اسحات ايماعامبەتوۆ: باسپالاردىڭ الدىنا ەلەكتروندى وقۋلىقتار بولۋى كەرەك دەگەن تالاپ قويدىق
ءبىلىم جانە عىلىم ءمينيسترى اسحات ايماعامبەتوۆ ءبىلىم جانە عىلىم سالالارىن سيفرلاندىرۋ جۇمىسى قالاي اتقارىلىپ جاتقانى تۋرالى مالىمەتتەرمەن ءبولىستى.
«وتكەندە مەملەكەت مۇعالىمدەردىڭ جالاقىسىن وسىرگەندە جۇمىستا وتىرىپ الىپ، «ءورت ءسوندىرۋشى» بولىپ كەتتىك. قاي جەردە اقشا تولەندى، قاي جەردە تولەنبەدى – ءبارىن باقىلاپ وتىرۋعا تۋرا كەلدى. سەبەبى ءبىلىم جۇيەسىنىڭ سيپاتى وتە ورتالىقتاندىرىلعان. ءار اۋدان نەمەسە وبلىستا ايلىق تولەۋ، شاكىرتاقى نەمەسە سىياقى بەرۋ جۇمىستارى ماسەلە تۋىنداتادى. سول سەبەپتى قىسقا ۋاقىتتىڭ ىشىندە قارجىلاندىرۋ سالاسىندا سيفرلاندىرۋ جۇمىستارىن جۇرگىزۋ كەرەك»، - دەدى اسحات ايماعامەتوۆ قاشىقتان وقىتۋ تەحنولوگيالارىن قولدانۋدىڭ پروبلەمالارى تالقىلانعان ونلاين رەجيمدەگى كەزدەسۋدە.
ءمينيستردىڭ ايتۋىنشا، عىلىمي جۇمىستاردى تىركەۋدىڭ قازاقستاندىق يندەكسىندە عالىمداردىڭ بازاسى، وتىنىمدەردىڭ ءتىزىمى، ەسەپتىلىك تە ەنگىزىلمەك.
«ماسەلەن بەلگىلى ءبىر عالىم وسىنشا قاراجات الدى دەسەك، ول اقشانى قالاي پايدالانعانىن، ەسەپتىلىك قالاي بولعانىن تەكسەرىپ وتىرۋعا بولادى. كوللەدجدەردە دە ورتا بىلىمدەگىدەي پروبلەمالار قوردالانىپ تۇر. اتاپ ايتقاندا ءبىلىم بەرۋ كونتەنتتەرى تۇرعىسىندا قيىندىقتار بار. پلاتفورمالار بار دەسەك تە، كونتەنت، ەلەكتروندى جاتتىعۋ الاڭى، ەلەكتروندى وقۋلىق تا جوق»، - دەدى ول.
اسحات ايماعامبەتوۆ مينيسترلىكتىڭ قازىرگى تاڭدا مەكتەپتەر بويىنشا ەلەكتروندى وقۋلىقتارعا باسا ماڭىز بەرىلىپ جاتقانىن جەتكىزدى.
«كوپ ادام بىلايعى كىتاپتى ەلەكتروندى فورماتقا اۋىستىردى – ءبىتتى، ماسەلە شەشىلدى دەپ ويلايتىن بولۋ كەرەك. كەي جەردە سولاي اۋدارىلىپ تا جاتىر. ءبىراق قاشىقتان وقىتۋدىڭ تالابىنا ساي كەلەتىن لايىقتى ەلەكتروندى وقۋلىقتى دايىنداپ جاتقان باسپالار بار. ءقازىر اتىن اتاعىم كەلمەيدى. باسپالاردىڭ الدىنا ەلەكتروندى وقۋلىقتارىمىز بولۋى كەرەك دەگەن تالاپ قويدىق. بالالارعا ول قولجەتىمدى بولۋى ءتيىس»، - دەدى ول.
You Might Also Like
-
ەلباسىنىڭ «بولاشاققا باعدار: رۋحاني جاڭعىرۋ» اتتى ماقالاسىندا بۇگىنگى جاھاندانعان الەمدە ءومىر ءسۇرۋ ءۇشىن باسەكەگە قابىلەتتىلىكتىڭ اسا قاجەت ەكەنى باسا ايتىلادى. ەلىمىزدىڭ ۇلتتىق مادەنيەت...
-
كۇز كۇندەرىنىڭ ءبىرى. اسپان بۇلتتى. اندا-ساندا سەبەزگىلىپ الىپ باسىلادى. ازىرگە ايىعاتىن ءتۇرى جوق.
