شەتەلگە كەتىپ جاتقان قازاق جاستارىنىڭ سانى ارتۋدا
شەت ەلگە دەگەن قۇمارلىق ارتۋدا. حالقىمىزدىڭ تاعدىرى نە بولماق؟!
ەلىمىزدە شەت ەلگە ەلىكتەپ، بايلىقتىڭ ارتىنان كەتىپ جاتقان جاستار سانى ارتۋدا. بايلىعى اسىپ-تاسىپ جاتقانىن كىم قالامايدى؟ ءبىراق بايلىق ارتىنان بارامىن دەپ، قاتەلىك جاساپ، قايتىپ كەلىپ جاتقاندار سانى دا از ەمەس-تى. ارالارىندا تىپتەن شەت ەلدە ءجۇرىپ، اپاتقا ۇشىراپ جاتقاندارى بار.
«قازاقستاننان بىرەۋ كەتىپ بارا جاتقانىن ەستىگەندە الاڭدايمىن. ەگەر ءبىز ولار كەتەتىن جەرگە قاراعاندا جاقسى جاعداي جاساساق نەگە كەتۋى كەرەك، نە ءۇشىن؟ سوندىقتان جەرگىلىكتى جەرلەردە اكىمدىكتەر وتە مۇقيات بولۋى كەرەك. نەلىكتەن ولار كورشى ەلدەردىڭ جوعارعى وقۋ ورىندارىنا كەتەدى. بىزدە جاقسى بولاتىنداي ەتىپ جاساۋى كەرەك. ەڭ باستىسى، ۇزدىك ءبىلىم قاجەت.» - دەيدى تۇڭعىش پرەزيدەنت ن.ءا.نازاربايەۆ. راسىمەندە، ەلىمىزدە وسىنداي جاعدايلار جاسالىپ جاتسا دا، شەت ەلگە كەتىپ، سول جاقتان ءبىلىم الۋدى ماقسات ەتەتىن جاستار سانى كوبەيۋدە. ەۋروپا، كورەياعا كەتىپ جاتقان جاستار سانى كۇننەن كۇنگە ارتۋدا. كەيبىرەۋلەرى ساپالى ءبىلىمدى كوزدەسە، كەيبىرەۋلەرى اقشانى كوزدەيدى. «شەت ەلدىك وقۋدىڭ اقشاسى قازاقستاندىق وقۋدىڭ اقشاسىنا قاراعاندا اناعۇرلىم ارزان.» - دەيدى شەتەلدە جۇرگەن وتانداستارىمىز. ولاردىڭ ايتۋىنشا، قازاقستاندىق اقشامەن سالىستىرعاندا جىلىنا 60 مىڭ تەڭگە تولەپ جوعارى ءبىلىم الادى ەكەن، ال ەلىمىزدە ونداي وقۋدىڭ اقشاسى كەمىندە 600 مىڭ تەنگە. شەتەلدەن الىنعان ديپلوم بارلىق جەردە جارامدى. «وقۋعا جاقسى كوڭىل بولىنەدى. مۇعالىمدەردىڭ جالاقىسى جاقسى.سونداي-اق شەتەلدەردە ءمۇعالىم دارەجەسىنىڭ جوعارىلىعىنان، شەتەلدە ءبىلىم ساپاسى جوعارى دەيدى. بۇل پروسەسس موتيۆاسيا ارقاسىندا ىسكە اسىرىلۋدا. قازاقستانعا ەڭ قاجەت نارسەلەردىڭ ءبىرى وسى – موتيۆاسيا. موتيۆاسيانىڭ جوقتىعىنان ەلىمىزدە ادامدار جۇمىسىن تولىعىمەن اتقارمايتىن سياقتى.» – دەيدى كاۋسار انۋاربەك.
جازعى دەمالىس كەزىندە وتاندىق جۇلدىزدارىمىز دا قالتالارى كوتەرسە، شەتەل اسۋعا اسىعادى. ماسەلەن: جۇلدىزدى وتباسى قاراقات پەن ءقىدىرالى ەلىمىزدەن بولەك شەتەلدەردە، اسىرەسە تۇركيادا دەمالعاندى ءجون كورەدى ەكەن. ال وسى جاقىن ارادا انتاليادان جۇلدىزدى جۇپ ءۇي الىپ، قونىس تويىن جاسادى.
تاعى ءبىر وتاندىق جۇلدىزىمىز دانا كەنتاي تايلاند ەلىنە ءجيى باراتىن بولدى. ايتۋىنشا، تايلاندتىن ادامدارى جارقىن ءجۇزدى، اۋا رايى جىلى، قولايلى ەكەن. بۇل جاعىنان، قاراپ وتىرساق، ءوز وتانىمىزدىڭ دا ادامدارى كەم تۇسپەيدى. سەبەبى، ءبىزدىڭ حالىق ءوز قوناعىن جىلى جۇزبەن، قۇشاق جايا قارسى الاتىن حالىق.
وسىدان 1 اپتا بۇرىن وتباسىمەن شەتەلدە دەمالعان التىناي جورابايەۆا تۇركيادان 7 جۇلدىزدى پاتەر ساتىپ العانىن Instagram جەلىسىندە حابارلادى. جۇلدىزدىڭ جانكۇيەرلەرىنىڭ بىرەۋلەرى شىن جۇرەكتەن قۋانىپ جاتسا، ەندى بىرەۋلەرى جىراقتا بولادى دەگەن ويمەن ۋايىمداپ جاتىر دەسەدى.
قورىتا ايتقاندا، جالپى كەيبىر ادامدار شەتەلگە مۇقتاجدىقتان شىعىپ جاتسا، ەندى ءبىرى تەك ماقتان ءۇشىن شىعادى. تىپتەن سول جاقتان ءۇي الىپ، سول جاقتا تۇرۋدى ماقسات ەتەتىندەر دە بار. ال ەندى بىرەۋلەرى، شەتەلگە بايلىق سوڭىنان بارادى. قازىرگى تاڭدا ونداي جاستار سانى ارتۋدا. ءبىراق كوز سالىپ قاراساق، ءبىزدىڭ ەل دە شەتەلدەن اسىپ تۇسپەسە، كەم تۇسپەيدى. ەلىمىز اۋاسى تازا، تابيعاتى كەرەمەت، ەلىمىز باي. قانشاما دەمالاتىن كوركەم جەرلەر بار. ماسەلەن؛ بوراباي، كوكتوبە جانە تاعى باسقادا دەمالىس ورىندارى تابيعاتىمەن ەرەكشەلەنەدى. ال باعاسى سول شەتەلگە بارىپ كەلگەنمەن بىردەي بولماسا، ودان قىمبات ەمەس. ارينە، اركىمنىڭ ءوز قالاۋى شەتەلگە شىعامىن دەسە، ءبىراق وزگە ەلدە سۇلتان بولعانشا، ءوز ەلىڭدە ۇلتان بول دەگەن قاناتتى سوزدەردى ۇمىتپاعان ءجون.
ابىلايحان اتىنداعى قازاق حالىقارالىق قاتىناستار جانە الەم تىلدەرى ۋنيۆەرسيتەتىنىڭ 1 كۋرس ستۋدەنتى
كايرزامانوۆا ەلدانا
You Might Also Like
-
2020 جىلى 3 جەلتوقساندا ءال-فارابي اتىنداعى قازاق ۇلتتىق ۋنيۆەرسيتەتى جانە «TILEU-QABAQ» قوعامدىق قورى بىرلەسە وتىرىپ قازاقستان تاريحى كافەدراسىنىڭ ۇيىمداستىرۋىمەن التىن وردانىڭ قۇرىلۋىن...
