ۇلتتىق ۋنيۆەرسيتەتتىڭ حالىقارالىق مۇمكىندىكتەرى
ءال-فارابي اتىنداعى قازاق ۇلتتىق ۋنيۆەرسيتەت – كەڭ سالالى، ءارى جان-جاقتى مامانداندىرىلعان وقۋ ورنى. الەمدىك جوعارعى وقۋ ورىندارىنىڭ رەيتينگىن انىقتايتىن «QS World University Ranking 2021» ناتيجەسى بويىنشا بۇل وقۋ ورنى الەمدىك ۋنيۆەرسيتەتتەر قاتارىنىڭ ىشىندە 165 ورىنعا يە بولدى. بۇل ۋنيۆەرسيتەتىمىزدىڭ ەلەۋلى جەتىستىگى بولىپ تابىلادى، سەبەبى قازاقستان بويىنشا وسىنداي الدىڭعى قاتاردا، ەڭ ۇزدىك 200 ۋنيۆەرسيتەتتىڭ قاتارىنا ەڭگەن بىردەن ءبىر وقۋ ورنى بولىپ تابىلادى.
قازاق ۇلتتىق ۋنيۆەرسيتەتى بارلىعى 16 فاكۋلتەتتە 37 ماماندىق بويىنشا كادرلار دايارلايتىن جوعارى وقۋ ورنى جانە عىلىمي-زەرتتەۋ ورتالىعى بولىپ تابىلادى. ۇلتتىق ۋنيۆەرسيتەتتىڭ فيزيكا-تەحنيكالىق فاكۋلتەتى – عيمارات كولەمى جاعىنان دا، ستۋدەنتتەر سانى بويىنشا دا ەڭ ءىرى، ءارى اتاقتى فاكۋلتەت بولىپ سانالادى. سەبەبى، ول حالىقارالىق قارىم-قاتىناس جاعىنان الدىڭعى قاتاردا قىزمەت اتقارۋشى فاكۋلتەتتەردىڭ ءبىرى. مىسالى، فيزيكا-تەحنيكالىق فاكۋلتەت گەرمانيا، يسپانيا، دانيا سياقتى ءبىرقاتار ەلدەردىڭ ۋنيۆەرسيتتەرىمەن عىلىمي ىنتىماقتاستىق ورناتىپ، جىل سايىن ستۋدەنتتەر مەن ماگيسترانتتار سول ەلدەردە تاجىريبە الماسۋىنا ىقپال ەتەدى.
فيزيكا-تەحنيكالىق فاكۋلتەتتە بارلىعى 4 كافەدرا جۇمىس اتقارادى، ياعني فاكۋلتەت عيماراتى 4 ءتۇرلى زەرتتەۋ زەرتتحاناسىمەن بولىنگەن. ءار كافەدرا جەكە وزدەرىنىڭ عىلىمي زەرتتەۋ قىزمەتىمەن اينالىسادى. مىسالى، جىلۋ فيزيكا جانە تەحنيكالىق فيزيكا كافەدراسى كوبىنەسى جىلۋماسساتاسىمالداۋ پروسەسىن مودەلدەۋمەن، سۇيىق ازوت وندىرۋمەن اينالىسادى. زەرتحانالىق زەرتتەۋ جۇمىستارىنىڭ حالىقارالىق قارىم-قاتىناسى بويىنشا كافەدرامىز رەسەيدىڭ بىرنەشە ۋنيۆەرسيتتەرىمەن قىزمەتتىك مەموراندۋمعا قول قويعان.
كافەدرامىز اكادەميالىق موبيلدىك باعدارلاماسى بويىنشا ەۆروپانىڭ پولشا، ليتۆا، لاتۆيا، فينليانديا، حورۆاتيا، يسپانيا سياقتى ەلدەرىنە ستۋدەنتتەردى عانا ەمەس، سونىمەن قاتار وقىتۋشىلاردى دا تاجىريبە الماسۋ ماقساتىندا جىبەرەدى. ستۋدەنتتەر ق ر ءبىلىم جانە عىلىم مينيسترلىگى گرانتىن ۇتىپ الىپ نەمەسە «Erasmus» باعدارلاماسىنىڭ كونكۋرسىن جەڭىپ الۋ جولىمەن نەمەسە ءتىپتى ءوز قارجىسىمەن قالاعان وقۋ ورنىندا حالىقارالىق ستۋدەنتتەرمەن الماسۋ باعدارلاماسىمەن ءبىر سەمەستر وقي الادى. بۇنداي حالىقارالىق قاتىناستى رەتتەپ وتىراتىن، ءارى كوپتەگەن ستۋدەنتتەردى وسىنداي عاجاپ مۇمكىندىكپەن قامتاماسىز ەتىپ وتىراتىن كافەدرا مەڭگەرۋشىسىنىڭ oقۋ-ادىستەمەلىك جانە تاربيە جونىندەگى ورىنباسارى شورتانبايەۆا جانار كايرجانوۆنا حانىمنىڭ ەڭبەگى وراسان زور ەكەندىگىن اتاپ وتكەن ءجون.
سونىمەن قاتار، كافەدرامىزدا اعىلشىن تىلىندە وقيتىن نەمەسە اعىلشىنشا بىلەتىن ستۋدەنتتەردىڭ شامامامەن بارلىعى اكادەميالىق موبيلدىك باعدارلاماسىمەن شەتەلدە بولعان. مىسالى، ءبىزدىڭ توپتا ءبىر ۋاقىتتا بىرەۋمىز فينليانديانىڭ تامپەرە قالاسىندا بولساق، ال ەكىنشىلەر ليتۆانىڭ كاۋناس قالاسىندا، ال ءۇشىنشىسى ونىڭ استاناسى ۆيلنيۋستا وقىپ جاتتى. ءبىز ءۇشىن بۇل عىلىمي، مادەني تاجىريبە الماسۋ بولىپ تابىلسا، ال ۋنيۆەرسيتەتىمىز ءۇشىن حالىقارالىق قاتىناستىڭ دامۋىنا قوسقان ۇلەسىمىز دەپ سانايمىن.
ماكۋلبەكوۆا التىنشاش
You Might Also Like
-
نۇر-سۇلتان قالالىق ءبىلىم باسقارماسىنىڭ باسشىسى شولپان قادىروۆا وقۋشىلاردىڭ وقۋ جەتىستىكتەرى قالاي باعالاناتىنىن ءتۇسىندىردى.
-
1934 جىلدىڭ 15 قاڭتارى قازاقستانداعى تۇڭعىش كوپ سالالى ۋنيۆەرسيتەتتىڭ رەسمي اشىلعان كۇنى بولىپ سانالادى. سول كۇنى العاشقى ستۋدەنتتەردى قابىلداپ، وقىتۋشى-پروفەسسورلار قۇرامى تۋرالى بۇيرىققا قول قويى...
