قازۇۋ - مۇمكىندىكتەر مەكەنى
ءال-فارابي اتىنداعى قازاق ۇلتتىق ۋنيۆەرسيتەتى (قازۇۋ) — قازاقستان رەسپۋبليكاسىنىڭ جوعارى وقۋ ورنى. ۋنيۆەرسيتەت 180 سالا بويىنشا ماماندار دايىندايدى.بۇل ۋنيۆەرسيتەت 16 فاكۋلتەتتەن تۇرادى. قازاق ۇلتتىق ۋنيۆەرسيتەتى قۇرامىندا 16 فاكۋلتەت، 67 كافەدرا، 32 عىلىمي-زەرتتەۋ ينستيتۋتتارى مەن ورتالىقتارى جۇمىس ىستەيدى؛ 2 مىڭنان استام پروفەسسور، عىلىم دوكتورلارى، كانديداتتارى مەن فيلوسوفيا دوكتورلارى، 100-دەن استام ءىرى اكادەميالاردىڭ اكادەميكتەرى، 40-تان استام قازاقستان رەسپۋبليكاسىنىڭ ەڭبەك سىڭىرگەن قايراتكەرلەرى، 40-قا جۋىق ق ر مەملەكەتتىك جانە اتاۋلى سىيلىقتارىنىڭ لاۋرەاتتارى جانە 40 جاس عالىمدار سىيلىعىنىڭ لاۋرەاتتارى جۇمىس اتقارادى. 2012 جىلعى الەمدىك ۇزدىك 390-شى ۋنيۆەرسيتەت.
1937 جىلى قىركۇيەكتە ءتورت جىلدىق وقۋ جۇيەسىنە نەگىزدەلگەن تۇڭعىش گۋمانيتارلىق شەت تىلدەرى فاكۋلتەتى اشىلدى. ءبىر جىلدان كەيىن 120 ستۋدەنتى جانە قۇرامىندا ورىس ءتىلى مەن ادەبيەتى، اعىلشىن ءتىلى جانە فرانسۋز ءتىلى ءتارىزدى ءۇش كافەدرا بار فيلولوگيا فاكۋلتەتى (وقۋ مەرزىمى 5 جىلدىق) اشىلدى. كەيىننەن شەت تىلدەرى فاكۋلتەتى دە وسى قۇرىلىمعا قوسىلدى. ۋنيۆەرسيتەتتە سوعىس قارساڭى جانە سوعىستان سوڭعى جىلدارى 23 كافەدراسى بار ءۇش جاراتىلىستانۋ (بيولوگيا، فيزيكا-ماتەماتيكا، حيميا) جانە ەكى گۋمانيتارلىق (فيلولوگيا مەن جۋرناليستيكا فاكۋلتەتى) فاكۋلتەت جۇمىس ىستەدى. ۋنيۆەرسيتەت 1942 جىلى 257 فيزيك، حيميك، ماتەماتيك، بيولوگ، جۋرناليست، فيلولوگ، سونداي-اق باتىس ەۋروپا تىلدەرىنىڭ ماماندارىن دايارلاپ شىعاردى.
كسرو حالىقتىق كەڭەسىنىڭ №2293 قاۋلىسى
1954 – 1955 وقۋ جىلى ۋنيۆەرسيتەتتە 3778 ستۋدەنت وقىدى، 386 وقىتۋشى – پروفەسسور ەڭبەك ەتتى. 1970 جىلى ۋنيۆەرسيتەت قۇرامىندا 16 ماماندىق بويىنشا جاس كادرلار دايىندايتىن 10 فاكۋلتەت، 65 كافەدرا بولدى. 1980 جىلى 89 كافەدرادا 869 وقىتۋشى، ونىن ىشىندە 79 پروفەسسور مەن 540 دوسەنت، عىلىم كانديداتتارى قىزمەت اتقاردى.
ۇلى وتان سوعىسى جىلدارىندا قازاقستانعا كسرو-نىڭ ەۋروپالىق بولىگىنەن: ماسكەۋ، لەنينگراد، كييەۆ، مينسك جانە ت.ب. عىلىمي ورتالىقتاردان ءىرى عىلىمي ۇجىمدار مەن لابوراتوريالار كوشىرىلدى. بۇل جىلدارى ۋنيۆەرسيتەتتە كسرو عىلىم اكادەمياسى (كسرو عا) اكادەميكتەرى ي.مەششانينوۆ، ن.اكۋلوۆ، كورەسپوندەنت–مۇشەلەر ۆ.دوگەل، ا.دۋمانسكيي، پروفەسسورلار ا.ميحلين، م.روزەنبەرگ، ن.پاكۋل سياقتى كوپتەگەن عالىمدار ەڭبەك ەتە باستادى.
كازۇۋ-دىڭ قابىرعاسىندا قانىش ساتبايەۆ، مۇحتار اۋەزوۆ، ەرمۇحان بەكماحان ۇلى، الكەي مارعۇلان، د.سوكولسكيي ءتارىزدى اسا كورنەكتى عىلىم مەن مادەنيەت قايراتكەرلەرى ءدارىس وقىدى.
مەن مەحانيكا ماتەماتيكا فاكۋلتەتىنىڭ 1 كۋرس ستۋدەنتىمىن.ۋنيۆەرسيتەتتە ستۋدەنتتەرگە جاعداي تولىققاندى جاسالعان.وقۋ ورنىنا جاڭادان قابىلدانعان ستۋدەنتتەر ارنايى جاتاحانالارمەن قامتىلادى.ستۋدەنتتەرگە ارنالعان قازۇۋ قالاشىعى،سپورتتىق الاڭدار جانە ارنايى ۇيىمدار بار.قازۇۋ-عا ءتۇسىپ مەن ءوزىمدى باسقا قىرىمنان تاني الدىم.ءتۇرلى ءىش شارالارعا قاتىسىپ كوپتەگەن جەتىستىكتەرگە جەتىپ ءجۇرمىن.قازۇۋ-دى بىتىرگەن تۇلەك جەردە قالمايدى. مەن بۇل ۋنيۆەرسيتەتكە تۋسكەنىمە ەش وكىنبەيمىن،سەبەبى، قازۇۋ مۇمكىندىكتەر مەكەنى!
ءال-فارابي اتىنداعى قازاق ۇلتتىق ۋنيۆەرسيتەتىنىڭ مەحانيكا - ماتەماتيكا فاكۋلتەتىنىڭ 1 كۋرس ستۋدەنتى: تىلەۋباي ەراسىل؛ جەتەكشىسى: ۋرازعالييەۆا س.ا
You Might Also Like
-
جۋرناليست بولۋ ءۇشىن ءبىلىم كەرەك جانە قۇشتارلىق كەرەك. سپورتشىنىڭ ەڭ بيىك شىڭى - وليمپياداعا بارۋ بولسا، سپورت ءجۋرناليسىنىڭ ەڭ بيىك شىڭى - وليمپيادا ويىندارىن كوزىمەن كورۋ. &...
-
ادام باسقا ادامدارمەن قارىم-قاتىناسقا ءتۇسۋ بارىسىندا نەمەسە ءوزىن ءوزى تانۋ ۇستىندە سەزىمدەرى مەن ىس-ارەكەتتەرىن جانە مىنەز-قۇلقى مەن اقىل ويىن يگەرە الۋى كەرەك، ياعني ءتيىمدى پايدالانۋدى جۇزەگە اسىرۋى...
