اق لايلەك
اق دەگەلەك نەمەسە اق لايلەك — اركىمگە بالا كەزدەن ادەبي شىعارمالاردان جانە سۋرەتتەردەن تانىس بەينە، بيىكتىگى ءبىر مەتردەي، قاناتتارىنىڭ ۇشى قارا، تۇمسىعى مەن اياعى قىزىل ءتۇستى اق قۇس. اۋەلدە وڭتۇستىك قازاقستانداعى سازدى جەرلەردە كەڭ تارالعان بولاتىن. ءقازىر سۋ جاعدايىنىڭ وزگەرۋىنە جانە ءشوبى قالىڭ تاياز سۋلار مەن شابىندىقتاردىڭ جوق بولۋىنا بايلانىستى، تىپتەن جوعالىپ كەتتى. تەك وڭتۇستىك قازاقستان، جامبىل وبلىستارىنىڭ كەيبىر جەرلەرىنەن كەزدەستىرۋگە بولادى. دەگەلەكتەر ادامنان قورىقپايدى، ۇلكەن ۇيا سالادى. بۇلار كوپ جىلدار بويى ءبىر ۇيادا قونىستايدى، سوندىقتان وسىعان بايلانىستى ماحاببات پەن سەنىمدىلىك تۋرالى اڭىزدار تۋعان. داۋىسى جوقتىڭ قاسى، كۇي-ويناق كەزەڭىندە اتالىعى باسىن ارقاسىنا قويىپ، تۇمىسىعىمەن ءجيى سوعىپ، بارابان داڭعىلىعىنداي دىبىس شىعارادى، ول كادىمگىدەي قاشىقتىقتان ەستىلەدى. ۇياسىندا 3-6 كۇڭگىرت اق جۇمىرتقاسى بولادى. اق دەگەلەك تەك جانۋار تەكتەس قورەكپەن (ءىرى جاندىكتەر، باقا، كەسىرتكە، بالاپاندار جانە كوجەكتەرمەن) قورەكتەنەدى. قازىرگى كەزدە اق دەگەلەك وتە سيرەك كەزدەسەدى. بۇل قۇستىڭ ءاربىر ۇياسىن قورعاۋعا الۋ قاجەت.
You Might Also Like
-
اكەسى ەلۋ توعىزعا شىققالى بەرى ادالدىڭ قاتتى مازاسى كەتىپ ءجۇردى. ايەلىنىڭ ءار ءسوزى دۇرىس تا بولسا، وعان ينەدەي قادالادى. ءوسىپ، الدى ون بەسكە، ارتى بەسكە كەلگەن ۇيەلمەلى-سۇيەلمەلى جەتى بالا جاقىنداپ ...
-
كەيبىر ەسكى فيلمدەردىڭ پوستەرلەرى سونداي تارتىمدى بولادى. ادامدار كلاسسيكا اكتريساسىنىڭ جۇزىنە قاراپ، تامسانىپ: «قانداي عاجاپ، تابيعي سۇلۋلىق! تەرىسى تەپ-تەگىس، بەت-الپەتى ءمىنسىز، ءبارى دە سو...
