InfoHub Logo

1934 جىلدىڭ 15 قاڭتارى قازاقستانداعى تۇڭعىش كوپ سالالى ۋنيۆەرسيتەتتىڭ رەسمي اشىلعان كۇنى بولىپ سانالادى. سول كۇنى العاشقى ستۋدەنتتەردى قابىلداپ، وقىتۋشى-پروفەسسورلار قۇرامى تۋرالى بۇيرىققا قول قويىلدى.

ۋنيۆەرسيتەت قۇرامىندا 16 فاكۋلتەت، 67 كافەدرا، 32 عىلىمي-زەرتتەۋ ينستيتۋتى مەن ورتالىقتار، تەحنوپارك قىزمەت اتقارادى: 2000-نان استام پروفەسسور، دوكتورلار، عىلىم كانديداتتارى مەن فيلوسوفيا دوكتورلارى، 100-دەن استام اكادەميالاردىڭ اكادەميكتەرى، 30-عا جاقىن قازاقستان رەسپۋبليكاسىنا ەڭبەك سىڭىرگەن قايراتكەرلەرى، 30-دان استام قازاقستان رەسپۋبليكاسىنىڭ مەملەكەتتىك جانە اتاۋلى سىيلىعىنىڭ لاۋرەاتتارى، سونداي-اق 40 جاس عالىمدار سىيلىعىنىڭ لاۋرەاتتارى مەن 45 مەملەكەتتىك عىلىمي ستيپەنديالاردىڭ ستيپەنديانتتارى ەڭبەك ەتەدى. ۋنيۆەرسيتەتتە 25 مىڭنان استام ستۋدەنت پەن كوپسالالى جوعارى كاسىبي ءبىلىم جۇيەسى بويىنشا ماگيسترانتتار ءبىلىم الۋدا. سونداي-اق زاماناۋي حالىقارالىق ءبىلىم باعدارلامالارىن جۇزەگە اسىرۋ بويىنشا الەمنىڭ ەڭ ءىرى 400-دەن اسا حالىقارالىق جوعارعى وقۋ ورنىمەن ىنتىماقتاستىق ورناتقان.

مەن امزەيەۆ نۇرداۋلەت ماحساتوۆيچ 2016 جىلى ءوز قالاۋىم بويىنشا ءال-فارابي اتىنداعى قازاق ۇلتتىق ۋنيۆەرسيتەتىنە "5ۆ061100  - فيزيكا جانە استرونوميا" ماماندىعىنا وقۋعا ءتۇستىم. ءبىرىنشى كۇننەن باستاپ وقۋ پروسەسى قىزىققا تولى بولدى. مەنى 3 كۋرس كەزىمدە ۋنيۆەرسيتەت ءوز قارجىسىنا ۋكراينا ەلىنە وقۋعا جىبەرىپ، ماعان كوپ تاجىريبە جيناۋعا مۇمكىندىك بەردى. تاجىريبە بارىسىندا اعىلشىن ءتىلىن تەرەڭىرەك مەڭگەرۋمەن بىرگە بولاشاقتا پەداگوگيكالىق قابىلەتىمىزدى ارتتىرىپ، ساباق بارىسىن قالاي قىزىقتى وتكىزۋگە بولاتىنىن ۇيرەندىك. قازىرگى ۋاقىتتا فيزيكا تەحنيكالىق فاكۋلتەتتىڭ "7م05304 – تەحنيكالىق فيزيكا" ماماندىعى بويىنشا ماگيستراتۋرا بولىمىندە ءبىلىم الىپ جاتىرمىن.

قورىتىندىلاي كەلە، شەت ءتىلىن ۇيرەنۋ - بۇل سانگە نەمەسە قانداي دا ءبىر ستەرەوتيپكە دەگەن قۇرمەت ەمەس، سونىمەن بىرگە جالپىعا بىردەي جاھاندانۋ جاعدايىندا دامىپ كەلە جاتقان قازىرگى قوعامدا ماڭىزدى بولىپ تابىلاتىن ءبىلىم الۋ پروسەسى. سول سەبەپتى وسىنداي تەرەڭ ءبىلىم بەرگەن قازۇۋ-عا دەگەن مەنىڭ العىسىم شەكسىز.

---