جەتىستىكتىڭ كەدەرگىلەرى
ەگەر تابىسقا جەتكىڭىز كەلسە، مىنا التى كەسەلدەن بويىڭىزدى اۋلاق ۇستاڭىز: ماۋباستىق، جالقاۋلىق، قورقاقتىق، اشۋشاڭدىق، ۋاقىتتى بوسقا وتكىزۋ جانە جاسقانشاقتىق.
دجەكي چان
تابىستى بولۋ جانە ەڭبەك ەتۋ جولىنداعى العاشقى جانە ەڭ ماڭىزدى كەدەرگى - جالقاۋلىق. مۇنىڭ قاينار كوزى باسقالار ەمەس، تىكەلەي ءوزىمىز، ءوز ءناپسىمىز بولىپ تابىلادى. جالقاۋلىق ادامنىڭ قارسى الدىنا شىعىپ، جىگىتشە ايقاساتىن دۇشپان ەمەس. ەرتەگىلەردەگى پەرىلەر سەكىلدى ءار تۇرگە ەنىپ، ءار ءتۇرلى ايلا قولدانىپ، اياقتان شالاتىن الاياق ىسپەتتى. جالقاۋلىق دەنساۋلىق تۇرعىسىنان تۋىنداپ جاتسا، دارىگەرگە قارالۋ كەرەك. رۋحاني بوساڭدىق، نەمقۇرايلىق، جەڭىلتەكتىك تۇرىندە بولسا مۇنى جەڭۋگە تىرىسۋ كەرەك. ەڭبەكقور ادامدارمەن بىرگە بولۋ، جالقاۋ ادامداردان ۇزاق تۇرۋ كەرەك.
جەتىستىك پەن ەڭبەكقور بولۋدىڭ ەكىنشى دۇشپانى - ناشار دوستار. بۇل كەدەرگى دە الدامشى، بەتپەردەلى كەلەدى. ناشار دوستار سەنىڭ قامىڭدى ويلاپ، قامقور بولىپ جاتقانسىماق كورىنەدى. ونسىز دا جالقاۋلىق ناشار دوستاردىڭ ايداۋىمەن باستالادى، ۋاقىت وتۋىمەن ادەتكە اينالادى. دوستىڭ جامانى جۇمىس ىستەپ جاتقان ادامداردان مازاسى قاشادى، تابىستارىمەن ەڭبەكتەرىن كەمسىتىپ، كەلەكە ەتۋ ارقىلى رايىنان قايتارادى.
جەتىستىك پەن ەڭبەك ەتۋدى تەجەيتىن باسقا دا فاكتورلار بار. قىسقاشا تىزبەكتەيتىن بولساق:
- ويىن-ساۋىقتىڭ كوپتىگى؛
- دۇرىس ەمەس ءتالىم جۇيەسى؛
- جەتەكشىنىڭ ناشار بولۋى؛
- جۇمىس ىستەپ جاتقانداردىڭ ماراپاتتالماۋى؛
- زاڭسىز تابىس كوزدەرىنىڭ جابىلماۋى ت.ب..
جەتىستىك پەن ەڭبەكقور بولۋدىڭ الدىنا شىعاتىن كەدەرگىلەردىڭ بارلىعىن جىگەرلى، تاباندى بولۋ ارقىلى اسىپ وتۋگە بولادى. بيىكتەردى باعىندىرعان ادامداردىڭ كوبى جىگەر، قايرات، تاباندىلىق تانىتقان ادامدار.
You Might Also Like
-
ستۋدەنت بويىنداعى شىنشىلدىق، ادالدىق، مەيىرىمدىلىك، پاتريوتتىق، ۇلتتىق، تۇراقتىلىق سياقتى رۋحاني قاسيەتتەردى قالىپتاستىرا وتىرىپ، جەكە تۇلعا رەتىندە قالىپتاسۋىن، قوعامدا ەركىن سويلەۋىن، ءوز ويى...
