بالالارعا ناسيحات
تىرىسالىق، عازيز جاس،
بالالىققا بولماي ماس،
وقىپ ساباق، بىلسەڭىز،
ەسىمىڭ بولار ەلگە پاش.
ويىنشى جالقاۋ بالادان
ءۇيىر بولماي اۋلاق قاش!
عىلىم بىلگەن ادامدار
كەدەي، مۇقتاج، بولمايدى اش.
بولسىن دەسەڭ ءىسىم وڭ،
شاكىرتتەردەن قالما سوڭ.
ماي سەكىلدى جۇمساق بول،
مۇزداي قاتتى بولما توڭ.
ءبىل ساباقتى، جازۋ جاز،
جاسىڭنان بول ونەرپاز.
كۇنى بويى جۇگىرىپ،
ويناعانعا بولما ءماز.
ساباق بىلسەڭ جاسىڭدا،
قۇستار سايرار باسىڭدا.
وتىرارسىڭ سەن داعى،
جاقسىلاردىڭ قاسىندا.
ساباق بىلسەڭ جەيسىڭ بال،
ايتقان سوزگە قۇلاق سال!
اكە-شەشە، اعاڭنىڭ،
حالپەنىڭ دە ءتىلىن ال.
بىلسەڭ سەنى ماقتايدى،
تاربيەلەپ ساقتايدى،
وقىماعان بىلمەگەن،
ەشبىر جانعا جاقپايدى.
تىرىسىپ سەن دە وقىساڭ،
ماقتايدى سەنى بارشا جان.
ءوزى كەلەر سەنى ىزدەپ،
ۇشقان قۇسپەن دالادا اڭ.
You Might Also Like
-
نەگىزگى اتى مۇحاممەد بين زاكاريا، 854 جىلى رەي قالاسىندا تۋىلعان. عىلىم الۋ ماقساتىندا يراك، شام، مىسىر جانە اندالۋسياعا بارعان. كەيىن رەي جانە باعدات قالالارىندا اۋرۋحانالاردىڭ باسشىسى جانە باس ءدا...
-
ماقال-ماتەلدەر – حالىق دانالىعىنىڭ قازىنا بايلىعى. ولار عاسىرلار بويى قالىپتاسىپ، سول حالىقپەن ماڭگى باقي بىرگە جاساپ، بىتە قايناسىپ كەتكەن دۇنيە. سوندىقتان دا ونى جۇرتشىلىق جادىنا ساقتاپ، ءوز...
