InfoHub Logo

مەملەكەت باسشىسى قاسىم-جومارت توقايەۆ ءوزىنىڭ اعىمدىعى جىلدىڭ 1ء-شى قىركۇيەگىندەگى قازاقستان حالقىنا جولداۋىندا «بارشامىز ءوز-وزىمىزدى دامىتۋعا كۇش سالۋىمىز كەرەك. زامانا سىناعى بىزدەن ۇزدىكسىز قوزعالىستى، مىقتى كۇش-جىگەردى جانە تاباندى ەڭبەكتى تالاپ ەتىپ وتىر»، - دەپ كورسەتكەن بولاتىن. راسىندا دا، وسى «جاڭا جاعدايداعى قازاقستان: ءىس-قيمىل كەزەڭى» ماقالاسىندا كورسەتىلگەندەي بۇگىنگى ۇرپاقتىق باسىنا ۇلكەن سىناق ءتۇسىپ تۇر. بۇل تاريحي كەزەڭدى بىرلەسىپ، ءبىر جۇدىرىقتاي وتكەرەتىن بولساق، ءبىز جاڭا كەزەڭگە اياق باسامىز. سول تۇستا ءبىلىم ماسەلەسى دە قوزعالعان بولاتىن. «كوروناۆيرۋس ىندەتىنىڭ سالدارىنان دۇنيەجۇزىندەگى مەكتەپ وقۋشىلارى مەن ستۋدەنتتەردىڭ باسىم كوپشىلىگى قاشىقتان وقۋعا كوشتى. بۇل جۇمىستىڭ ءتاسىلى مەن مازمۇنىن تۇبەگەيلى وزگەرتۋدە». ءبىلىم بەرۋ ساپاسى قاي زاماندا بولماسىن وتە وزەكتى ماسەلەلەردىڭ ءبىرى بولىپ تابىلادى. بولاشاق قازاقستاننىڭ بۇگىنگى ىرگەتاسىن قالايتىن جاس بۋىن قازىرگى تاڭدا قالاي ءبىلىم الىپ جاتىر؟ قاشىقتىقتان الىپ جاتقان بىلىمدەرى ولاردى كاسىبي مامان رەتىندە دايارلاۋدا جەتكىلىكتى مە؟ وسى سۇراقتار بارلىعىمىزدى مازالايدى. ەلىمىزدەگى باسقا جوو قوسپاعاندا ءال-فارابي اتىنداعى قازۇۋ قاشىقتىقتان وقىتۋ زاماناۋي كومپيۋتەرلەرگە جانە تەلەكوممۋنيكاسيالىق تەحنولوگيالارعا نەگىزدەلىپ، ءداستۇرلى جانە يننوۆاسيالىق وقۋ ادىستەرىن قولدانا وتىرىپ ءبىلىم بەرەدى.

قازۇۋ-دە 2008 جىلدان باستاپ وقىتۋشىلار مەن ستۋدەنتتەرگە ارنالعان «قاشىقتىقتان وقىتۋ Moodle جۇيەسى» بەلسەندى قولدانىسقا ەنگىزىلگەن. بۇگىنگى تاڭدا جاھاندىق وزگەرىستەرگە ساي قازۇۋ قاشىقتىقتان ءبىلىم بەرۋ پلاتفورمالارىن ىسكە قوستى. ستۋدەنتتەردىڭ جان-جاقتى، تولىق ءبىلىم الۋى ءۇشىن بارلىق جاعداي قاراستىرىلعان. ۋنيۆەرسيتەتتىڭ دامىعان، زاماناۋي اقپارتتىق تەحنولوگيالارى مەن ينفراقۇرىلىمى ستۋدەنتتەردىڭ قاشىقتىقتان ءبىلىم الۋىنا زور مۇمكىندىك بەرە الادى. قاشىقتىقتان وقىتۋ مۇمكىندىكتەرى ءال-فارابي اتىنداعى قازۇۋ مەن «Microsoft» اراسىندا ورناعان ىنتىماقتاستىقتىقتىڭ جەمىستى ناتيجەسى بولىپ تابىلادى. الەمگە تانىمال IT-كومپانيامەن بىرلەسكەن جۇمىستىڭ ارقاسىندا ستۋدەنتتەر مەن وقىتۋشىلار ءبىلىم الۋ ءۇشىن «Microsoft Teams» پلاتفورماسىن پايدالانا الادى. ءبىر سوزبەن ايتقاندا قازۇۋ-دە وزىق ساندىق تەحنولوگيالاردىڭ كومەگىمەن تولىقتاي قاشىقتىقتان ءبىلىم بەرۋ جۇيەسى ىسكە قوسىلعان.

ءبىلىم الۋشىلار ءۇشىن ونلاين رەجيمدە «ءال-فارابي كىتاپحاناسى» دا قىزمەت كورسەتەدى. بۇگىنگى تاڭدا ستۋدەنتتەر مەن وقىتۋشىلار ءۇشىن كىتاپحانا سايتىندا «ەلەكتروندى كاتالوگ»، «ءتولىقماتىندى دەرەكتەر قورى» جۇمىس جاسايدى. ول ارقىلى ءبىلىم الۋشىلار وزدەرىنە قاجەت بولعان ادەبيەتتەردى تولىق ەلەكتروندى فورماتتا وقي الادى. سونىمەن قاتار ادەبيەتكە سۇرانىس، كىتاپقا تاپسىرىس جاساي الادى. ودان بولەك كىتاپحانا قازىرگى تاڭدا دۇيسەنبى-جۇما كۇندەرى ارالىعىندا ساعات 9:00-18:00 ارالىعىندا بارلىق كارانتيندىك ساقتىق شارالارىن، تازالىق قۇرالدارىن، الەۋمەتتىك ارا قاشىقتىقتى ساقتاي وتىرىپ قىزمەت كورسەتۋدە. كىتاپحانانىڭ ونلاين دەرەكقورى ارقىلى ستۋدەنتتەر وقۋ جوسپارىنا ساي عىلىمي ادەبيەتتەردى ەركىن پايدالانا الادى. بۇل ءبىلىم الۋدا ەڭ باستى قۇرال. سونىمەن قاتار كىتاپحانانىڭ جازىلىمدىق دەرەك قورلارى ارقىلى ستۋدەنتتەر ماقالالار مەن شەت ەلدىك باسىلىمدارعا قول جەتكىزە الادى.

كاسىبي ءبىلىم بەرۋ جۇيەسىندە ەڭبەك نارىعىندا سۇرانىسقا يە بىلىكتى جاڭا، جاس ماماندار قالىپتاستىرۋدا  قازۇۋ ءارقاشان باسەكەگە قابىلەتتى وقۋ ورنى بولىپ قالا بەرمەك. قاشىقتىقتان وقىتۋداعى ەڭ باستى مىندەت وقىتۋدىڭ جاڭا فورمالارىنىڭ بۇرىنعى ءداستۇرلى جۇيەدەگىدەي ناتيجە كورسەتۋى. ياعني، ستۋدەنتتەر ءدارتۇرلى ءبىلىم بەرۋ جۇيەسىندە ۋنيۆەرسيتەتكە كەلىپ تەوريالىق جانە تاجىريبەلىك تۇرعىدان ءبىلىمنىن جەتىلدىرگەن بولسا، قازىرگى تاڭدا ەلەكتروندى فورماتتا سول بىلىمنەن كەم بولماۋى ءتيىس. الايدا قاشىقتىقتان وقىتۋدىڭ دا وزىنە ءتان ارتىقشىلىقتارى مەن كەمشىلىكتەرى  بار. قالاي بولعاندا دا، قاشىقتىقتان ءبىلىم الۋ پرەزيدەنتىمىز اتاپ كورسەتكەندەي «ۇزدىكسىز ءبىلىم الۋعا» مۇمكىندىك بەرەدى.

 

مۋحاجانوۆا ت. ن. ت.ع.ك.ع.، دوسەنت

وتارباي ش.م. ءال-فارابي اتىنداعى قازۇۋ 2-كۋرس ماگيسترانتى

---