اۆستريادا ءبىلىم الۋدىڭ ارتىقشىلىقتارى مەن بولاشاعى
اۆستريا — كەمەڭگەر عالىمدار مەن ايگىلى كومپوزيتورلاردىڭ، دارىندى سۋرەتشىلەر مەن ادەبيەتشىلەردىڭ وتانى عانا ەمەس، بۇل باي مادەني داستۇرلەرى زاماناۋي تەحنولوگيالارمەن استاسىپ جاتقان ەڭ كونە ەۋروپالىق ۋنيۆەرسيتەتتەردىڭ وتانى. اۆستريادا وقۋعا تمد ەلدەرىنىڭ ابيتۋرەنتتەرى ەرەكشە قىزىعۋشىلىق تانىتادى. ويتكەنى بۇل ۋنيۆەرسيتەتكە ءتۇسۋ جەڭىلدەتىلگەن تارتىپپەن جۇرگىزىلەتىن ەۋروپالىق از ەلدەردىڭ ءبىرى. اۆسترياداعى جوو-الدى دايىندىق بولىمدەرىنە مەكتەپتەن كەيىن، نەمىس ءتىلىن بىلمەسە دە بىردەن تۇسۋگە بولادى. دايىندىق بولىمىندە وقىعاندار ستۋدەنت مارتەبەسىن الادى دا، ۋنيۆەرسيتەت ۇسىنعان ستۋدەنتتىك جەڭىلدىكتەردى بەلسەندى تۇردە قولدانۋعا، ءارتۇرلى تىلدىك كۋرستار مەن سپورت سەكسيالارىن قاتىسۋعا مۇمكىندىك الادى. اۆستريا ۋنيۆەرسيتەتىنە كەز-كەلگەن جاستا تۇسۋگە بولادى. گەرمانيا مەن شۆەيساريا ۋنيۆەرسيتەتتەرىنەن ايىرماشىلىعى، اۆستريا جوعارى وقۋ ورىندارى مەكتەپ اتتەستاتىنىڭ ءوتۋ ۇپايى نەگىزىندە باعالاۋ كونكۋرسىن وتكىزبەيدى. اۆسترياداعى جوعارى وقۋ ورنىنا تۇسۋگە شەشىم قابىلداعاندار ءۇشىن تاعى ءبىر جاعىمدى جاڭالىق شەكتەۋلى ورىندار مەن قابىلداۋ سىناقتارىنىڭ (شىعارماشىلىق ماماندار، پسيحولوگيا، مەديسينا، ەكونوميكادان باسقا) بولماۋى. سونىمەن قاتار اۆستريالىق جوو-داعى ءبىر سەمەستر وقۋدىڭ قۇنى 360-720 ەۆرو.
اۆستريادا ءبىلىم الۋ كەلەسى مۇمكىندىكتەرگە جول اشادى:
- سالىستىرمالى تۇردە از اقشاعا ساپالى جوعارى، ەكىنشى جوعارى نەمەسە ديپلوم الدى ءبىلىم الۋ
- ەۋروپالىق فيرمالاردا وقۋ تاجىريبەسىنەن ءوتۋ
- حالىقارالىق ۇلگىدەگى بەدەلدى ديپلوم الۋ
- ەۋروپادا ەش كەدەرگىسىز جانە ارزان ساياحات جاساۋ
- تەاترعا، كينوعا، كورمەلەرگە جانە ت.ب. جەرلەرگە بارعان كەزدە ستۋدەنتتىك جەڭىلدىكتەردى پايدالانۋ
- وقۋدى ءارتۇرلى بەلسەندى دەمالىستارمەن قاتار الىپ ءجۇرۋ
- ءوز بەتىنشە اقشا تابۋ – اۆسترياداعى ستۋدەنتتەردىڭ جۇمىس ىستەپ، اقشا تابۋعا قۇقىلارى بار
كەيبىر اعىلشىن ءتىلدى باعدارلامالاردان باسقا اۆستريالىق ۋنيۆەرسيتەتتەردەگى بارلىق ساباقتار نەمىس تىلىندە وتەدى.
نەمىس ءتىلى بويىنشا ءبىلىمى ۋنيۆەرسيتەتتىڭ تالاپ ەتەتىن (ۆ2-س1) دەڭگەيىنە جەتكەن كەزدە، ستۋدەنت ماماندىعى بويىنشا ءبىلىم الۋدى باستاي الادى.
اۆستريالىق جوو ديپلومدارى ەۋروپادا دا، وتاندىق ەڭبەك نارىعىندا دا قاجەت. شەتەلدە تۇرۋ جانە نەمىسشە سويلەۋ ءتىلىن ءبىلۋىڭىز ەلىڭىزدەگى مانساپ جولىنداعى مۇمكىندىكتەرىڭىزدى بىرنەشە ەسە ارتتىراتىنىن سەنىمدى بولىڭىز. ەگەر تۇلەك ۋنيۆەرسيتەتتى اياقتاعاننان كەيىن اۆستريادا قالىپ، جۇمىس ىستەيمىن دەپ شەشسە، وندا وعان جۇمىس ىزدەۋ ءۇشىن جارتى جىلدىق مەرزىمگە ۆيزا بەرىلەدى. جۇمىس تابىلعاننان كەيىن قىزىل-اق-قىزىل كارتانى – جۇمىس ىستەۋ قۇقىمەن بەرىلەتىن ىقتيار حات الۋ عانا قالادى. اۆستريا جوو-دا وقۋ جۇيەسى وتاندىق وقۋ جۇيەسىنەن وزگەشە بولادى. مۇندا سۋدەنتتەر ءبىر سەمەستردەگى وقۋ جوسپارىن وزدەرى جاسايدى جانە وزدەرى بارعىسى كەلەتىن نەمەسە ۋاقىتىنا سايكەس كەلەتىن دارىستەردى عانا تاڭدايدى. ويتكەنى ستۋدەنتتەردىڭ كوپشىلىگى وقۋ مەن جۇمىستى قاتار الىپ جۇرەدى. بۇل جۇيەنىڭ كوپتەگەن ارتىقشىلىقتارى بار. الايدا وقۋ سەمەسترىنىڭ دۇرىس جوسپارلانباۋى سالدارىنان ءبىلىم الۋ ۇزاققا سوزىلىپ كەتۋى مۇمكىن.
You Might Also Like
-
اقجول شابدار اتىم بار، اقشامعا ازان ايتىپ، اللاھۋ اكبار دەگەندە، الماتىدان شىعىپ لا-ي-لا-ھا-يل-لا-لا دەگەندە قارعالىنى قاق جارىپ، ۇزىناعاشقا باردىم. سول جەردەن ءبىر اۋىز ءتيىپ اتتانىپ، بۇلاڭ قۇيرىقپە...
-
پوەزد زاۋلاپ وتىرىپ پ. قالاسىنا كەلىپ توقتاي قالدى، باراتىن جەرىم وسى قالا بولعانسىن مەن دە چەمودانىمدى كوتەرىپ، پوەزدان ءتۇستىم. ادەمى جازدىڭ قوڭىر سالقىن تاڭعى جەلى اقىرىن عانا سوعىپ تۇردى.
