بالانى مەكتەپكە ورنالاستىرۋدا تۇراقتى تىركەۋ كەرەك پە؟
بالانى مەكتەپكە ورنالاستىرۋ ءۇشىن تۇرعىلىقتى مەكەن-جايى بويىنشا تۇراقتى تىركەۋ كەرەك پە؟ بۇل سۇراققا ق ر ۇكىمەتىنىڭ باسپا ءسوز ورتالىعىندا ق ر ءبىلىم جانە عىلىم ۆيسە-مينيسترى اسحات ايماعامبەتوۆ جاۋاپ بەردى.
«بالانى مەكتەپكە قابىلداۋ تۋرالى ايتارىم - بۇل جەردە تەك زاڭعا سۇيەنە وتىرىپ شەشىم قابىلداۋ كەرەك. بىزدە ءبىلىم تۋرالى زاڭ، ۇكىمەتتىڭ 128-قاۋلىسى بويىنشا «بالانى قابىلداۋدىڭ تيپتىك قاعيداتتارى» بار. مىنە، وسى تيپتىك ەرەجەلەردە اتا-انالاردىڭ ءسىز ايتقان قۇجاتتى (تۇراقتى تىركەۋ انىتاماسى - اۆت) وتكىزۋى ءتيىس ەكەنى تۋرالى جازىلماعان. تۇراقتى تىركەۋ دەمەك، تالاپ ەتىلمەيدى. سوندىقتان، ءبىز استانادا مۇنداي تالاپتاردىڭ دۇرىس ەمەس ەكەنىن ايتتىق. بالالار مەن اتا-انالار ءوز تالاپ-تىلەگى بويىنشا كەز كەلگەن ءبىلىم بەرۋ ۇيىمىنا بەرە الادى. ەكىنشىدەن، استانادا مەكتەپتەردە ورىن تاپشىلىعى ماسەلەسى بار ەكەنىن بىلەسىزدەر. سوندىقتان، وسى ماسەلەنى ەسەپكە الۋ كەرەك»، - دەدى اسحات ايماعامبەتوۆ.
ايتا كەتەرلىگى، بۇدان بۇرىن ۇكىمەت وتىرىسىندا بايانداما جاساعان ءبىلىم جانە عىلىم ءمينيسترى ەرلان ساعادييەۆ مەملەكەتتىك مەكتەپتەردىڭ بارلىعىندا 280 مىڭ ءمۇعالىم بارىن اتاپ وتكەن ەدى.
«قاجەتتىلىك - بەس مىڭ. پەداگوگ ماماندىعى بويىنشا دايىندالعان كادرلار جەتكىلىكتى. قالعان از ۋاقىتتىڭ ىشىندە مەكتەپتەر مەن ءبىلىم بولىمدەرى بوس ورىندارعا مۇعالىمدەردى قابىلداۋى كەرەك»، - دەيدى ەرلان ساعادييەۆ.
You Might Also Like
-
مۇعالىمدەر تولتىرۋعا مىندەتتى 5 قاعاز-قۇجاتتىڭ ءتىزىمى بەكىتىلدى. باسقا قۇجاتتارعا مۇعالىمدەر جاۋاپتى بولمايدى. بۇل تۋرالى بۇگىنگى ۇكىمەت وتىرىسىندا ءبىلىم جانە عىلىم ءمينيسترى ەرلان ساعادييەۆ ءمالىم ەتتى.
-
الماتىدا ەرەكشە بالالارعا ارنالعان زاماناۋي مەكتەپ اشىلادى. بۇل تۋرالى ۇستازداردىڭ تامىز كەڭەسىندە ايتىلدى.
