InfoHub Logo

الماتى وبلىسى، سارقان قالاسى
№1مەكتەپ-گيمنازياسىنىڭ
3 سىنىپ وقۋشىسى
الەتاي ايكەن
جەتەكشىسى: احمەتجانوۆا نۋرگۋل ورازگالييەۆنا

 

انا! انا! «انا» دەگەندە تولقىمايتىن جۇرەك، تولعانبايتىن جان جوق. وسى ءۇش قانا ارىپتەن تۇراتىن «انا» ءسوزىنىڭ استارىندا تەڭىز سياقتى تەرەڭ وي جاتىر. ءانا-اربىر ادام بالاسى ءۇشىن ەڭ ىستىق، جانعا جاقىن، ماعىنالى دا قاستەرلى ءسوز. ادامزات بالاسى العاش دۇنيە ەسىگىن اشقاندا انانىڭ اق سۇتىمەن بويىنا ءنار الادى، انا قۇشاعىنا ەنىپ، انا مەيىرىمىنە بولەنەدى. «اناڭدى مەككەگە ءۇش ارقالاپ اپارساڭدا، قارىزىڭدى وتەي المايسىڭ»  دەپ بەكەر ايتپاعان. شىنىندا دا، وسىنشاما قينالىپ، كوز جاسىن توگە ءجۇرىپ، ءبىزدى وسىرگەن اناڭا قولىڭنان كەلگەنىڭنىڭ ءبارىن ىستەسەڭ دە، ونىڭ ءبارى اناڭنىڭ ءتۇن ۇيقىسىن ءتورت بولگەن ءبىر كۇنىندەي عانا.ءوز پارىزىڭدى وتەۋ، بۇل - انا الدىندىعى پارىزدى وتەۋ.انا، انا دەيدى بارلىق جۇرت. ول كىم؟ انا ءبىر قولىمەن الەمدى تەربەتىپ، ءبىر قولىمەن بەسىك تەربەتكەن الەمدەگى ەڭ قايراتتى، جىگەرلى، ءارى ەڭ نازىك جانداردىڭ ءبىرى. بارلىق ادام بالاسىندا انا دەگەن جان بار. ارينە انالار دا ءارتۇرلى بولادى. ءبىراق انا ءوز ءسابيىن ايالاپ، قورعاپ، ونىڭ ءارقاشاندا پەرىشتەسى بولىپ جۇرەدى. انانىڭ بالاعا دەگەن ماحابباتىن تىلمەن ايتىپ جەتكىزە الماسپىز. مەنىڭ اناشىم الەمدەگى ەڭ سۇلۋ، نازىك، جۇرەگى كەڭ ادام. نەگە دەيسىزدەر عوي. ويتكەنى ول ادام بالاسىنىڭ بار نازىك سابيلەرىن بارلىق جانىمەن سۇيە بىلە الادى. انام ءبىر قيىندىق تۋسا قۇتقارىپ، ءارقاشاندا اعايىن-تۋعاننىڭ اراسىن جاقىنداتىپ جۇرەدى. انام ءوزىنىڭ بىلگەنىن باسقالارعا ۇيرەتۋدەن جالىققان ەمەس. مەن انامنان كوپ جاقسى نارسەلەر ۇيرەندىم. ول قانشا شارشاپ جۇرسە دە، جۇمىستان شارشاپ كەلسە دە بالالارىن ەشقاشان تىڭداۋسىز، بايقاۋسىز قالدىرماعان. بالالارىن تىڭداپ ولاردى ماقتاپ، ماداقتاپ — «مەنىڭ بالام الەمدەگى ەڭ كەرەمەت جان، ءوزى اقىلدى، ءوزى بىلگىر» — دەپ قانا ايتىپ جۇرەتىن.

مەن انامدى سۇيەمىن،

اقىلىن ويعا تۇيەمىن،

ارداقتاپ جۇرەم انامدى،

جۇباتاتىن جانىمدى -دەپ ءسوزىمدى اياقتايمىن.

---