ءال-فارابي اتىنداعى قازۇۋ-دا «رۋحاني جاڭعىرۋ» باعدارلاماسى اياسىندا مامانداردى دايارداۋدىڭ جاڭا باعىتتارى
ءۇش جىل بۇرىن، 2017 جىلدىڭ 12 ساۋىرىندە، مەملەكەتىمىزدىڭ جاڭا يدەولوگيالىق الاڭىنا اينالعان، تۇڭعىش پرەزيدەنتتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى ۇسىنىلدى. باعدارلامادا كورسەتىلگەن رۋحاني جاڭعىرۋدىڭ نەگىزگى باعىتتارى، مىسالى، ۇلتىمىزدىڭ باسەكەگە قابىلەتتىلىگى، پراگماتيزم، ۇلتتىق بىرەگەيلىكتى ساقتاۋ، بىلىمگە تابىنۋ، قازاقستاننىڭ ەۆوليۋسيالىق دامۋى جانە سانانىڭ اشىقتىعى ەل قوعامىنىڭ، سونىڭ ىشىندە ءال-فارابي اتىنداعى قازاق ۇلتتىق ۋنيۆەرسيتەتىنىڭ ۇجىمى اراسىندا كەڭ قولداۋعا يە بولدى.
باعدارلاما ءبىلىم بەرۋدى مودەرنيزاسيالاۋعا جانە مادەني-ادامگەرشىلىك قۇندىلىقتاردى قازاقستاننىڭ بولاشاق دامۋىنىڭ باستى باسىمدىعى مەن باعىتى رەتىندە ساقتاۋعا باعىتتالعاندىعى ءبىزدى ەرەكشە قىزىقتىرادى. ارينە، ەلىمىزدىڭ جوعارى بىلىمىمەن بەتپە-بەت كەلگەن بۇل جاڭا قوندىرعى ءال-فارابي اتىنداعى قازۇۋ ءۇشىن وتە قاجەت.
ءال-فارابي اتىنداعى قازاق ۇلتتىق ۋنيۆەرسيتەتىنىڭ پروفەسسورلىق-وقىتۋشىلىق قۇرامى مەن قىزمەتكەرلەرى باعدارلامانى تالقىلاۋعا جانە رۋحاني جاڭعىرۋ باعدارلاماسىن وقۋ پروسەسىنە جانە عىلىمي زەرتتەۋلەرگە ودان ءارى ينتەگراسيالاۋعا بەلسەندى قاتىستى. سونىمەن، 2017 جىلدىڭ قىركۇيەك ايىنان باستاپ جالپى ءبىلىم بەرۋ سيكلى بويىنشا بارلىق باكالاۆريات ماماندىقتارىنىڭ وقۋ جوسپارلارىنداعى پاندەرگە «رۋحانيني جانعىرۋ» باعدارلاماسىنىڭ قۇندىلىقتارىنا باعىتتالعان مودۋلدەر ەنگىزىلدى.
قوعامدىق سانانى جاڭعىرتۋدىڭ نەگىزگى باعىتتارى بويىنشا زەرتتەۋلەردى ۇيىمداستىرۋعا ۇلكەن ءرول بەرىلدى.ءال-فارابي اتىنداعى قازۇۋ-دىڭ تاريح فاكۋلتەتى دە وسى باعىتتاردىڭ جۇزەگە اسۋىنا ءوز ۇلەستەرىن قوسۋدا.فاكۋلتەتتە دۇنيەجۇزىلىك تاريحتى زەرتتەۋدىڭ، ورتالىق ازيانىڭ ءداستۇرلى وركەنيەتتەرىن زەرتتەۋدىڭ رەسپۋبليكالىق ورتالىقتارى، حالىقارالىق گەوارحەولوگيا زەرتحاناسى، «ارحيۆ جانە قۇجاتتاما» عىلىمي-ادىستەمەلىك ورتالىعى، قازاقستان رەسپۋبليكاسى ءبىلىم جانە عىلىم مينيسترلىگىنىڭ ءبىرقاتار گرانتتىق قارجىلاندىرۋ جوبالارى ىسكە اسىرىلۋدا.
جالپى، باعدارلامادا ايقىندالعان رۋحاني جاڭعىرۋدىڭ التى باعىتى بۇرىن قابىلدانعان ۇزاق مەرزىمدى الەۋمەتتىك-ەكونوميكالىق باعدارلامالاردى قولداۋعا جانە ويداعىداي ىسكە اسىرۋعا باعىتتالعان، بۇل ءبىزدىڭ مەملەكەتىمىزدىڭ ودان ءارى تۇراقتى دامۋىنا ءوزىنىڭ وڭتايلى ىقپالىن تيگىزەدى.
رۋحاني جانگىرۋ باعدارلاماسىندا بەلگىلەنگەن باسشىلىقتى ەسكەرە وتىرىپ، ۇجىم جوعارى بىلىكتى ماماندار دايارلاۋعا بار كۇشىن سالۋدا.مامانداردى دايارلاۋ ساپاسىنا كوپ كوڭىل بولىنەدى: ۋنيۆەرسيتەتتىڭ ايتارلىقتاي ماتەريالدىق-تەحنيكالىق بازاسى بار، حالىقارالىق قاتىناستار دامىعان، قاشىقتىقتان وقىتۋ تەحنولوگيالارى كەڭىنەن قولدانىلادى.اشىلعانىن اتاپ وتكەن ءجون.ءال-فارابي اتىنداعى قازاق ۇلتتىق ۋنيۆەرسيتەتى مەن قازاقستاننىڭ جوعارعى مەكتەبىنىڭ ۇلتتىق عىلىم اكادەمياسى بىرلەسىپ ، moocs.kz سايتىندا قازاقستاننىڭ اشىق ءبىلىم بەرۋ ۇلتتىق پلاتفورماسىن جۇزەگە اسىرعانىن دا اتاپ وتكەنىمىز ءجون.ءوزىنىڭ جاپپاي اشىق ونلاين كۋرستارىن (MOOC) قۇرۋ ءۇشىن قازۇۋ كوپتەگەن جۇمىستار اتقارۋدا.وقۋ پروسەسىنىڭ جۇمىس بەرۋشىلەردىڭ قاجەتتىلىكتەرىمەن بايلانىسىن نىعايتۋعا دا ەرەكشە كوڭىل بولىنەدى.
قوعامدىق سانانى تۇبەگەيلى وزگەرتپەستەن ەلدىڭ الەۋمەتتىك-ەكونوميكالىق جانە ساياسي دامۋىنداعى اۋقىمدى وزگەرىستەرى مۇمكىن ەمەس. وسىلايشا، ءبىزدىڭ مەملەكەت باسشىسىنىڭ «بولاشاققا باعدار: رۋحاني جاڭعىرۋ» باعدارلاماسىندا ايتىلعان الەۋمەتتىك باستامالار قازاقستان رەسپۋبليكاسىنداعى ءبىلىم مەن عىلىمنىڭ دامۋىنا جاڭا سەرپىن بەرەدى، ادامي الەۋەتكە ينۆەستيسيالاردى كۇشەيتەدى جانە ەلدىڭ ودان ءارى تۇراقتى الەۋمەتتىك-ەكونوميكالىق جانە رۋحاني-ادامگەرشىلىك دامۋىنا ىقپال ەتەدى.
جارقىنبايەۆا ر. س.، ت.ع.د.، ءال-فارابي اتىنداعى قازۇۋ
دۇنيە ءجۇزى تاريحى، تاريحناما جانە دەرەكتانۋ
كافەدراسىنىڭ پروفەسسورى
You Might Also Like
-
بۇرىنعى زاماندا بۇحاراي-شارىپتە ءبىر قاسيەتتى كەرەمەت يەسى اۋليە بولعان ەكەن. سول اۋليەنىڭ ەر جەتىپ، ازامات بولعان جالعىز بالاسى بولىپتى. كۇنلەردە ءبىر كۇن بۇحارا حانىنىڭ اقتاياقتارى اۋليەنىڭ بالاسىن ...
