الپىسبايدىڭ "ايلاسى"
توقسانىنشى جىلداردىڭ باسىندا جاڭاوزەن قالاسى اكىمىنىڭ ورىنباسارى بولىپ قىزمەت ىستەدىم. وتە قيىن كەزدەر، جوقشىلىق، كومسومولدان قاۋساپ قالعان، ەسكى "ۆولگا" اۆتوماشيناسى ءتيدى. قوسالقى بولشەكتەر تاپشى. جۇرگىزۋشىم الپىسباي دەگەن جىگىت قۇراپ-سۇراپ بىردەڭە قىلادى، ايتەۋىر. ءبىراز جۇرگەننەن كەيىن موتورى "سىر بەرىپ" توقتاپ قالامىز. الپىسباي كاپوتتى اشىپ تاستاپ، سىبانا كىرىسەدى، ماشينانىڭ استىنا ۇڭىلەدى، كەيدە يتەرىپ وت الدىرامىز.
بىردە تاڭەرتەڭگىلىك ماشيناعا وتىرىپ جاتسام، ارتقى ورىندا ون ەكى-ون ۇشتەر شاماسىنداعى بالا وتىر.
— مىناۋ قاي بالا؟، — دەپ الپىسبايعا قارادىم.
— مەنىڭ بالام عوي، — دەپ كۇلەدى.
— جاي ءجۇر مە، تىنىشتىق پا؟ — دەدىم الداعى قىرۋار شارۋالار ەسىمە ءتۇسىپ.
— ساباق وقىمايدى. سوسىن ءبىر ماشيناداعى وقىعان ادام مەن وقىماعان ادامنىڭ قانداي كۇيدە جۇرەتىنىن ءوز كوزىمەن كورسىن دەپ، ادەيى الىپ شىقتىم، — دەدى الپىسباي. مەن نە دەيىن. الپەكەڭنىڭ بالاعا ساباق وقىتۋداعى قولدانعان "ايلاسىن" تەرىس نە وڭ دەي المادىم. ىشتەي كۇلىپ قويام، ساباق وقىعان، ءبىلىم العان جاقسى-اۋ، ءبىراق بالانىڭ كىم بولارىنا تاعدىرى تورەشى، ءبارى ءبىر اللانىڭ قولىندا عوي. ارينە، الپىسبايدىڭ "ايلاسى" وڭىنان ورالسا، ءبىز دە قۋانار ەك...
You Might Also Like
-
بۇرىننان سىرتتاي تانىستىعىم بار وراز قۇدايبەرگەنۇلىمەن شيپاجايدا كەزدەسىپ قالدىم. كەزىندە اۋدان، وبلىس كولەمىندە باسشى قىزمەتتەردە ىستەگەن، كوپتى كورگەن، سىيلى كىسىمەن ءسوزىمىز جاراسا كەتتى. بىردە ءا...
-
بەس قاباتتى ءۇيدىڭ ءبىرىنشى قاباتىنداعى ءتورت بولمەلىكتە قايىرباي اقساقال، ال ەكىنشى قاباتىندا ءبىز تۇرامىز. ول اعامىز كىسىنى جاتسىنبايتىن، ءبىر كورگەننەن-اق باۋراپ الاتىن كورىندى ماعان. وعان قوسا جاسى ...
