ءال-فارابي اتىنداعى قازاق ۇلتتىق ۋنيۆەرسيتەتى
مەن 2021 جىلى مەكتەپ ءبىتىرىپ، قازۇۋ-عا مەحانيكا-ماتەماتيكا فاكۋلتەتىنىڭ روبوتوتەحنيكالىق جۇيەلەر ماماندىعىنا گرانتقا ءتۇستىم. گرانت كونكۋرسىنىڭ ناتيجەسى شىققان كەزدە ءوز كوزىمە ءوزىم سەنبەدىم، قاتتى قۋاندىم.
ءال-فارابي اتىنداعى قازاق ۇلتتىق ۋنيۆەرسيتەتى قازاقستانداعى ەڭ تانىمال جانە بەدەلدى جوعارى ءبىلىم بەرۋ ۇيىمى بولىپ سانالادى. 88 جىل بۇرىن قۇرىلعان ۋنيۆەرسيتەت بۇگىنگى تاڭدا الەمدىك دەڭگەيدەگى اتاققا يە. بۇل جوعارى ءبىلىم بەرۋ ۇيىمى تەك ۇزدىكتەردىڭ ءبىرى عانا ەمەس، سونىمەن قاتار ەلىمىزدەگى ەڭ ءىرى ۋنيۆەرسيتەتتەردىڭ ءبىرى. ۋنيۆەرسيتەت قۇرامىنا 16 فاكۋلتەت، 67 كافەدرا، 32 عىلىمي-زەرتتەۋ ينستيتۋتى مەن ورتالىقتار كىرەدى.
بۇل ۋنيۆەرسيتەتتىڭ كوپتەگەن جاقسى جاقتارى بار. مەنىڭ ويىمشا، ۋنيۆەرسيتەتتىڭ باستى ارتىقشىلىعى - ءار ستۋدەنتتىڭ بويىنان ەرەكشەلىكتەردى، تالانتتاردى تابۋعا تىرىساتىن جانە ولاردى دامىتۋ ءۇشىن بارىن سالاتىن، مۇمكىندىگىنشە بار بىلىمىمەن ءبولىسىپ، باعالى كەڭەستەر بەرەتىن وقىتۋشىلار بولىپ تابىلادى.
مەن ءۇشىن ۋنيۆەرسيتەت - ومىردە ادامداردى جانە ءوز-وزىمدى تانۋدىڭ تاسىلدەرىنىڭ ءبىرى. ءبىلىم الۋ جولىندا ۋنيۆەرسيتەت وتە جاقسى «موتيۆاتور» بولىپ تابىلادى، ويتكەنى ءسىزدى ارەكەت ەتۋگە، كۇرەسۋگە جانە ءار ۋاقىتتا ءسىزدىڭ جەكە تۇلعا بولۋ قۇقىعىڭىزدى دالەلدەۋگە ءماجبۇر ەتەدى. ءدال وسى سەبەپتەرگە بايلانىستى مەن ءال-فارابي اتىنداعى قازاق ۇلتتىق ۋنيۆەرسيتەتىن تاڭدادىم. بۇل ۋنيۆەرسيتەتتىڭ وزىندىك ەرەكشە اتموسفەراسى بار. مۇندا وقۋ دا، ءومىر دە بار. مۇندا جۇمىس، شىعارماشىلىق جانە سپورت بار. سونىمەن قاتار، بۇل ۋنيۆەرسيتەتتەگى ءبىلىم دەڭگەيى تەك ەلىمىزدەگى عانا ەمەس، الەمدىك ارەناداعى دا جوعارى تالاپتارعا ساي كەلەدى.
قالا ىشىندەگى «كازگۋگراد» قالاشىعى دەپ اتالىپ كەتكەن قۇتتى مەكەندە ستۋدەنتتەردىڭ ءبىلىم الۋىنا بارلىق مۇمكىندىك جاسالعان. ءو.جولداسبەكوۆ اتىنداعى 1600 ورىندىق ستۋدەنتتەر سارايى، تمد ەلدەرىندەگى جالعىز ۇلكەن اۋقىمدى «ءال-فارابي» كىتاپحاناسى، سپورتكەشەنى مەن ستاديون، جاڭا عيماراتتار، اسكەري كافەدرا، تەحنوپارك، 5000 ستۋدەنتكە ارنالعان ستۋدەنتتەر ءۇيى، مەديسينالىق ورتالىق جانە ستۋدەنتتەرگە قىزمەت ەتۋ ورتالىعى ستۋدەنتتەر يگىلىگى ءۇشىن قىزمەت جاساپ وتىر. ستۋدەنتتەر سارايىندا ونەرلى ستۋدەنتتەرگە ارنالعان ستۋدەنتتەر كلۋبى جۇمىس اتقارادى. ستۋدەنتتەر كلۋبىنىڭ دارىندى مۇشەلەرى تالاي بايقاۋلاردىڭ جەڭىمپازدارى. سونىڭ ءبىرى رەتىندە، «باقىت» بي ءانسامبلىن ەرەكشە اتاپ وتۋگە بولادى. ۋنيۆەرسيتەتىمىزدە ءداستۇرلى تۇردە «جالىن» ءبىرىنشى كۋرس تالانتتارىن انىقتاۋ، «ستۋدەنتتىك كوكتەم»، كۆن، «انا ءتىلى ارۋى-جىگىت سۇلتانى» سياقتى بايقاۋلار جوعارى دەڭگەيدە وتكىزىلىپ تۇرادى.
قازۇۋ 400-دەن استام شەتەلدىك ۋنيۆەرسيتەتتەرمەن ىنتىماقتاستىق تۋرالى كەلىسىم جاساعان. وسى نەگىزدە ماگيسترانت، دوكتورانتتارعا ەكى ادامنىڭ جەتەكشىلىك ەتۋ تاجىريبەسى كەڭىنەن ورىستەپ وتىر. ءبىر عىلىمي جەتەكشى قازاقستاننان بولسا، ەكىنشىسى – شەتەل جوو-داعى بەلگىلى عالىم. وسىنىڭ ءبارى دە قازۇۋ ستۋدەنتتەرى ءۇشىن حالىقارالىق دەڭگەيدە وقىپ، زەرتتەۋلەر جۇرگىزۋگە لايىقتى جول اشادى.
قازۇۋ-دى ەلىمىزدىڭ بارلىق جوعارى ءبىلىم بەرۋ جۇيەسىنىڭ تىرەگى، بىلىكتى ماماندار ورداسى دەۋگە بولادى. ۋنيۆەرسيتەتتىڭ مىڭداعان تۇلەكتەرى قازاقستاننىڭ جانە ونىڭ اۋماعىنان تىس جەرلەردەگى ءوندىرىستىڭ بارلىق سالالارىندا تابىستى ەڭبەك ەتۋدە.
ءابدىعالي مەرەي قازۇۋ مەحانيكا-ماتەماتيكا فاكۋلتەتىنىڭ 1 كۋرس باكالاۆريانتى. جەتەكشى: ۋرازگالييەۆا.س.ا
You Might Also Like
-
مەنىڭ ءاتى-جونىم جاقسىلىق ءلاززات. مەن شىمكەنت قالاسىنىڭ تۇرعىنىمىن. 2021 جىلى ۇلتتىق ءبىرىنعاي تەست تاپسىرىپ جوعارى بالل جيناپ ، قازاق ۇلتتىق ۋنيۆەرسيتەتىنە، ءوزىم قالاعان ۋنيۆەرسيتەتكە ءتۇستىم. ءال-فار...
-
قاھارلى قىستىڭ سىزىنان سوڭ قۇلپىرىپ جايما-شۋاق كوكتەم كەلگەن. الماتىنىڭ كوكتەمى جانعا جىلۋلىق سىيلايتىن ەرەكشە عوي، شىركىن! بارلىق تىرشىلىك اتاۋلىعا جان ءبىتىپ، قالىڭ ۇيقىسىنان ويانعان تابيعات ودان س...
