InfoHub Logo

(ەرەسەكتەر توبى ءۇشىن مەرەكەلىك ەرتەڭگىلىك)

ماقساتى: ەلدىك مەرەكەگە وزىندىك ءۇن قوسۋ. كوڭىلدى ورتا قالىپتاستىرۋ.
باس قالا – استانا تۋرالى اندەر مەن ولەڭدەر ۇيرەتۋ، سۇيىسپەنشىلىك جانە ماقتانىش سەزىمدەرىن تۋدىرۋ. تۋعان ەل تاريحىمەن تانىستىرۋ.
الدىن الا اتقارىلاتىن جۇمىستار: استانانىڭ سۇلۋ كەلبەتى توپتاستىرىلعان سلايد دايىنداۋ، استانا كۇنىنە ارنالعان كوپشىلىكتىڭ جۇرەكجاردى لەبىزدەرى، قۇتتىقتاۋلارى تۇسىرىلگەن بەينەجازبا ازىرلەۋ، بالالاردىڭ ءوز شىعارماشىلىقتارىنان دايىنداعان سۋرەتتەرى كورمەسىن ۇيىمداستىرۋ.

بارىسى:
ەكراندا «جاڭالىقتار قىزمەتىنىڭ زاستاۆكاسى» كورىنىپ، اۋەنى وينالادى. ورتاعا تاربيەشى تەلەجۇرگىزۋشى بولىپ شىعادى:
تەلەجۇرگىزۋشى
تاربيەشى: قايىرلى كۇن، قۇرمەتتى تەلەكورەرمەندەر! ەفيردە «اپتا كZ»
جاڭالىقتار توپتاماسى. سىزدەرمەن بىرگە مەن – ينديرا قوسىموۆا
بۇگىنگى شىعارىلىمدا كورەتىندەرىڭىز:
-«استانا - بالالار كوزىمەن!»
مەرەكە اياسىندا بالاباقشا بۇلدىرشىندەرىنىڭ اراسىندا وتكەن سۋرەت كورمەسىنىڭ ناتيجەسىن انىقتاۋ.
-«تاۋەلسىز ەلدىڭ جۇرەگى سەنسىڭ - استانا!»
استانا قالاسىنىڭ سۇلۋ كەلبەتى الەمدى تاڭ قالدىردى.
-«استانا - تاتۋلىق پەن بىرلىكتىڭ ورداسى»
سۇيىكتى باس قالا – استانانىڭ تۋعان كۇنىنە ارنالعان رەسپۋبليكا جۇرتشىلىعىنىڭ جۇرەكجاردى لەبىزدەرى
- وسى جانە تاعى باسقا دا جاڭالىقتار لەگىمەن تانىس بولاسىزدار، ارنانى اۋىستىرماڭىزدار!......
تەلەجۇرگىزۋشى
تاربيەشى: باس قالامىز - استانا قالاسىنىڭ 16 جىلدىق مەرەيتويىنا وراي رەسپۋبليكا بويىنشا بارلىق بالاباقشالار اراسىندا «استانا - بالالار كوزىمەن!» اتتى بالالار قولىمەن سالىنعان سۋرەتتەردىڭ كورمەسى ۇيىمداستىرىلعان بولاتىن. سۋرەت كورمەسى كەشە استانا قالاسى تۇرعىندارى مەن قالا قوناقتارىنىڭ نازارىنا ۇسىنىلدى. كورمەنى تاماشالاۋشىلار باس جۇلدەگە
لايىقتى دەپ تانىعان بالاباقشاسى مەن ءوز پىكىرلەرىن «www. Astana - 16» سايتىنا جولداپ، داۋىس بەرۋلەرى كەرەك. ءقازىر ءبىز سىزدەرمەن 5 - تەن كەرى باعىتتا ساناۋ ارقىلى داۋىس بەرۋدى توقتاتامىز. قانە، باستايىق:
5،- 4،- 3،- 2،- 1! داۋىستار سانىن ەسەپتەۋ - توقتاتىلدى.
قاي بالاباقشا سۋىرىلىپ العا شىقتى ەكەن، نازار اۋدارايىق:
(ەكراندا اتى جازىلماي نومىرلەنگەن بالاباقشالاردىڭ دياگرامماسى كورىنەدى)
تەلەجۇرگىزۋشى
تاربيەشى: ناتيجە ءادىل بولۋى ءۇشىن بالاباقشالاردىڭ اتى اتالماي، تەك رەت ساندارىمەن عانا بەلگىلەنگەن بولاتىن. ال مىنا دياگرامما بويىنشا قاسيەتتى 7 سانىمەن بەلگىلەنگەن بالاباقشا ايقىن باسىمدىقپەن جەڭىپ وتىر ەكەن. ەندى بۇل نومىرگە قاي بالاباقشا جاسىرىلعانىن بىلەيىك، ءسال سابىر ساقتاڭىزدار.....
(ەكراندا: «....................» بالاباقشاسى، قىزىلوردا قالاسى!» - دەگەن جازۋ شىعادى)
تەلەجۇرگىزۋشى
تاربيەشى: مىنە، ناتيجە دە بەلگىلى بولدى! قىزىلوردا قالاسىنداعى
«.....................» بالاباقشاسىنىڭ بۇلدىرشىندەرى مەن ۇجىمىن شىن جۇرەكتەن قۇتتىقتايمىز!
(تەلەجۇرگىزۋشى قۇلاعىنداعى ميكروفوندى تىڭداعانداي بولادى دا:)
تەلەجۇرگىزۋشى
تاربيەشى: جاڭا عانا ماعان حابار كەلدى، ءبىزدىڭ قىزىلوردالىق كىشكەنتاي جەڭىمپازدارمەن جۇزدەسۋگە مۇمكىندىگىمىز بار ەكەن. ولار ءقازىر ءبىزدىڭ ستۋديامىزعا كەلەدى، قوشەمەتتەپ قارسى الايىق!
(كوڭىلدى مۋزىكامەن قۋانىشتى كەيىپتە، ءبىر توبى قولدارىنا وزدەرى سالعان سۋرەتتەرىن ۇستاعان، ءبىر توبى گيمناستشىلارشا كيىنىپ لەنتالار ۇستاعان، ءار ءتۇرلى مەرەكەلىك كوستيۋمدەرىن كيگەن بالالار ستۋدياعا قوناققا كەلگەندەي بولىپ جارتى شەڭبەرگە تۇرا قالادى)
تەلەجۇرگىزۋشى
تاربيەشى: ستۋديامىزعا قوش كەلدىڭدەر، بوتاقاندار! جەڭىستەرىڭ قۇتتى بولسىن!
1 - بالا: كوپ راحمەت، ءبىز اسا قۋانىشتىمىز.
2 - بالا: بىزگە داۋىس بەرگەن بارلىق استانالىقتارعا ۇلكەن راحمەت ايتامىز!
3 - بالا: بارلىعىمىزعا ورتاق مەرەكە باس قالامىز - استانانىڭ 16 جىلدىق مەرەكەسى قۇتتى بولسىن!
تەلەجۇرگىزۋشى
تاربيەشى: ايتسىن، ايتسىن! راسىندا دا بۇكىل قازاقستاندىقتاردى ءبىز دە ءوز اتىمىزدان استانانىڭ تۋعان كۇنىمەن قۇتتىقتايمىز!
ال بالالار سەندەردىڭ استانا قالاسىنا تارتۋلارىڭ كەرەمەت بولدى. بايقاۋدا جەڭەتىندەرىڭدى بىلدىڭدەر مە؟
4 - بالا: جەڭەتىنىمىزدى بىلگەن جوقپىز، ءبىراق ۇمىتتەندىك. ءبىزدى وسىندا الىپ كەلگەن، سۋرەت سالۋعا، بارلىق ونەرگە ۇيرەتكەن بالاباقشامىزداعى تاربيەشى اپايلارىمىزعا العىس ايتامىز.
تەلەجۇرگىزۋشى
تاربيەشى: بارەكەلدى! ال مىنا قولدارىڭداعى قانداي سۋرەتتەر؟
5 - بالا: بۇل - ءبىزدىڭ استاناداعى مەرەكەدەن العان اسەرلەرىمىزدەن تۋىنداعان سۋرەتتەر، سىزدەردىڭ تەلەارنالارىڭىزعا سىيلايمىز.
تەلەجۇرگىزۋشى
تاربيەشى: كوپ راحمەت! شىنىندا دا ناعىز سۋرەتشىلەر ەكەنسىڭدەر، سۋرەتتەرىڭ ماعان ۇنادى. تەلە-ارنامىزدىڭ مۇراجايىنا قويىپ قوياتىن بولامىز. ال سەندەردىڭ تاعى قانداي ونەرلەرىڭ
بار؟
6 - بالا: ءبىز استانا قالاسىنىڭ تۋعان كۇنىنە ارناپ اندەر ۇيرەندىك، تاقپاقتار جاتتادىق.
تەلەجۇرگىزۋشى
تاربيەشى: قانە، وندا ونەرلەرىڭدى تاماشالاپ كورەيىك.....
ءان «ەل جۇرەگى - استانا» مۋز: ق. قايىم
7 - بالا: كيەلى مەنىڭ اقوردام
ارۋداي سۇلۋ تارانعان
بەرەكە، بىرلىك، دوستىقتىڭ
تۇنىعىنان ءنار العان.
8 - بالا: جايناي بەر جاڭا استانام
ەرتەگىدەي عاجاپ باس قالام
ىنتىماقتىڭ تەربەپ بەسىگىن
تاۋەلسىز ەل كوشىن باستاعان
9 - بالا: ساۋلەڭدى شاش ەلىڭە
نۇرىڭدى توك جەرىڭە
كيەلى مەنىڭ ەلوردام
ب ا ق بولىپ قونعان تورىمە!

قىزىلوردا قالاسىنداعى №8 «ءبۇلدىرشىن»
ساناتوريالىق بالاباقشاسى كوممۋنالدىق
مەملەكەتتىك مەكەمەسىنىڭ مۋزىكا جەتەكشىسى
جۇمابەكوۆا بيبىگۇل مۇسىرەپحان قىزى