InfoHub Logo

ق ر پرەمەر-مينيسترى ءاليحان سمايىلوۆتىڭ توراعالىعىمەن وتكەن كەڭەستە ءبىلىم سالاسىن دامىتۋدىڭ وزەكتى ماسەلەلەرى قارالدى.

وقۋ-اعارتۋ مينيسترلىگى حالىقتىڭ الەۋمەتتىك وسال توبىنان شىققان بالالارعا مەملەكەتتىك تاپسىرىس شەڭبەرىندە جەكەمەنشىك مەكتەپتە وقۋ كەزىندە جاپپاي وقىتۋ قورىنان (مەكتەپ فورماسىمەن، تاماقپەن قامتاماسىز ەتۋ جانە ت.ب.) كومەك الۋعا مۇمكىندىك بەرۋدى ۇسىندى.

قازىرگى ۋاقىتتا بۇل نورما مەملەكەتتىك مەكتەپتەردە عانا قولدانىلادى. پرەمەر-مينيستر بۇل ۇسىنىستى قولدادى.

سونداي-اق قيىن جاعدايعا تاپ بولعان جانە مەملەكەتتىك تاپسىرىس الاتىن بالاباقشالارعا بارۋعا مۇمكىندىگى جوق وتباسىلاردان شىققان بالالار ءۇشىن تاماقتانۋعا اقى تولەۋ تەتىگىن ىسكە اسىرۋ ماسەلەسى قارالدى.

بۇل شارانى 2023 جىلدىڭ باسىندا ىسكە قوسىلاتىن «وتباسىنىڭ سيفرلىق كارتاسى» سەرۆيسى ارقىلى جۇزەگە اسىرۋ ۇسىنىلدى.

الداعى ۋاقىتتا ازىق-تۇلىك شىعىندارىن تولەۋ ءۇشىن داعدارىس جاعدايىنداعى وتباسىلاردان شىققان بالالار انىقتالادى.

ءاليحان سمايىلوۆ مەملەكەتتىك ورگانداردىڭ قاجەتتى اقپاراتتىق جۇيەلەرىن ينتەگراسيالاۋدى اياقتاۋدى جانە وسى باستامانى قارجىلاندىرۋ تەتىگىن پىسىقتاۋدى تاپسىردى.

بۇل رەتتە ول قاراجات ماقساتسىز پايدالانىلماس ءۇشىن ونىڭ ءتيىمدى يگەرىلۋىن باقىلاۋدى قامتاماسىز ەتۋ قاجەتتىگىنە نازار اۋداردى.

«پرەزيدەنتتىڭ تاپسىرماسى بويىنشا ءبىز ءبىلىم بەرۋگە قوماقتى قاراجات بولەمىز جانە جاڭا باستامالاردى ىسكە اسىرۋعا قوسىمشا اقشا بولۋگە دايىنبىز، ءبىراق ساپا مەن ءتيىستى باقىلاۋدى قامتاماسىز ەتۋ قاجەت»، — دەدى ءاليحان سمايىلوۆ.

سونىمەن قاتار كەڭەسكە قاتىسۋشىلار ورتالىقتاندىرىلعان دەڭگەيدە بالاباقشالارعا ءبىرىڭعاي كەزەكتى ىسكە قوسۋ ماسەلەسىن تالقىلادى، بۇل بيۋدجەت قاراجاتىن ۇنەمدەۋگە جانە ورىنداردى ءبولۋ كەزىندە سىبايلاس جەمقورلىقتى بولدىرماۋعا مۇمكىندىك بەرەدى.

اتاپ ايتقاندا، ەكىنشى دەڭگەيدەگى بانك قوسىمشالارى مەن Egov ارقىلى كەزەككە تۇرۋ جانە ءتيىستى جولداما الۋ قاراستىرىلعان.

ءاليحان سمايىلوۆ بۇل باستامانى قولداپ، جاڭا جۇيەدە ۇيىمداستىرۋشىلىق ءتارتىپتى، ونىڭ ىشىندە قوسارلانعان كەزەكتى بولدىرماۋدى، بالالاردىڭ دەرەكتەرىن تەكسەرۋدى جانە ت. ب. تولىق قامتاماسىز ەتۋدىڭ ماڭىزىن اتاپ ءوتتى.

---