الماتىدا "فرانسۋز كينوسى" كينوفەستيۆالى وتۋدە
قاراشا ايىنىڭ 4 جانە 9 ارالىعىندا الماتى كورەرمەندەرىنە فرانسۋز كينەماتوگرافياسىنىڭ ۇسىنۋىمەن XI "بۇگىنگى فرانسۋز كينوسى" كينوفەستيۆالى وتۋدە. فرانسۋز ەلشىلىگىنىڭ قولداۋىمەن جاسالىپ جاتقان شاراعا ءال-فارابي ات.قازۇۋ، جۋرناليستيكا فاكۋلتەتى، كينو&مەديا ماماندىعىنىڭ 1 كۋرس ستۋدەنتتەرى فرانسۋزدىق رەجيسسەر - انتۋان باررونىڭ "دۆوينوي وبمان مادلەن كوللينز" اتتى تۋىندىسىن تاماشالاپ قايتتى.
العاش رەت مەگا ويىن-ساۋىق ورتالىعىنىڭ Chaplin كينو زالىندا كورسەتىلگەن فيلم ستۋدەنتتەردىڭ كوڭىلىنەن شىقتى. فەستيۆال باعدارلاماسىنا كىرگەن فيلمدەر ءارتۇرلى جانرلاردى: دراما، كومەديا، تريللەردى قامتيدى.
1 ساعات 42 مينۋتقا سوزىلعان ءفيلمنىڭ سيۋجەتى ءدجۋديتتىڭ قوس ءومىردى سۇرۋىنەن باستالادى. ءبىر اپتا فرانسيادا وتباسى مەن ەكى ۇلىنىڭ جانىندا بولسا، كەلەسى اپتانى شۆەيسارياداعى سۇيىكتىسىمەن، قىزىمەن وتكىزەدى. ۇزاق ۋاقىت بويى پاراللەل ءومىردى ءسۇرۋى، ءبىراق ءبىر كۇنى وتىرىكتىڭ نەگىزى جارىلىپ، وسىنداي قيىندىقپەن قۇرىلعان كەيىپكەردىڭ بۇكىل الەمى قۇلدىراي باستايدى. "وتىرىكتىڭ قۇيرىعى - ءبىر تۇتام"،- دەگەن قازاق ماقالى وسى فيلمگە قاراتا ايتىلعانداي.
بولاشاقتا كينو ونەرىن، ونىڭ ەرەكشەلىكتەرىن، تۇرلەرى مەن جانرلارىن زەرتتەي جازىپ، سىن مادەنيەتىن قالىپتاستىراتىن كينو&مەديا ماماندىعىنىڭ ستۋدەنتتەرى ءۇشىن مۇنداي شەتەلدىك قويىلىمدار - جاڭاشا ىزدەنىس، جاڭا بەلەس.
ءفيلمنىڭ سەنارييىن جازعاندار انتۋان باررو، ەلەنا كلوتس. ءفيلمنىڭ ەرەكشەلىگى ءۇش ەلدە تۇسىرىلگەن - فرانسيا، بەلگيا، شۆەيساريا.
فيلمدە ۆيردجينيا ەفيرا، جاكلين بيسسەت، كيم گۋتەررەس، برۋنو سالومون، فرانسۋا روستەن جانە تاعى باسقا تانىمال اكتەرلار ءوز رولدەرىن جوعارى دەڭگەيدە الىپ شىعادى.
ءفيلمدى كورسەتۋدى ۇيىمداستىرعان فرانسيانىڭ رەسەيدەگى ەلشىلىگىنىڭ اۋديوۆيزۋالدى ىنتىماقتاستىق جونىندەگى ايماقتىق اتتاشەسى - ەمانۋەل فوسيلون:"فرانسۋز كينوسىن قازاق كورەرمەنىنە ۇسىنۋداعى ماقساتىمىز - ەكى ەلدىڭ اراسىندا ۇقساستىق بار. فرانسۋز كينوسى قازاققا جاقىن. سەبەبى، قازاق ۇلتىنىڭ ازىلىندە تەرەڭ استار مەن ماعىنا بار. شىنايىلىق باسىم. سوندىقتان، ءبىزدىڭ كينولار قازاق ەلىنىڭ جۇرەگىنەن ورىن الاتىنى ءسوزسىز. كينو زالعا كۇن سايىن كەلىپ، ءوز قالاۋلارىڭىزشا قالاعان كينولاردى كورۋگە بولادى"،- دەدى. فيلم سوڭىنا قاراي، رەجيسسەرمەن تىكەلەي بايلانىسقا قوسىلىپ، فيلم جايلى سۇراپ، وزىندىك قولتاڭباسى قالعان ۇزدىك تۋىندى ەكەنىن كورەرمەندەر مويىندادى.
ايتا كەتۋ كەرەك، وسى جىلدىڭ 27 مامىرىندا فرانسيا ەلشىلىگى ءال-فارابي ات.قازۇۋ جۋرناليستيكا فاكۋلتەتى، باسپا ءسوز جانە ەلەكتروندى ب ا ق كافەدراسىنىڭ ستۋدەنتتەرىمەن كەزدەسۋ جاساعان بولاتىن.
ادالبەك شۇعىلا
كينو&مەديا ماماندىعىنىڭ 1 كۋرس ستۋدەنتى
جەتەكشىسى: اعا وقىتۋشى، كۋراتور ن.ب. رۋشانوۆا
You Might Also Like
-
اڭىز-قيسسالار ادام ءۇشىن سونىڭ ىشىندە قازاق قوعامىندا الاتىن ورنى ۇلكەن. يسلامعا دەيىن دە يسلامنان كەيىنگى كەزەڭ دە ءتۇرلى داستاندار مەن قيسسالار حالىق اراسىندا تارالىپ ادامنىڭ قاسيەتى مەن نيەتىن جاق...
-
كىتاپ-ادامزاتتىڭ سان عاسىرلىق اقىل-ويىنىڭ جەمىسى، تاريحى مەن قۇندىلىعىنىڭ التىن ساندىعى. "كىتاپ دەگەنىمىز - الدىڭعى ۇرپاقتىڭ ارتقى ۇرپاققا قالدىرعان رۋحاني وسيەتى. كىتاپ وقۋدان تىيىلساق، وي وي...
