سىبايلاس جەمقورلىقتىڭ 50 پايىزى مەكتەپكە دەيىنگى مەكەمەلەرگە قارجى ءبولۋ كەزىندە جاسالادى
سىبايلاس جەمقورلىقتىڭ 50 پايىزى مەكتەپكە دەيىنگى مەكەمەلەرگە قارجى ءبولۋ كەزىندە جاسالادى. بۇل تۋرالى «ايماق» وڭىرلىك دامۋعا جانە جەرگىلىكتى ءوزىن-وزى باسقارۋعا جاردەمدەسۋ قورىنىڭ پرەزيدەنتى ايگۇل سولوۆيەۆا ايتتى.
«الەۋمەتتىك زەرتتەۋلەرگە سايكەس سىبايلاس جەمقورلىق قۇقىق بۇزۋشىلىقتاردىڭ 50 پايىزدان استامى مەكتەپكە دەيىنگى ۇيىمداردى قارجىلاندىرۋ بارىسىندا جاسالادى»، - دەدى ول «اتامەكەن» ۇكپ كاسىپكەرلەردىڭ قۇقىعىن قورعاۋ جانە سىبايلاس جەمقورلىققا قارسى ءىس-قيمىل كەڭەسىنىڭ وتىرىسى بارىسىندا.
وسى رەتتە اتالعان كەڭەستىڭ ءتوراعاسى قايىربەك سۇلەيمەنوۆ ەسەپ كوميتەتىنىڭ رەسپۋبليكالىق بيۋدجەتتىڭ ورىندالۋىنا جۇرگىزگەن باقىلاۋىندا ەلىمىزدىڭ ءبىلىم جانە عىلىم مينيسترلىگىندەگى اۋديتتەن بيۋدجەتتىڭ 43،2 ملرد تەڭگەسى ءتيىمسىز قولدانىلعانى انىقتالعاندىعىن ەسكە سالدى. سونىمەن قاتار 16،9 ملرد تەڭگەگە قارجىلىق زاڭ بۇزۋشىلىق ورىن العان.
«قاراستىرىلىپ وتىرعان ماسەلە بيۋدجەتتىك تىكەلەي بايلانىستى. مەكتەپكە دەيىنگى ءبىلىم بەرۋ ۇيىمدارىن قارجىلاندىرۋ تەك مۇددەلى مەملەكەتتىك ورگانداردىڭ عانا ەمەس، سونىمەن بىرگە قۇقىق قورعاۋ ورگاندارىنىڭ دا ءجىتى نازارىندا بولۋى ءتيىس»، - دەپ اتاپ ءوتتى قايىربەك سۇلەيمەنوۆ.
قازاقپارات
You Might Also Like
-
سىزبەن كەلىسپەيتىنتەردەن ەمەس، سىزبەن كەلىسپەي، ءبىراق ايتۋعا باتىلى بارمايتىنداردان قورقۋ كەرەك. ناپولەون بوناپارت
-
شىمكەنت اگرارلىق كوللەدجىنىڭ زوو9-151 توبىنىڭ ستۋدەنتى نۋرماحامەدوۆا جىبەكجان جەتەكشىسى: نۋرسەيتوۆا اينۋر
