مۇعالىمدەر تولتىرۋعا مىندەتتى 5 قۇجاتتىڭ ءتىزىمى بەكىتىلدى
مۇعالىمدەر تولتىرۋعا مىندەتتى 5 قاعاز-قۇجاتتىڭ ءتىزىمى بەكىتىلدى. باسقا قۇجاتتارعا مۇعالىمدەر جاۋاپتى بولمايدى. بۇل تۋرالى بۇگىنگى ۇكىمەت وتىرىسىندا ءبىلىم جانە عىلىم ءمينيسترى ەرلان ساعادييەۆ ءمالىم ەتتى.
«جاڭا وقۋ جىلىنىڭ قارساڭىندا ءمۇعالىمنىڭ جۇمىسىن جەڭىلدەتۋگە باعىتتالعان شارالار قابىلداندى. بىرىنشىدەن، ەستەرىڭىزدە بولسا، بىلتىردان بەرى مۇعالىمدەردى ءۇي ارالاتۋدان الىپ تاستادىق. مەكتەپتىڭ رەيتينگى دە الىندى. ەندى مينيسترلىك ءمۇعالىم جۇمىسىن جەڭىلدەتۋ ءۇشىن ءوز تاراپىنان پەداگوگتار تولتىرۋعا ءتيىس قۇجاتتار تىزبەسىن العاش رەت بەكىتتى. ول تەك بەس قۇجات. ودان باسقا مۇعالىمدەردەن ەشقانداي قاعاز، قۇجات سۇرالماۋى ءتيىس»، - دەيدى ەرلان ساعادييەۆ.
ۇكىمەت وتىرىسىنان كەيىن باسپا ءسوز ءماسليحاتىن وتكىزگەن ءبىلىم جانە عىلىم ۆيسە-مينيسترى اسحات ايماعامبەتوۆ مەكتەپ مۇعالىمدەرى تولتىرۋعا مىندەتتى 5 قۇجاتتىڭ ءتىزىمىن ايتىپ بەردى.
«ناقتىراق ايتساق، ولار - كۇنتىزبەلىك-تاقىرىپتىق جوسپارلاۋ، ساباق بويىنشا جوسپارلاۋ، كرييتەرييلىك باعالاۋ، كۇندەلىك جانە سىنىپ جۋرنالى. جالپى، كۇندەلىك پەن جۋرنال بويىنشا ءقازىر سيفرلاندىرۋ ءجۇرىپ جاتىر»، - دەيدى اسحات ايماعامبەتوۆ.
You Might Also Like
-
زەمستۆو دارىگەرى قابىلداۋىن اياقتاپ، اۋرۋحانادان ۇيىنە قاراي بەتتەي بەرگەندە، ونىڭ جانىنا ۇستىندەگى تونى قىرىق جاماۋ، اياعىندا ۇلكەن قارا بايپاق، جاسقانا باسىپ جاقىنداي بەردى.
-
بالانى مەكتەپكە ورنالاستىرۋ ءۇشىن تۇرعىلىقتى مەكەن-جايى بويىنشا تۇراقتى تىركەۋ كەرەك پە؟ بۇل سۇراققا ق ر ۇكىمەتىنىڭ باسپا ءسوز ورتالىعىندا ق ر ءبىلىم جانە عىلىم ۆيسە-مينيسترى اسحات ايماعامبەتوۆ جاۋاپ بەردى.
