ءامىر تەمىر ۇستانعان قاعيدالارى
1. اللاھۋ تا’الانىڭ ءدىنىن جايۋدى ماقسات تۇتتىم.
2. دوسقا دا، جاۋعا دا بىردەي مامىلەدە بولدىم.
3. عالىمدارمەن اقىلداسۋ ارقىلى كوپتەگەن جەتىستىكتەرگە جەتتىم.
4. زاڭعا قۇرمەت ەتۋدى جانە زاڭمەن ءجۇرۋدى ورنىقتىردىم.
5. قولباسشى جانە اسكەرىمدى كۇشتى كۇيدە ۇستاۋ ءۇشىن التىن جانە باسقا دا قۇندىلىقتاردى ولارعا پيدا ەتۋدەن تارتىنبادىم. مايدانداردا ۇنەمى اسكەرىمنىڭ جانىندا بولىپ، وسىنىڭ سالدارىنان 27 ولكەنىڭ بيلەۋشىسى بولدىم.
6. ادىلەتتىك جانە بەيتاراپتىق ارقىلى مۇسىلماندارعا جاقسىلىق تاراتۋشى بولدىم. جانە ولاردىڭ جاقسىلىقتارىن كوردىم. السىزدەردى زالىمداردىڭ قولىنان قۇتقاردىم. كەدەيلەردى تويعىزدىم.
7. ساييدتەرگە، عالىمدارعا جانە تاريحشىلارعا ەرەكشە نازار اۋداردىم، جاقسى مامىلەدە بولدىم.
8. جاقسى جانە ەرجۇرەك ادامدارمەن دوس بولدىم.
9. راببىمنىڭ ماعان اشۋى تۇسپەسىن دەپ ەشكىمگە قىسىم جانە اشۋىمدى كورسەتپەدىم.
10. حالىقتى باسقارۋعا مەملەكەت بيلىگىنە ولاردىڭ سەنىمىن العان ادامداردى عانا تاعايىندادىم.
11. دوستارىم مەنىمەن دوس بولعانىنا ەشقاشان وكىنبەدى. دۇشپاندارىما دا جىلى شىراي تانىتتىم.
12. ادامدارمەن دارەجەسىنە قاراي سويلەسەتىنمىن.
13. توقتامىس حانعا قارسى سوعىستا ونىڭ قولباسشىلارى ءبىزدى اسكەرىڭنىڭ قاتارىنا ال دەپ كەلدى. ەرتەڭ ماعان دا قيانات جاساۋى مۇمكىن ەكەنىن ويلاپ، «سەندەر ساتقىنسىڭدار» دەپ ولاردى قابىلدامادىم.
وقۋعا كەڭەس بەرەمىز:
ءامىر تەمىردىڭ شىعىس دەشتى قىپشاق پەن جەتىسۋ اۋماعىنداعى باسقىنشىلىق سوعىستارى
You Might Also Like
-
كورىسۋ كۇنىن امال مەرەكەسى دەپ تە اتايدى. قىستان امالداپ، امان شىققان حالىق كوكتەمگە جەتىپ، قۋانا كورىسەدى. بۇرىن ءار جەرگە قونعان اۋىلداردىڭ اراسى شالعاي، قىستىڭ كوزى قىراۋدا قاتىناۋ قيىن بولعان. ق...
-
توبىقتى ەلى مەن قارجاس ەلى اراسىندا جەر داۋى شىعىپ، ونىڭ اياعى ءۇش-تورت جىلعا سوزىلىپتى. ايتىلعان بىتىمگە ەكى جاق كەلىسە الماي نارازى بولىپ، جوعارى جاققا شاعىم جاساپ، بيلىكتى بۇزدىرا بەرىپتى. ءسويتىپ،...
