InfoHub Logo

جاڭاوزەنگە قۇدا بالامىز كوشىپ كەلدى. ەسىمى اكىم. مەكەن-جايىن بىلگەن سوڭ، "قونىس قۇتتى بولسىننىڭ" رەتىمەن ونى ىزدەپ باردىم. ەكىنشى شاعىن اۋدانداعى ەسكى، كوپ قاباتتى ۇيلەردىڭ بىرىندە ەكەن. ەسىك الدىندا بالا جۇباتىپ وتىرعان اجەيگە سالەم بەرىپ:

— شەشە، اكىمنىڭ ءۇيى وسى ما؟ — دەدىم. ۇلكەن كىسى مەنى جاڭا كورگەندەي اجىرايا قاراپ:

— ءاي، شىراعىم-اي، اكىم مۇنداي ۇيدە تۇراتىن با ەدى، قىستا جىلىمايدى، جازدا ماسا، ءوزىڭ قاراشى. اكىمدى ىزدەسەڭ، باي اۋىلعا بار، سوندا دەپ ەستيمىز، — دەگەنى.

— ءسىز مەنى تۇسىنبەدىڭىز، ەسىمى اكىم، رۋى جادىگەر، جاقىندا كوشىپ كەلگەن، — دەپ ەدىم شەشەي كۇلىپ جىبەردى. ءبىزدىڭ ءسوزىمىزدى ەستىگەن ۇلكەن-كىشى ءبارى كۇلدى.

---