InfoHub Logo

سىنىپ جەتەكشىلەرگە ۇسىنىلاتىن تاربيە ساعاتتار ۇلگىسى
تاقىرىبى: بالانىڭ باس ۇستازى - اتا - انا
ءتۇرى: ترەنينگ
ماقساتى: الدىمىزدا وتىرعان وقۋشىنىڭ اتا - اناسىمەن جاقىن تانىسۋ.
اتا - انانىڭ وتباسىنداعى ءرولىن انىقتاۋ، ءوز بالالارىنىڭ بولاشاعى تۋرالى پىكىرلەرىن تىڭداۋ. اتا - انانىڭ مەكتەپپەن بايلانىسىن نىعايتۋ. مۇعالىممەن دۇرىس ءتىل تابىسا ءبىلۋ ەرەكشەلىكتەرىن ءبىلۋ، ويلارىن اشىق ايتۋعا باۋلۋ.
كورنەكىلىگى: سۋرەتتەر، تىرەك سحەمالار، سلايدتار، كەستەلەر، ت. ب.

ءى. ۇيىمداستىرۋ كەزەڭى.
وقۋشىلار مەن اتا - انالاردىڭ نازارىن ترەنينگكە اۋدارۋ.
ءىى. نەگىزگى كەزەڭ.
ءمۇعالىم تۇسىندىرمەسى:
اتا - انامەن جاڭاشا جۇمىس تۇرلەرى.
جاس ۇرپاقتى جان - جاقتى جەتىلگەن، اقىل - پاراساتتى، وي - ءورىسى بيىك ازامات ەتىپ تاربيەلەۋ - قوعامىمىزدىڭ ەڭ وزەكتى ماسەلەسى. بالا تاربيەسىنىڭ العاشقى التىن قازىعى - جانۇياسى. جانۇيالىق تاربيە اتا - انا مەن بالا اراسىنداعى قارىم - قاتىناستىق جۇيە. ولاي بولسا، اتا - انا وسى جۇيەنى عىلىم مەن ونەر رەتىندە جان - جاقتى مەڭگەرۋ قاجەت.
سوندىقتان ءمۇعالىم مەن اتا - انالاردىڭ ءوزارا قاتىناسى مىندەتتەرىنىڭ ەڭ نەگىزگىسى – پسيحولوگيالىق - پەداگوگيكالىق بىلىمدەرىن كوتەرۋ بولىپ تابىلادى.
وسى مىندەتتى شەشۋ اتا - انالار جينالىسى، كونفەرەنسيالار، ترەنينگتەر، پىكىرتالاستار (دوڭگەلەك ۇستەل)، سايىستار، ۇيلەستىرۋ كەڭەسىنىڭ شەشىمدەرى ت. ب. شارالار ارقىلى جۇزەگە اسادى.
ەڭ الدىمەن اتا - انانىڭ ءوزىن - ءوزى تانۋىنا باعىتتالعان ترەنينگتەر، وزىنە بالاسىنىڭ كوزقاراسىن بىلدىرەتىن تەستىلەر مەن پسيحورەفلەكسيالار جۇرگىزىلەدى.
ارينە كەز - كەلگەن اتا - انا ءوزى تۋرالى دا، بالاسى تۋرالى دا جوعارى پىكىردە بولادى. سوندىقتان بۇل جۇمىستار باستاپقى كەزدە تۇسىنىك - تانىمىن كەڭەيتۋ رەتىندە جۇرگىزىلگەنىمەن كەيىننەن تەرەڭدەي باستايدى.
سونىمەن قاتار، جاڭا ۇلگىدە وتكىزىلگەن اتا - انالار جينالىسىنىڭ دا ماڭىزى ايتارلىقتاي. «بالانىڭ باس ۇستازى اتا - انا» اتتى اتا - انالار جينالىستارىن وتكىزۋ جوسپارى تومەندەگىدەي ۇلگىدە ۇيىمداستىرىلدى.

ءجۇرىسى:
ءى. توپقا ءبولىنۋ. (3 توپقا).
ءىى. «اسسوسياسيا» جازۋ.
ءار توپتىڭ ءبىر مۇشەسى قورعايدى.

ءىىى. پەداگوگيكالىق ويىن.
ماقتاۋ مەن ۇرسۋ
(2 مينۋت ۋاقىتتا كەستەنى تولتىرۋ، ىشتەي شەشىمگە كەلۋ. كەستەنىڭ قاي جاعىنداعى سوزدەر كوپ؟ ويلانۋ).

ءىۇ. پەداگوگيكالىق ويىن.
ءسىزدىڭ بالاڭىز ءسىزدى قاتتى قۋانتتى (ءبىر ىسىمەن) ءسىز نە ايتاسىز؟ قالاي قولدايسىز؟
(بالاعا ماداقتاۋ سوزدەرىن ايتىپ، مارەگە ءبىرىنشى جەتۋ).
(تاماشا! ءتىپتى ەرتەگىدەي عوي! سەنسىز مەن نە ىستەر ەدىم؟ وتە جاقسى! ماقتانىشىم مەنىڭ! مەن دە وسىنداي ناتيجە كۇتىپ ەدىم! قانداي قۋانىشتى!)

ءۇ. پەداگوگيكالىق سيتۋاسيالاردان شىعۋ.
(ءار توپ مۇشەلەرى ءوز شەشىمىن قورعايدى).
ءۇى. سويلەمدى اياقتاۋ.
ءى توپ.
1. ەگەر بالانى ۇنەمى سىناپ وتىرسا...(وقۋعا قۇلقى بولمايدى).
2. بالاعا ۇنەمى كۇلسە...(بۇيىعى بولىپ وسەدى).
3. بالانى قولداپ وتىرسا...(ءوز ءقادىرى ءۇشىن وقيدى).
ءىى توپ.
4. بالانى قولداپ وتىرسا...(ول ءوز باعاسى ءۇشىن وقيدى).
5. بالا توزىمدىلىكتە وسسە...(ادال بولىپ جەتىلەدى).
6. بالا ءقاۋىپسىز جاعدايدا وسسە...(ول ادامعا سەنىممەن قارايدى).
ءىىى توپ.
7. بالا كەكشىلدىكتە وسسە...(ول قاتىگەز بولىپ وسەدى).
8. بالا ادالدىقتا وسسە...(ادال بولىپ جەتىلەدى).
9. بالا تۇسىنىستىكتە جانە سۇيىسپەنشىلىكتە وسسە...(بۇل الەمنەن ماحاببات تابۋعا ۇيرەتەدى).

ءۇىى. «ءسىز قانداي اتا - اناسىز؟».
(ءوز - وزدەرىن تەست ارقىلى تەكسەرۋ).

ءۇىىى. مارجان سوزدەر سايىسى.
(بالا تاربيەسى تۋرالى ماقال - ماتەل، ناقىل، شەشەندىك سوزدەر ايتۋ.
ءار توپتان ءوز پىكىرىن قورعاۋ)

ءىىى. قورىتىندى.
اتا - انالاردىڭ ءوز بالالارىنىڭ جان - دۇنيەسىن جاقسى ءتۇسىنۋى، ولارعا وتباسىندا دۇرىس تا ءتيىمدى تاربيەلىك ورتا تۋدىرادى.
بالا تاربيەسىنە قاتىستى ءبىلىمى جانە بىلىكتەرىن ۇدايى كوتەرىپ وتىرۋى قاجەتتىلىگى ارتادى.
بالانىڭ باس ۇستازى - اتا - انا. جۇكتەۋ