جاس جۇبايلارعا باتا، تىلەك، قۇتتىقتاۋلار
قىمباتتى جاس جۇبايلار! سىزدەردى زاڭدى نەكەلەرىڭىزبەن قۇتتىقتايمىز! شىن جۇرەكتەن ماحابباتتى ماڭگىگە ساقتاۋلارىڭىزدى تىلەيمىز! بۇگىنگى كۇن - سىزدەردىڭ ومىرلەرىڭىزدەگى ەڭ باقىتتى كۇن. "ۇيلەنۋ وڭاي، ءۇي بولۋ قيىن"،- دەيدى حالقىمىز. مەن سىزدەرگە ءوزارا تۇسىنىستىك، ماحاببات پەن تاتۋلىق تىلەيمىن. سىزدەرگە تىلەيتىنىمىز - بۇگىنگىدەي باقىتتى ءسات ءومىر بويى بىرگە بولسىن!
*** *** *** ***
ۇيلەنۋ وڭاي، ءۇي بولۋ قيىن دەگەن بار،
سانالى جاستار بۇل ءسوزدى ۇعىپ باعىڭدار.
قوس وزەن سىندى قوس تاعدىر بۇگىن قوسىلسا،
جاراسىن تاۋىپ جاسالسىن ىزگى قادامدار.
ءومىر جولىندا سەرىك بوپ ىلعي ساتتىلىك،
شامشىراق سىندى جەتەلەي بەرسىن ءتاتتى ءۇمىت.
بەۋ قاراقتارىم، التىن تويدى دا تويلاڭدار،
وتاۋلارىڭنان قۋانىش كەتپەي ب ا ق تۇنىپ.
كوڭىلدە كوكتەپ ماحاببات گ ۇلى، نۇر گ ۇلى،
ەستىلسىن ۇيدە كۇمىس كۇلكىنىڭ سىڭعىرى.
ءورىسى كەڭىپ بابادان قالعان اۋلەتتىڭ،
تەربەلىپ بەسىك، ەستىلسىن ءسابي بىلدىرى.
ادامي عۇمىر بولارى ايقىن ءبىر نۇكتە،
جاقسىلىق كەلەر ىنتىماق باردا، بىرلىكتە.
باس قوسقان جاستار، سەندەرگە ۇلكەن تىلەگىم،
بىرىڭە ءبىرىڭ سۇيەنىش بولعىن تىرلىكتە.
*** *** *** ***
اقىل ايتتىم، ۇل-قىزىم، ۇرپاعىما ارنادىم،
بەرەكەگە شاقىرام، بايقارسىڭ ءسوزدىڭ سالماعىن.
تۋىسقانمەن اقىلداس، بوس قايتپاسىن قارماعىڭ،
«ەنە كورگەن — تون پىشەر» دەگەن ءسوزدى جالعادىم.
جاقسى ويلانىپ، جاستارىم، مۇنىڭ دا بايقا سالماعىن،
بىرەۋلەر ماقتاپ جاعىنار، كورە الماي بىرەۋ تارىلار.
ويداعىنى ايتتى دەپ، بىرەۋلەر مەنى ساعىنار،
تۇسىنەتىن ءسوز ءمانىن جاقسى ادامدار تابىلار.
اعايىن — تۋىس، قۇربىلار بىلگەنىن ماقتاپ، جىر قىلار،
كەيبىرەۋى جامانداپ، جەگەنىڭدى قۇم قىلار
اۋىز بىرلىك ساقتاعان، بەرەكەنى جاقتاعان
ال تۋىسقان اعايىن، ءقايسىبىرىن جازايىن -
كورە الماعان ادامدار، ءوزى تارتسىن سازايىن.
جاستارىما — امانات، تىڭداساڭدار جاماعات،
جاستارىما بۇل ءسوزدىڭ قالعاندارى امانات.
بەرەكەمەن باسقارىپ، ءبىرىڭدى-بىرىڭ قامداڭدار،
ءبىلىم مەنەن ونەردە تاعى دا ارتتا قالماڭدار.
جاستار دەپ سوققان جۇرەگىم، تۋىستى جاقسى بىلەمىن،
باقىتتى جاستار بولىڭدار، قابىل بولسىن تىلەگىم.
*** *** *** ***
داستارحاننىڭ باسىندا،
نە ءبىر جاقسى وسىندا.
مەن ءبىر باتا بەرەيىن،
دوس-جاراندار قاسىندا:
قوس ءورىم جاس — قوس وركەش،
قاليجان مەن ءباتيما.
باقىتتىڭ اشىپ قاقپاسىن،
اق وتاۋىن كوتەرىپ،
قۇت بوساعا اتتاسىن،
ەڭبەك ەتسىن ەلمەن تەڭ،
ەرىنىپ ۇيدە جاتپاسىن.
داستارحانى كەڭ بولسىن،
كەلگەندە بۇرىپ ات باسىن.
«كۇلشاشارى» كوپ بولسىن،
قۋانتار اتا-اناسىن،
ايتىپ-ايتپاي نە كەرەك،
ءسوزىمنىڭ بولسىن ءتۇيىنى:
زەردەڭە قۇي ەكى جاس،
ناعاشىنىڭ باتاسىن.
*** *** *** ***
قۋانىش قايىرلى بولسىن،
جاستار ابىرويلى بولسىن.
ۋايىمدارى جوق بولسىن،
كوڭىلدەرى توق بولسىن،
ادال ەڭبەك ارقاسىندا
تابىستارى مول بولسىن.
الاقاندارى اشىق بولسىن،
ومىرگە ماشىق بولسىن!
كۇيبەڭ قالىپ كەيىن قالماي،
جاڭالىققا عاشىق بولسىن.
ۇرپاقتارى ەر بولسىن،
كەمەڭگەرلەرمەن تەڭ بولسىن.
ولاردى كورە الماعانداردىڭ
بەدەل-بەرەكەتى كەم بولسىن.
ءاۋمين!
*** *** *** ***
شاڭىراقتارىڭ بيىك بولسىن،
بوساعالارىڭ بەرىك بولسىن.
باۋ-باقشالارىڭ ورىك بولسىن.
باسىڭدا ءدايىم،
قۇلپىرعان قۇندىز بورىك بولسىن.
اق جۇزىڭدە جارىڭنىڭ،
اق كيمەشەك كورىك بولسىن.
قۇداي قالاسا،
كوپ ۇزاماي جەرىك بولسىن.
تورسىق شەكەلى ۇل تاۋىپ،
ول وزىڭە سەرىك بولسىن.
ءاۋمين
*** *** *** ***
جاس كەلىنگە باتا
جاستاردىڭ كوپ قاتاسى.
جەك كورمەيدى بالاسىن،
اناسى مەن اتاسى،
بالالار، كوتەر قولىڭدى،
قايىرلى قۇتتى جولىڭدى،
يەم بەرسىن مال مەن باس،
تولتىرسىن ول مەن سولىڭدى.
مەن بەرەيىن باتامدى،
كىشىپەيىل بولىپ كەلىنجان،
سىيلا ەنەڭ مەن اتاڭدى.
كەكشىل بولما، قاراعىم،
كەشىرەر اركىم قاتاڭدى.
بولا بەرسىن ويىن-توي،
قىزىقتاپ تويلاۋ – قۇرمەت قوي.
اقىل، ەستەن ايرىلماي،
جاستارىم، ەسكە الىپ قوي،
قايىرلى بولسىن تويىڭىز،
قۇدالار كەۋدە سوقتىرىپ،
قۇيرىق، باۋىرعا تويىڭىز.
ءاۋمين
*** *** *** ***
قوس اققۋداي كولدەگى،
قىزعالداقتاي بەلدەگى،
جاس جۇبايلار ەكەنسىڭ،
باتا بەرەم كەل بەرى.
داۋلەتتى، مالدى بولىڭدار،
جۇقارماس جالدى بولىڭدار،
ەل-جۇرتىڭ ماقتان تۇتاتىن،
جاستاردىڭ الدى بولىڭدار.
تۇتاتقان شىراقتارىڭدى،
باستالعان مۇراتتارىڭدى،
ءبىر اللا قولداپ ءاردايىم،
جايقالتسىن قۇراقتارىڭدى.
وتاۋلارىڭ وردا بولسىن،
اتتارىڭ جورعا بولسىن.
قىمىزىڭ قىمىزىق تاتىپ،
مەستەرىڭ قوردا بولسىن.
ءاۋمين
*** *** *** ***
سىرتىڭنان دۇشپان جۇرمەسىن،
كوڭىلىڭە ۇرەي كىرمەسىن.
كورە الماعان كۇنشىلدەر،
كۇشىكتەي شۋلاپ ۇرمەسىن.
سىيلى ەتىپ اللا باسىڭدى،
عۇمىرلى قىلسىن جاسىڭدى.
ارۋاق قولداپ ءور، شىڭعا،
دومالاتسىن تاسىڭدى.
ءقادىرىن بىلگىن اناڭنىڭ،
قىزىعىن كورگىن بالاڭنىڭ.
كۇنىڭ مەن ءىسىڭ تۇسپەسىن،
قولىنا توپاس ساراڭنىڭ.
اسقاق بولىپ ارمانىڭ،
ارايلاپ اتسىن تاڭدارىڭ.
ماقساتىڭا جەتە بەر،
امان بولىپ مال-جانىڭ.
ءاۋمين
*** *** *** ***
جەتەگىڭ بۇيدا بولسىن،
ارقانىڭ شۋدا بولسىن.
بەرەتىن اسىڭ بولسىن،
كورەتىن جاسىڭ بولسىن.
بەسىگىڭ الدىڭنان تۇسپەسىن،
باسىڭنان جاقسىلىق كەتپەسىن،
جاماندىق ساعان جەتپەسىن.
ءاۋمين
*** *** *** ***
جاس كەلىننىڭ قونعان جەرى
قۇتتى قونىس، تۇعىر بولسىن.
بىرەۋى شال، ءبىرى كەمپىر –
قوسا اعارعان عۇمىر بولسىن.
بالاپانمەن، بالاقانمەن
بەسىك ءىشى جىبىر بولسىن.
قۇلىن تايدىڭ اسىرىمەن
وتتىڭ باسى ءدۇبىر بولسىن.
سۇيىسپەندىك ماحابباتپەن
ءتاتتى كۇلكى، سىبىر بولسىن.
كارى كۇتىپ، بالا باعىپ،
مول قىزىقتان ىعىر بولسىن.
كارىلەرگە مەيىرىمدى،
كەلىندەرگە ادەپ بولسىن.
اتا كۇتۋ، انا باعۋ،
اتا جولى ادەت بولسىن!
ءاۋمين
*** *** *** ***
ەلىڭە ەلەۋلى بول،
حالقىڭا قالاۋلى بول،
اتا-ەنەڭە جاعىمدى بول،
قايىناعا، قاينىڭا قايىرىمدى بول.
اۋىلىڭا ايبارلى بول،
كۇيەۋىڭە جايدارلى بول.
ءاۋمين
*** *** *** ***
قوسىلىپ تۇرعان قوس ۇلان،
يگىلىكتى، الاۋلى بولىڭدار.
حالىققا قالاۋلى بولىڭدار.
ءومىر بويى ءبىرىڭدى-بىرىڭ
جاماندىققا قيماڭدار.
مەيىرباندى ماحابباتپەن،
ۇلكەندەردى سىيلاڭدار!
*** *** *** ***
تابىستارى كوپ بولسىن،
الاقاندارى اشىق بولسىن،
ومىرگە ماشىق بولسىن!
كۇيبەڭ قاعىپ كەيىن قالماي،
جاڭالىققا عاشىق بولسىن،
ۇرپاقتارى ەر بولسىن،
كەمەڭگەرلەرمەن تەڭ بولسىن.
*** *** *** ***
جاس بالانىڭ كۇلكىسىن بەر،
جاس انانىڭ ۇيقىسىن بەر،
جومارتتىڭ جولىن بەر،
قىزدىڭ قىلىعىن بەر،
سۋدىڭ تۇنىعىن بەر،
اساۋدىڭ ارىنىن بەر،
تۇنگى وتتىڭ جارىعىن بەر،
دالانىڭ جازىقتىعىن بەر،
گۇلدىڭ نازىكتىگىن بەر،
تەڭىزدىڭ تەرەڭدىگىن بەر،
لاشىننىڭ جۇرەگىن بەر،
ناعىز دوستىڭ تىلەگىن بەر،
ماڭگى باقي اجىراماس
شىن عاشىقتىڭ بىلەگىن بەر!
*** *** *** ***
ءاۋمين – دەپ قولىڭ جاي،
مەن ءبىر باتا بەرەيىن.
بەرگەندە باتا نە دەيىن:
اۋەلى قۇداي وڭداسىن،
مالىڭ مەنەن باسىڭا
ەش جاماندىق بولماسىن.
بەرەكەلى ب ا ق قونىپ،
بىردەي ءوسسىن مال-باسىڭ،
نەسىبەڭ ارتىپ كۇن سايىن،
وزەگىڭ ەشبىر تالماسىن.
جاراتقان جاببار جار بولىپ،
پەندەگە كۇنىڭ سالماسىن!
جاراتۋشى قۇدىرەت،
جارىلقاۋدىڭ قامىن ەت،
زىليقا مەن جۇسىپتەي، ەت!
*** *** *** ***
سەزىمنىڭ پاكتىگىن بەرسىن،
كوڭىلدىڭ اقتىعىن بەرسىن،
جىلۋلى وت باستارىڭا
ءسابيدىڭ شات ءۇنىن بەرسىن!
پەيىلدەرىڭ تارىلماسىن،
شارشاپ-شالدىققاندار
تورلەرىڭە دامىلداسىن!
كولدەنەڭ كەسەلدەن ساقتاسىن،
كۇڭكىل وسەكتەن ساقتاسىن،
داۋ-جانجالدان ساقتاسىن،
دوستان كوڭىل قالعاننان ساقتاسىن!
شايتاننىڭ ازعىرۋىنان،
ەلدىڭ جازعىرۋىنان، ساقتاسىن!
اسىپ-تاسقاننان ساقتاسىن،
الشاڭ باسقاننان ساقتاسىن!
وتاۋلارىڭ ەلگە ءسان بولسىن،
ومىرلەرىڭ بال بولسىن!
*** *** *** ***
اۋەلى قۇداي وڭداسىن،
پەرىشتەلەر بولسىن جولداسىڭ.
اق باتامىز پاك بولسىن،
اق ورداڭا ب ا ق قونسىن!
جاس وتاۋىڭ باسقا تولسىن،
اللاھ مىڭ ءبىر اتتى پالەدەن ساقتاسىن.
ءجۇز ءبىر اتتى قاتەردەن ساقتاسىن،
ءتىلدىنىڭ تىلىنەن ساقتاسىن،
كوزدىنىڭ كوزىنەن ساقتاسىن،
كەزەنگەننىڭ كەزىنەن ساقتاسىن.
وسەك، اياڭ كۇندەۋدەن،
پالە-جالانىڭ بارىنەن،
ءبىر اللاھ ءسىزدى ساقتاسىن!
ءاۋمين، اللاھۋ اكبار!
*** *** *** ***
ءاۋمين دەسەڭ مىنە باتا
قونسىن دەپ قىدىر اتا.
قىدىر دارىپ، ب ا ق قونسىن،
كوڭىلدەرىڭ تولار شاق بولسىن.
كۇندەرىڭ شۋاقتى بولسىن،
كوڭىلدەرىڭ سۋاتتى بولسىن،
اسپاندارىڭ جۇلدىزدى بولسىن،
جان ۇيادا ۇل دا، قىز دا بولسىن.
ۇلدارىڭ باستى بولسىن،
قىزدارىڭ شاشتى بولسىن،
مىناۋ مەنىڭ ەمەس،
پايعامباردىڭ باتاسى بولسىن
ادال تىلەك استارىڭا
ۇزاق ءومىر جاستارىڭا
جانۇيا تاتۋ ءتاتتى بوپ
باقىت قونسىن باستارىڭا!
ءاۋمين!
*** *** *** ***
بىزدەردەن تىلەك: جاماننىڭ سۇعى وتپەسىن،
كەسىردىڭ ءسوزى جولدارىڭدى كەسىپ كەتپەسىن.
تىرنەكتەپ جيعان ىرىس پەن داۋلەت، بايلىعىڭ،
ۇيىڭە قۇت بوپ، قىزىعى ونىڭ بىتپەسىن.
پەيىلدەرىڭ ەشقاشان تارىلماسىن،
باستارىڭنان باق-داۋلەت ارىلماسىن.
كورەتىن قىزىقتارىڭ كوپ بولىپ،
تويلارىڭ تويعا ۇلاسسىن!
ءاۋمين!
*** *** *** ***
باقىتتى بول، باعىڭ اشىلسىن،
ءار كۇنىڭ شاتتىققا تولسىن.
بوساعاڭا جاماندىق جەتپەسىن،
تورىڭنەن جاقسىلىق كەتپەسىن.
ۇلدارىڭ ونشاقتى بولسىن،
قىزدارىڭ مونشاقتى بولسىن.
باستارىڭا ب ا ق قونسىن،
جاراتقان يەم جاق بولسىن.
ىنتىماق سەرىك بولسىن.
شاڭىراقتارىڭ بيىك بولسىن.
نەسىبە-ىرىس ءيىپ كەلسىن.
داستارحاندارىڭ كەڭ بولسىن.
قىزىق-قۋانىش تەڭ بولسىن.
ۇي-ىشتەرىڭ مەرەكەلى بولسىن،
ومىرلەرىڭ بەرەكەلى بولسىن.
تىلەكتەرىڭ اق بولسىن،
ماحابباتتارىڭ پاك بولسىن.
ءاۋمين!
*** *** *** ***
بۇگىنگى قۋانىش تويىنا
تىلەيىن تىلەك جان-جاقتى
قىزدارىڭ بولسىن مونشاقتى
ۇلدارىڭ بولسىن ونشاقتى!
اسپاندارىڭ اشىق بولسىن
دۇشپاندارىڭ قاشىق بولسىن
بۇگىن قوسىلعان ەكى جاس
بىر-بىرىنە ماڭگى-باقي عاشىق بولسىن!
ءاۋمين
كەسىردىڭ ءسوزى جولدارىڭدى كەسىپ كەتپەسىن.
تىرنەكتەپ جيعان ىرىس پەن داۋلەت، بايلىعىڭ،
ۇيىڭە قۇت بوپ، دۇشپانىڭ لايلاپ توكپەسىن.
پەيىلدەرىڭ ەشقاشان تارىلماسىن،
باستارىڭنان باق-داۋلەت ارىلماسىن.
كورەتىن قىزىقتارىڭ كوپ بولىپ،
تويلارىڭ تويعا ۇلاسسىن!
ءاۋمين!
*** *** *** ***
قۇدايىم، جاستارعا ۇزاق عۇمىرلى جاس بەرسىن!
جاس وتاۋعا ىرىس-بەرەكە، ب ا ق بەرسىن!
بەلدەۋدە بايلاۋلى مالى بولسىن،
وشاقتا قايناۋلى قازانى بولسىن!
ەسiگى اشىق بولسىن، قاباعى جازىق بولسىن!
دوس-جارانى ءسۇيiنسiن. دۇشپانى iشتەي كۇيiنسiن، وتاۋعا باقىت قۇيىلسىن!
اسپاندا ايسا، جەردە ءمادي، قىردا قىدىر، سۋدا سۇلەيمەن قولداسىن!
ال قارىنداسىم، وزىڭە ايتارىم:
بۇل كەلىسىڭ ماڭگى بولسىن، كەڭىسىن، ەكى اراعا تارتقان ارقان جەلىسىڭ. وسى جەردەن تامىر تارتىپ تەرەڭگە، وسى جەردەن ءوسىپ-ونسىن جەمىسىڭ.
*** *** *** ***
دۇنيەدە كەم بولمايدى باتالى قۇل،
شاشايىن باتامەنەن جەمىستى گۇل.
قوسىلعان تەڭىن تاۋىپ ەكى جاستىڭ،
اۋەلى جاسىن ۇزاق باقىتتى قىل.
قاپتاعان قارا ورمانداي شوعىرلى قىل،
ءار ىسكە اسىقپايتىن سابىرلى قىل.
الدىندا ۇلكەندەردىڭ ابىرويلى،
وزىنەن كەيىنگىگە ءقادىرلى قىل.
سويلەسە ايتقان ءسوزىن جۇيەلى قىل،
قالدىرماي قاتارىنان كيەلى قىل.
تىلەۋىن ەكى جاستىڭ قابىل ەتىپ،
ات ءمىنىپ جۇگىن ارتار تۇيەلى قىل.
ءاۋمين....
You Might Also Like
-
كوڭىل قۇلازىعان ساتتە اينالامىزدى قارا تۇنەك قاپتاعانداي كۇي كەشەمىز. ارمان-ماقساتتارىمىزدىڭ كۇيرەگەنىن سەزىنەتىنىمىز حاق. ەگەر كۇندەلىكتى جانىڭىزعا جىلۋ سىيلايتىن سوزدەردى ايتۋدى جيىلەتسەڭىز، ءوز ج...
-
وڭ بولسىن، بالام، ساپارىڭ، مولىقسىن ءدامىڭ، تاتارىڭ، تۋعان ەلىڭ تاپسىرعان، پارىزىن وتە وتاننىڭ. بارىپ كەلىپ جاتىر عوي، وزىڭدەي جاستار – قاتارىڭ. حالىقتىڭ سۇيگەن تىرەگى، سوم تەمىردەي ءبىل...
