InfoHub Logo

بيىل «نۇر وتان» پارتياسىنىڭ باستاماسىمەن قولعا الىنعان جوبا اياسىندا وبلىستا 277 ءىت-سىنىبى اشىلادى. بۇل تۋرالى پارتيانىڭ باسپا ءسوز قىزمەتى حابارلادى.

وسىعان وراي، 3 تامىزدا شقو-دا بىلىكتى ماماندار دايارلايتىن ءىت-ورتالىقتا ب ا ق وكىلدەرىنە ارنالعان پرەسس-تۋر وتكەن ەدى. قازىرگى تاڭدا بۇل جەردە «نۇر وتان» پارتياسىنىڭ تەگىن ءىت-سىنىپتارى جوباسىن جۇزەگە اسىراتىن 544 ءمۇعالىم وقىپ جاتىر. ايتا كەتۋ كەرەك، ءىت-سىنىپتارىنىڭ جاڭا باعدارلاماسىن سەمەيدىڭ «ەلەكتر تەxنيكالىق كوللەدجى» قۇراستىردى.

بۇگىندە بارلىق مەكتەپتەردە 10+1 جابدىقتالۋى بويىنشا كابينەتتەرگە زاماناۋي كومپيۋتەرلەر جانە 3D پرينتەرلەر ورناتىلۋ ۇستىندە. ال مۇعالىمدەر بەلسەندى تۇردە ەلەكتر تەxنيكالىق كوللەدجى نەگىزىندە اشىلعان ءىت-ورتالىقتا وقىتىلۋدا. بەس اپتانىڭ ىشىندە ۇستازدار تەك ۆيزۋالدى باعدارلامالاۋ مەن 3D مودەلدەۋ نەگىزدەرىن عانا ەمەس، Web-ديزاين مەن روبوتتاندىرىلعان جۇيەنى دە مەڭگەرەدى.

وقۋ پروسەسى نەبارى 5 اپتاعا سوزىلادى. وندا تەوريالىق بىلىممەن قاتار پراكتيكالىق جۇمىستا قاراستىرىلعان ەكەن.

«ءدارىس باعدارلاماسى ءىت باعىتتىڭ جان-جاقتى نەگىزدەرىن قامتيدى. وقىتۋ ۋاقىتى 5 اپتانى قۇرايدى. ونىڭ ۇشەۋى تەوريالىق بىلىمگە جۇمسالسا، قالعانى تاجىريبەلىك جەكە جۇمىستارىنا ارنالادى»، – دەيدى كوللەدج ديرەكتورى ازات سارپەكوۆ.

تاعى دا ايتا كەتەرلىگى،بيىلدان باستاپ بۇكىل قازاقستان بويىنشا «1000 ءىت-سىنىپ» اشۋ جوسپارلانىپ وتىر. بۇل ءبىلىم الۋشىلارعا بولاشاقتا ءوز سەپتىگىن تيگىزبەك.

«وسى جىلدان باستاپ «نۇر وتان» پارتياسى 22 جاڭا جوبانى قولعا الدى. سولاردىڭ ءبىرى – بۇكىل قازاقستان بويىنشا بالالاردى تەگىن وقىتاتىن «1000 ءىت-سىنىپ» اشۋ. بۇل جوبا مەملەكەتتىك ستاندارتپەن قاراستىرىلعان ينفورماتيكا ساباعىن الماستىرمايدى. بالالارعا ارنالعان قوسىمشا ءبىلىم جانە بولاشاقتا كاسىبي باعدارلاۋدا ءوز ىقپالىن تيگىزەدى»، – دەپ اتاپ ءوتتى «نۇر وتان» شقوف ءتوراعاسىنىڭ ورىنباسارى ولەگ چۋگۋنكوۆ.

شقو اكىمىنىڭ ورىنباسارى اسەم ءنۇسىپوۆانىڭ ايتۋىنشا، IT-سىنىپتاردا وقىتۋ باعدارلاماسى ءار ءتۇرلى جاسقا بەيىمدەىپ جاسالعان. ماسەلەن، 3 پەن 5 سىنىپتارعا انيماسياسى بار ويىن كۇيىندە بەرىلسە، 5-تەن 8 سىنىپ ارالىعى كۇردەلىلەۋ بولادى. ياعني، ءىت-باعدارلامالاۋدى ۇيرەتەدى. ال، 8 بەن 11 سىنىپتاردا پراكتيكالىق نۇسقادا بولماق. وعان «مەحاترونيكا»، 3D باعدارلامالاۋ كىرەدى. ءىت-سىنىپتارىنداعى وقىتۋ ءبىلىم باعدارلاماسىنىڭ ءۆارياتيۆتى بولىگى ارقىلى جۇزەگە اساتىن بولادى.

ءدارىس اياقتالعان سوڭ ءبىلىم الۋشىلارعا ارنايى سەرتيفيكاتتار بەرىلەدى. ونى قورىتىندى تاپسىرمانى ورىنداعان، باعدارلامانى تولىق مەڭگەرگەن مۇعالىمدەر الا الماق.

---