جامبىل وبلىسىندا كىتاپحانالار جاپپاي سيفرلاندىرىلۋدا
وبلىستا بۇگىنگە دەيىن شامامەن 6 مىڭعا جۋىق كىتاپ سيفرلاندىرىلعان، ول دەگەنىمىز شوقان ۋاليحانوۆ اتىنداعى وبلىستىق كىتاپحانا باسىلىمىنىڭ جارتىسىنان استامى.
جامبىل وبلىسىندا جالپى سانى 288 كىتاپحاناجۇمىس جاساپ تۇر.كىتاپحانالاردا بارلىق كىتاپ قورى – 243 مىڭ دانانى قۇرايدى.
كىتاپ قورىنىڭ قىزمەتكەرلەرى الدىمەن سيرەك باسىلىمداردى ەلەكتروندى فورماتقا كوشىرۋدە. سيرەك باسىلىمدار قورى 10 مىڭدى قۇراپ وتىر.
سونداي-اق، ەلەكتروندى فورماتتا كوشىرۋدە جەرگىلىكتى جازۋشىلار شىعارمالارىنا كوپ كوڭىل بولىنەدى.
ەلباسى «قازاقستاننىڭ الەۋمەتتىك جاڭعىرتىلۋى: جالپىعا ورتاق ەڭبەك قوعامىنا قاراي 20 قادام» اتتى ماقالاسىنا وراي، جەرگىلىكتى اقىن-جازۋشىلارمەن اۆتورلىق كەلىسىمشارتقا تۇرىپ، شىعارمالارى سيفرلاندىرىلۋدا. ول ءۇشىن 8 سكانەر پايدالانىلىپ وتىر. 305 بەتتەن تۇراتىن ءبىر كىتاپقا 2،5 ساعات ۋاقىت كەتەدى.
بۇگىنگى كۇنى 25 جەرگىلىكتى اقىن-جازۋشىلارمەن اۆتورلىق كەلىسىمشارتقا تۇرىپ، 46 دانا شىعارمالارىنىڭ ەلەكتروندىق كوشىرمەلەرى كىتاپحانانىڭ سايتىنا ورنالاستىرىلعان.
ارينە بۇنداي جۇمىس ۋاقىتتى كوپتەپ قاجەت ەتەدى، ءبىراق كىتاپتى بۇل فورماتقا كوشىرۋ بۇگىنگى تاڭدا زامان تالابى، ويتكەنى ەلەكتروندى كىتاپتار وقۋعا، ءارى تاسىمالداۋعا وتە وڭاي.
«ءبىزدىڭ جۇمىسىمىز ءۇش باعىتقا نەگىزدەلگەن. ءبىرىنشىسى، الەۋمەتتىك سەرىكتەستىك. ءبىز قالانىڭ بارلىق قۇرىلىمدارىمەن بەلسەندى ىنتىماقتاسىپ، سۇيىكتى وقىرمان كىتاپتارىن سيفرلاندىرۋ تۋرالى وتىنىشتەردى ەسەپكە الامىز. ەكىنشىدەن، ماتەريالدىق-تەحنيكالىق جابدىقتاۋعا دەمەۋشىلەردى تارتامىز. ۇشىنشىدەن، بۇقارالىق اقپارات قۇرالدارىنىڭ كومەگىمەن كىتاپحانالاردىڭ زاماناۋي قوعامعا دەگەن وزەكتىلىگىن تالدايمىز»، – دەپ مالىمدەدى تىلشىلەرگە بەرگەن سۇقباتىندا كىتاپحانا ديرەكتورى ەلميرا ابدينوۆا.
ايتا كەتەلىك، ش.ءۋاليحانوۆ اتىنداعى وبلىستىق امبەباپ عىلىمي كىتاپحاناسى ەلىمىزدىڭ ۇزاق مەرزىمدى «2014-2020 جىلدارعا دەيىنگى دامۋ تۇجىرىمداماسىنا» سايكەس جامبىل ءوڭىرىنىڭ تۇرعىندارىنا كىتاپحانانى زاماناۋي، ىڭعايلى فورماتتا بارشاعا قولجەتىمدى بولاتىن اۋقىمدى، كوپفۋنكسيونالدى، اقپاراتتىق ينتەللەكت-ورتالىعى رەتىندە قىزمەت كورسەتىپ وتىر.
كىتاپحانا ۇكىمەت ورگاندارىمەن، تاراز قالاسىنىڭ وقۋ مەكەمەلەرىمەن، مادەنيەت مەكەمەلەرى، ءتۇرلى قازاقستان حالقى اسسامبلەياسى مەن ەتنو-مادەني ورتالىقتار، تاراز قالاسىنىڭ «پوكولەنيە» ازاماتتىق قوزعالىسى، «نۇر وتان» حدپ «جاس وتان» جاستار قاناتى، «جاڭا-رۋ» جاستار كواليسياسى زاڭدى تۇلعالار بىرلەستىگى، «جاستار ورتالىعى» جاستار بىرلەستىكتەرى، «اسىل ارمان» ۇلتتىق ءداستۇر مەن ونەردى قولداۋ» قوعامدىق بىرلەستىگى، «جامبىل وبلىستىق مۇگەدەكتەردى وڭالتۋ جانە بەيىمدەۋ» ورتالىعى جانە باسقا دا قۇرىلىمدارمەن سەرىكتەستىك جانە كەلىسىمدىك تۇراقتى قارىم-قاتىناس ورناتقان.
You Might Also Like
-
مالدى «چيپتەۋ» ولاردى جوعالۋ قاۋپىنەن جانە جول-كولىك وقيعاسىنان ساقتايتىن بولادى. بۇعان قوسا، شارۋالار اراسىندا مالدىڭ يەسىن انىقتاۋ بويىنشا بولاتىن تۇسىنىسپەۋشىلىكتەردى الدىنالۋعا بولادى.
-
انگليادا دەنساۋلىققا قاتىستى ناۋقاندا تەمەكى شەگۋ وكپەمەن قوسا مي سەكىلدى نەگىزگى مۇشەلەرگە كەلتىرەتىن زيانى اۋقىمدى تۇردە ناسيحاتتالدى. تەمەكى ءتۇتىنىنىڭ قۇرامىنداعى زياندى زاتتار قاندى قالاي لاستا...
