قاراعاندى وبلىسىندا وقىتۋشىلار قالاي باسپانامەن قامتىلادى
قاراعاندىدا وتكەن پەداگوگتاردىڭ تامىز كەڭەسىندە جاس ماماندارعا قىزمەتتىك باسپانا بەرۋ ماسەلەسى تالقىلاندى، دەپ وبلىستىق ءبىلىم باسقارماسىنىڭ باسپا ءسوز قىزمەتى حابارلايدى.
باسقارما باسشىسى ەسەنعازى يمانعالييەۆتىڭ سوزىنە قاراعاندا، اۋىلعا بارعان جاس ماماندارعا باسپانا ساتىپ الۋى ءۇشىن نەسيە بەرىلىپ جاتىر، ءبىراق قالالاردا بۇل ماسەلە شەشىمىن تابار ەمەس. وبلىس اكىمى وسى تۇيىتكىلدى دەنساۋلىق ساقتاۋ باسقارماسىنىڭ تاجىريبەسى بويىنشا شەشۋدى، ياعني بوساپ جاتقان عيماراتتاردى مەملەكەتتىك ورگاندارعا تاپسىرىپ، قالپىنا كەلتىرىپ، باسپاناعا قاجەتتىلىك سەزىنىپ وتىرعان ماماندارعا بەرۋدى ۇسىندى.
«بۇگىنگى تاڭدا وقىتۋشىعا وتە جوعارى تالاپتار قويىلىپ جاتىر. ءبىراق ونىڭ ءتيىمدى جۇمىس ىستەۋى ءۇشىن، الدىمەن سوعان ساي جاعداي جاسالۋى ءتيىس. تۇيىتكىلدى ماسەلەلەردىڭ ءبىرى باسپانامەن قامتۋ بولىپ وتىر. سوڭعى ءۇش جىلدا وبلىس مەكتەپتەرىنە 1 814 جاس مامان جۇمىسقا تۇردى، سونىڭ 884ء-ى اۋىل مەكتەپتەرىنە بارعان. وسى كەزەڭدە «ديپلوممەن - اۋىلعا» باعدارلاماسى بويىنشا 203 جاس مامان باسپانا نەسيەسىن الدى. ال قالالارداعى جاعداي قيىنداۋ. باسپانا بەرىلىپ جاتقان جوق»، - دەيدى ەسەنعازى يمانعالييەۆ.
ول وسى ماسەلەنى شەشۋدىڭ بىرنەشە جولىن ۇسىندى. ءبىرىنشىسى - جەرگىلىكتى اتقارۋشى ورگاندارى ارقىلى مەملەكەتتىك تۇرعىن ءۇي قورىنان باسپانا ءبولىپ، ونى ءبىلىم باسقارماسىنا بەكىتۋ. ول كەلەسىدە قالا پەداگوگتارى اراسىندا جەكەشەلەندىرۋ قۇقىعىنسىز بولىسكە سالىنادى. ەكىنشىسى - بوساپ جاتقان عيماراتتاردى كۇردەلى جوندەپ، قىزمەتتىك باسپاناعا اينالدىرۋ.
«ارينە، باسپانانىڭ جوعى قيىن ماسەلە. ءبىراق ءبىز ونى بىرتە-بىرتە شەشىپ كەلەمىز. جىل باسىندا 568 وقىتۋشى جەتىسپەگەن ەدى. قازىرگى كەزدە 90 ادام جەتىسپەي وتىر. ايتالىق، دەنساۋلىق ساقتاۋ جۇيەسىندە قىزمەتتىك پاتەرلەر بەرۋ ارقىلى الداعى ەكى جىلدا دارىگەرلەر جەتىسپەۋشىلىگى بارىنشا تومەندەتىلەدى. تاستاندى عيماراتتاردى جوندەپ، ماماندارعا بەرۋ ارقىلى بۇل ماسەلە شەشىمىن تاۋىپ وتىر. وسى تاجىريبەنى قولدانىڭىزدار، اكىمدەرمەن بىرگە جۇمىس ىستەڭىزدەر»، - دەيدى قاراعاندى وبلىسىنىڭ اكىمى ەرلان قوشانوۆ.
ءوڭىر باسشىسى قالا جانە اۋدان اكىمدەرىنە قىزمەتتىك باسپانا بەرۋ ارقىلى جاس مامانداردى تارتۋ جوسپارىن ازىرلەۋدى تاپسىردى.
«كادرلار تاپشىلىعى ماسەلەسى شەشىلۋى ءتيىس. باسپانا بولسا، وقىتۋشى دا بولادى، مەن بۇعان سەنىمدىمىن»، - دەيدى ەرلان قوشانوۆ.
You Might Also Like
-
سىلتي باسقان ولار جىراعا قاراي قۇلديلاپ تۇسە باستادى دا، الدا كەلە جاتقانى بەيبەرەكەت شاشىلعان تاستار اراسىندا ءسۇرىنىپ، تەڭسەلىپ كەتتى. وزدەرى قالجىراپ بىتكەن، جۇزدەرىنەن ۇزاق مۇقتاجدىق ءىزى مەن كۇي...
