InfoHub Logo

قازىرگى تەحنوكراتيالىق ويدىڭ باسىمدىعى ورىن الىپ وتىرعان  الەمدە كوپتەگەن قوعامدىق سالا وكىلدەرى، مەملەكەت پەن قوعامنىڭ وتكەن تاريح الدىنداعى جاۋاپكەرشىلىگىنىڭ ارتۋىن ادامزاتتىق قۇندىلىقتاردىڭ شارتى تۇرعىسىنان باعالاۋدى ۇسىنىپ وتىر. وسى سۇرانىستى قاناعاتتاندىرۋعا باعىتتالعان ماماندىقتاردىڭ بىرىنە ارحيۆتانۋشى ماماندىعىن جاتقىزۋعا بولادى. قوعامدىق قاتىناستاردىڭ وسۋىنە بايلانىستى اقپاراتتىق رەسۋرستارعا دەگەن سۇرانىس كۇن ساناپ وسۋدە. ولاردىڭ قوعامداعى جانە مەملەكەتتەگى ماڭىزدىلىعى ارحيۆپەن  تىكەلەي بايلانىستى، سەبەبى وندا رەتروسپەكتيۆتى اقپاراتتىق مالىمەتتەر ساقتالعان قۇجاتتار كەشەنى ساقتالادى.

ەلىمىزدە ارحيۆتانۋشىلاردى دايىندايتىن جالعىز ءال-فارابي اتىنداعى قازاق ۇلتتىق ۋنيۆەرسيتەتىنىڭ تاريح، ارحەولوگيا، جانە ەتنولوگيا فاكۋلتەتىنىڭ «مۇراعاتتانۋ، قۇجاتتانۋ، قۇجاتتامامەن قامتاماسىز ەتۋ» ماماندىعى بويىنشا 2010 جىلدان بەرى ستۋدەنتتەر مەن ماگيسترانتتاردى دايارلاۋدا.

تاريح، ارحەولوگيا جانە ەتنولوگيا فاكۋلتەتىندە بولاشاق ارحيۆتانۋشى مامان دايارلاۋ ءۇشىن عىلىمي-ادىستەمەلىك تۇرعىدان قامتاماسىز ەتۋدى، جاڭا تەحنولوگيالار، ادىستەر، ءبىلىم بەرۋدىڭ فورمالارى مەن قۇرالدارىن ازىرلەۋدى، قالىپتاسقان تۇرلەرىن جەتىلدىرۋدى، بىلىكتىلىكتىڭ ارتۋىن جانە كاسىبي شەبەرلىكتى، پروفەسسورلىق-وقىتۋشىلىق قۇرامنىڭ ءعىلىمي-ادىسنامالىق الەۋەتىن جەتىلدىرۋدى ماقسات تۇتادى. بۇل جۇمىستار فاكۋلتەتتىڭ ادىستەمەلىك بيۋروسى تاراپىنان ۇيلەستىرىلەدى. ولار ءوز قىزمەتتەرىن جۇزەگە اسىرۋدا وقۋ ءۇردىسىن ۇيىمداستىرۋ جانە ادىستەمەلىك قامتاماسىز ەتۋگە ارنالعان ءنورماتيۆتى قۇجاتتاردى، مەملەكەتتىك ءبىلىم بەرۋ ستاندارتتارىن، پاندەردىڭ تيپتىك جانە تيپولوگيالىق قۇرلىمىن، بولاشاق ارحيۆتانۋشىلاردىڭ قۇرالدىق، تۇلعاارالىق، جۇيەلى جانە پاندىك قۇزىرەتتىلىكتەردى قالىپتاستىرۋ ءۇشىن ءۇش تىلدە ءبىلىم بەرۋ باعدارلامالارىنىڭ سپەسيفيكاسياسى جاسالىنادى.

سونىمەن بىرگە، فاكۋلتەت تاراپىنان شەتەلدىك تاجىربيە الماستىرۋ ماقساتىندا  پولشا، يتاليا، اقش سىندى مەملەكەتتەرىنىڭ ۋنيۆەرسيتەتتەرىندە ءبىلىم الۋعا مۇمكىندىك تۋعىزادى. وقۋ باعدارلاماسى جۇيەسىندەگى  ساباقتار، وقۋ-وڭدىرىستىك، عىلىمي تاجىربيەلەر ەلىمىزدىڭ ەڭ ءىرى ارحيۆ مەكەمەلەرى بولىپ سانالاتىن - قازاقستان رەسپۋبليكاسىنىڭ پرەزيدەنت ءارحيۆى، قازاقستان رەسپۋبليكاسىنىڭ ورتالىق مەملەكەتتىك ءارحيۆى، قازاقستان رەسپۋبليكاسىنىڭ عىلىمي-تەحنيكالىق قۇجاتتاما ءارحيۆى، قازاقستان رەسپۋبليكاسىنىڭ كينو-فوتو جانە دىبىس جازبالار ارحيۆىندە ستۋدەنتتەر مەن ماگيسترانتتار تەوريالىق بىلىمدەرىن پراكتيكا جۇزىندە ۇشتاستىرا الادى. بىرنەشە جىلداردان بەرى تمد (ۋكراينا، بەللارۋسيا، رەسەي فەدەراسياسى، وزبەكستان، تاجىكستان)  مەملەكەتتەرىنىڭ ارحيۆ سالاسىنىڭ ماماندارى، ۋنيۆەرسيتەت وقىتۋشىلارى مەن پروفەسسورلارى ۇشتاسقان «حالىقارالىق جاس ارحيۆيستەردىڭ جازعى مەكتەبى» اتتى حالىقارالىق كونفەرەنسيا وتكىزىلەدى. جازعى مەكتەپتە كەيىنگى كەزدەگى ارحيۆ سالاسىنداعى شيەلەنىسكەن ماسەلەلەر تالقىلانىپ، جاڭا تۇجىرىمدار، يدەيالار  مەن ۇعىمداردىڭ دامۋىنا الىپ كەلەدى. جاس ارحيۆيستەر وزدەرىنىڭ ءبىلىمى مەن تاجىربيەسىمەن الماسىپ قانا قويماي، بىلىكتىلىگى مەن كاسىپتىلىگىن دە دامىتۋعا مۇمكىندىك الىپ، سونىڭدا حالىقارالىق سەرتيفيكات بەرىلەدى. سونداي-اق ءار جىل سايىن ق ر پرەزيدەنت ءارحيۆى تاراپىنان «ارحيۆتانۋ جانە ءىس جۇرگىزۋ» بويىنشا قالالىق ستۋدەنتتىك وليمپيادا ۇيىمداستىرىلادى. وعان فاكۋلتەتتىڭ جاس ستۋدەنتتەرى وزدەرىنىڭ بىلىمدەرىمەن عانا ەمەس، شىعارماشىلىق قابىلەتتەرىن دە كورسەتەدى.ولار  بولاشاق مامان يەلەرى رەتىندە  ءۇشىن جاڭا ويلار مەن يدەيالارىن  ورتاعا ۇسىنىپ، ارحيۆ سالاسىنىڭ دامۋىنا ۇلەس قوسادى.

قازىرگى كەزدە ەلباسى مەن حالىق ەڭبەكقورلىعى ارقاسىندا ەلىمىز الدىڭعى قاتارلى مەملكەتتەردىڭ دەڭگەيىنە كوتەرىلۋدە. اتا-بابالارىمىزدىڭ سوناۋ جىلداردان بەرى انساپ  كەلە جاتقان تاۋەلسىزدىگى، الەمدەگى الدىڭعى قاتارلى دامىعان مەملەكەتتەرمەن تەپە-تەڭ كەلۋى، بۇل قازاقستاننىڭ بۇگىنگى جەتىستىگى. وسى ماسەلەگە ساي ەلىمىز جەتكەن جەتىستىگىن اسىپ تۇسەتىندەي، بارىنشا باعىت باعدارلار قابىلداۋدا. اتاپ وتىلگەن  باعىت - باعدارلاردىڭ ءبىرى مەملەكەت دامۋىندا ايرىقشا ءرول وينايتىن ماماندار دايارلاۋ. ارحيۆتانۋشى مامان ول وسى باعىت باعداردىن ايرىقشا ءبىر بولىگى بولىپ سانالادى.

نۋرپەيسوۆا ب.ە.  ت.ع.د.، ءال-فارابي اتىنداعى قازاق ۇلتتىق ۋنيۆەرسيتەتى، تاريح، ارحەولوگيا جانە ەتنولوگيا فاكۋلتەتىنىڭ اعا وقىتۋشىسى

ءشارىپانوۆا مەرۋەرت ءال-فارابي اتىنداعى قازاق ۇلتتىق ۋنيۆەرسيتەتى، تاريح، ارحەولوگيا جانە ەتنولوگيا فاكۋلتەتىنىڭ 2 كۋرس ماگيسترانتى

---