرىسى.
اتتەڭ، اتتەڭ،
ماڭدىمايدى ءبىر ءىسى.
- ولگەنى مە
مۇنىسى؟
-شاعا بەرمەي ميىمدى،
ماڭىمنان ءارمان قۇرىشى.
سۇلەيمەن بايازيتوۆ
You Might Also Like
-
№16 كوللەدج مكقك ساپا مەنەدجمەنتى جۇيەسى ورىنداعان: گ-42 توپ ستۋدەنتى جولداس باقىتجان
-
ەگەر تابىسقا جەتكىڭىز كەلسە، مىنا التى كەسەلدەن بويىڭىزدى اۋلاق ۇستاڭىز: ماۋباستىق، جالقاۋلىق، قورقاقتىق، اشۋشاڭدىق، ۋاقىتتى بوسقا وتكىزۋ جانە جاسقانشاقتىق. دجەكي چان
