InfoHub Logo

اقجول شابدار اتىم بار، اقشامعا ازان ايتىپ، اللاھۋ اكبار دەگەندە، الماتىدان شىعىپ لا-ي-لا-ھا-يل-لا-لا دەگەندە قارعالىنى قاق جارىپ، ۇزىناعاشقا باردىم. سول جەردەن ءبىر اۋىز ءتيىپ اتتانىپ، بۇلاڭ قۇيرىقپەن قازان قايناپ جاتقاندا، قازان قالاسىنا باردىم. قازان قالاسىندا ءبىر جومارت ادام بار ەدى. باياعى قوناق كەلدى دەپ اتىمدى شاۋجايىنان ۇستاي الدى، — دەپتى.

(الماتى ۋەزى بايجاراس ۇلى راقمەتقاليدان)

وتىرىكتى ايتقان جاقسى،

قوستاۋشىسى تابىلسا

ەكى وتىرىكشى ءبىرى باستاپ، ءبىرى قوشتاپ، ەل ارالاپ، وتىرىك ايتپاقشى بولىپتى. بىرەۋى ءبىر كۇن ىلگەرى ءجۇرىپ، ەل ارالاپ قونعان، تۇستەنگەن جەرىنە، جولىققان ادامىنا وتىرىك ايتا بەرمەكشى بولىپتى. ەكىنشىسى ءبىر كۇن كەيىن ءجۇرىپ ءجۇرىپ، سول جونمەن الدىڭعى وتىرىكشىنىڭ ايتقانىن راستاماقشى بولىپتى.

وتىرىك باستاۋشى ءبىر اۋىلعا كەلىپ قونىپتى. اۋىل ادامدارى: «جاقسى-جاماننان نە ءتىل بار؟» — دەسە، وتىرىكشى: «ەل امان، جۇرت تىنىش. جالعىز-اق كوكتى كوبەلەي، اسپاندى ارالاي كوشىپ بارا جاتقان ەلدى كوردىم»، — دەپتى. ەل نانباپتى.

ەندى كەلەسى كەشكە سول اۋىلعا قوستاۋشى وتىرىكشى كەلىپ قونىپتى. اۋىل ادامدارى تاعى دا: «جارقىنىم، جاقسى-جاماننان نە ءتىل بار، كەشە ءبىر قوناق، كوكتى كوبەلەي، اسپاندى ارالاي ەل كوشىپ بارا جاتىر ەكەن دەيدى. ونان نە بىلەسىڭ؟» — دەيدى. قوستاۋشى: «بولسا-بولار، ويتكەنى اسپاننان اندا-ساندا كورەگەنىڭ ساعاناعى ءتۇسىپ بارا جاتقانىن كوردىم»، — دەپتى. بۇل وتىرىك سودان كەيىن لاقاپ الىپ ەلگە تاراپ كەتىپتى.

كەلەسى كۇنى وتىرىكتى باستاۋشى ەندى ءبىر ەلگە كەلگەندە، تاعى دا ەستىگەن-بىلگەندى سۇراعاندا: «بوتەن ايتارلىق ءسوز جوق، جالعىز-اق جولدا ءبىر ۇلكەن كول ورتەنىپ جاتىر ەكەن»، — دەپتى. ەل نانباپتى.

ەندى كەلەسى كەشتە الدىڭعى ۋادەمەن قوستاۋشى وتىرىكشى كەلىپ قونىپتى. اۋىل ادامدارى تاعى دا: «جارقىنىم، جاقسى-جامان نە ءتىل بار. كەشە ءبىر قوناق كەلىپ، جولدا ءبىر كول ورتەنىپ جاتىر دەپ كەتتى. ونان نە بىلەسىڭ؟» — دەيدى. سوندا قوستاۋشى: «جولدا ءبىر كەپكەن كولدىڭ تابانىنان پىسكەن بالىق جەپ، قايران بولعان ەدىم. مىناۋىڭىز سول جەر بولار»، — دەگەن ەكەن. بۇل تاپقىرلىققا ريزا بولعان ەل: «وتىرىكتى ايتقان جاقسى، قوستاۋشىسى تابىل-سا»، — دەپ ماتەل ەتىپ كەتىپتى.

---