اقپاراتتىق قوعامداعى ادامي دانالىق
قازىرگى اقپاراتتىق تەحنولوگيانىڭ دامىعان زامانى مەن بۇكىل الەمدىك ماسەلەگە اينالعان جۇقپالى ىندەتتىڭ تاراۋى سيفرلاندىرۋدىڭ ءبىلىم جۇيەسىندە ماڭىزدى قولدانىسقا يە ەكەنىن دالەلدەپ وتىر.ءتىپتى،حالىققا كۇندەلىكتى جانە عالامدىق-ساياسي جاڭالىقتاردىڭ كوپشىلىگىن مەرزىمدىك ءتۇرلى باسىلىمدارعا (گازەتتەر مەن جۋرنالدار) قاراعاندا ينتەرنەت رەسۋرستارى تۇراقتى ءارى جىلدام جەتكىزەدى.
مەكتەپ وقۋشىلارى مەن جوعارى وقۋ ورنىنىڭ ستۋدەنتتەرى ونلاين وقۋ جۇيەسىنە كوشكەن ساتتەن باستاپ رۋحانياتتىڭ قازىعىنا اينالعان كىتاپحانالاردى سيفرلاندىرۋعا باسىمدىق بەرىلە باستادى.ەلەكتروندى كىتاپحانالاردىڭ بولىمدەرىندە سD ديسكتەر مەن ۇلكەن كولەمدەگى مۋلتيمەديالىق كىتاپتاردىڭ سانى ارتتى.مەملەكەت ءبىلىم الۋشىلارعا قورداعى قاجەتتى وقۋلىقتاردى ساندىق فورماتقا اۋىستىرۋدا.دەمەك، وقىرمان ءۇشىن ەلەكتروندى نۇسقاداعى كىتاپتار كەز-كەلگەن ۋاقىتتا قولجەتىمدى بولۋى قاجەت.سول سەبەپتى، وقۋ ورىندارىنىڭ ارنايى وزىندىك سايتتارى قالىپتاستى.دەگەنمەن، ساندىق فورماتقا اينالدىرىلعان پايدالى وقۋلىقتاردىڭ ءبىرشاماسى ارنايى سايتتارعا تولىق ورنالاستىرىلماعان. بۇنداي كەمشىلىكتى جويۋ ءبىلىم جۇيەسىندە سيفرلاندىرۋدى دامىتۋعا الىپ كەلەدى.
ەلەكتروندىق سايتتاردى ينتەرنەتكە قوسىلعان كەز-كەلگەن كومپيۋتەر نەمەسە كۇندەلىكتى قولدانىستاعى ءموبيلدى قۇرىلعى ارقىلى قولدانۋعا بولادى.قاجەتتى كىتاپتى تابۋ قولجەتىمدى ءارى وڭاي. ماسەلەن،مۇنداي سايتتاردا ەلەكتروندى كاتالوگ جانە ەلەكتروندى قويما قۇرىلىمدارى بار.ول فۋنكسيالاردا قاجەتتى كىتاپتى ىزدەۋ جۇيەسى قاراستىرىلعان، مۇندا كەرەكتى كىتاپتى اتاۋىمەن، اۆتورىمەن نەمەسە شىعۋ مەرزىمىمەن جىلدام تاۋىپ الۋعا بولادى.ەلەكتروندى كاتالوگ ەلەكتروندى قۇجاتتار كوشىرمەسىنە ەلەكتروندى تاپسىرىس بەرۋگە نەمەسە تولىق ماتىنگە قول جەتكىزۋدى قامتاماسىز ەتەدى.قازاقستاندا وسىنداي سايتتار مەن ەلەكتروندى كىتاپحانالاردى قالىپتاستىرۋعا ەلدىڭ بارلىق ءىرى كىتاپحانالارى، وبلىستىق جانە جوعارى وقۋ ورىندارىنىڭ كىتاپحانالارى، قوعامدىق مەكەمەلەر جانە جەكە تۇلعالار (بارلىعى قازاقستاندىق، تاياۋ جانە الىس شەتەلدىك 75 مەكەمە، 300 اۆتور) قاتىسادى. ونىڭ ىشىندە ەكى ۇلتتىق كىتاپحانا، 18 وبلىستىق امبەباپ-عىلىمي كىتاپحانا، 10 ورتالىق-قالالىق كىتاپحانا جۇيەسى، 33 جوعارعى وقۋ ورنى كىتاپحاناسى، 11 قوعامدىق ورتالىق، ينستيتۋتتار، مۋزەيلەر جانە باسقا مەكەمەلەر بار.
مىسالى، قازۇۋ-دىڭ ءال-فارابي كىتاپحاناسى (3 ميلليوننان استام قورى بار)، زاماناۋي تەحنولوگيالارمەن جابدىقتالعان، كەز-كەلگەن وقىرمان ەلەكتروندى رەسۋرستارعا تولىق ءماتىندى مالىمەتتەر بازاسىنا قولجەتكىزە الادى، جازىلىم دەرەكقورلارى Elsevier، Springer، «University وكسفورد »،« Zan »،« Polpred.com »،« ەپيگراف »جانە ت.ب. ەلەكتروندىق كىتاپحانانى كۇنىنە 2 مىڭنان استام ادام قولدانىپ، ەلدىڭ جانە الەمنىڭ كەز- كەلگەن جەرىندەگى ەلەكتروندى كاتالوگقا جۇگىنۋگە مۇمكىندىگى بار. بۇل ءداستۇرلى جانە ساندىق فورماتتاعى ەڭ وزىق جانە وزەكتى اقپاراتقا قول جەتكىزۋدى قامتاماسىز ەتەتىن شىعارماشىلىق جانە يننوۆاسيالىق كىتاپحانا.
XXI عاسىر-ادام ومىرىنە ساندىق تەحنولوگيالاردىڭ دەندەپ ەنگەن كەزەڭى. ياعني،ەلەكتروندى كىتاپحانادان كىتاپتاردىڭ، انىقتامالىقتاردىڭ، جۋرنالدار مەن سوزدىكتەردىڭ ەلەكتروندى نۇسقاسىن تەگىن جۇكتەپ الۋعا بولادى. ال، بۇل باستامانىڭ نەگىزگى ماقساتى ادامداردىڭ جاعدايىن جاقسارتىپ، ولاردىڭ ءبىلىم الۋى مەن عىلىممەن اينالىسۋىنا قولجەتىمدى ءارى ىڭعايلى جاعداي جاساۋ.
جاكيشيەۆا ساۋلە اۋكەنوۆنا تاريح عىلىمدارىنىڭ دوكتورى، پروفەسسور
كولبايەۆ نۇربولات، ابيكوۆا گۋلشات ءال- فارابي اتىنداعى قازۇۋ- ءنىڭ تاريح ارحەولوگيا جانە ەتنولوگيا فاكۋلتەتىنىڭ دوكتورانتتارى
You Might Also Like
-
سوووناۋ كوك جيەكپەن تىستەسكەن سارى بەل ساعىم سەلگە باتىپ-شىعىپ، قىلت-قىلت ەتىپ؛ كەيدە كەمەگە، كەيدە كەرۋەنگە ۇقساپ، ەندى بىردە ءۇزىلىپ-وشىپ قول بۇلعاپ؛ كوگىلدىر نىلگە ورانىپ كوز تالدىرادى. شىلدەنىڭ ...
-
بار الەمنىڭ باستاۋى-انا. انا ءۇش-اق ارىپتەن قۇرالعان ، ايتىلۋى وڭاي وسى ءبىر ءسوزدىڭ ۇلى ماعىنا ەكەنى بارىمىزگە ءمالىم. دەگەنمەن بۇل ءسوزدىڭ قادىر-قاسيەتىن بىلەتىندەر از. انانىڭ ءقادىرىن ءار ادام ءار الۋان...
