باقالتاق قىران
باقالتاق قىران — بىزدەگى قىراننىڭ ىشىندەگى ەڭ مايداسى (قاناتىنىڭ قۇلاشى 135 سم، سالماعى 600-900 گ). ونىڭ بوياۋى اقشىلدان قارا تۇسكە دەيىن وزگەرىپ وتىرادى. وڭتۇستىك جانە وڭتۇستىك-شىعىس قازاقستان تاۋلارىنىڭ ورماندى بولىكتەرىندە تىرشىلىك ەتەدى، جەكەلەگەن ۇيالارى قارقارالىدان بەلگىلى (قاراعاندى وبلىسى). ۇيالارىن اعاشتاردا، وتە سيرەك قۇز شوعىرلارىنان كەزدەستىرۋگە بولادى. بۇل قىرانداردىڭ ۇيالاۋ كەزەڭىنىڭ باسىندا ۇياسىنا جاقىن جەردە كەرمەت قۇس ويناعىن سالادى. سونىمەن قاتار وسى كەزدە بۇلار — ايعايلاعىش، داۋىسى — ادەتتەگى قىران شاڭقىلداۋى. ۇياسىنداعى ەكى، سيرەك ءبىر جۇمىرتقاسىن انالىعى باسىپ شىعارادى. اتالىعى وسى كەزدە ۇياسىن قورعاپ، قورەك تاسيدى. بالاپاندارى ۇياسىن ەكى ايدان كەيىن تاستايدى. قۇستارمەن قورەكتەنەدى.
باقالتاق قىران — جىل قۇسى. ۇيالاۋ ورىنان ساۋىردەن قىركۇيەككە دەيىن كەزدەستىرۋگە بولادى. سوڭعى ونجىلدىقتا سانى ازايىپ كەتتى، ءقازىر قازاقستان قىزىل كىتابى قورعاۋىندا.
You Might Also Like
-
«بالقاشتۇستىمەتالل» وندىرىستىك بىرلەستىگى (بۇرىنعى اتاۋى بالقاش كەن-مەتاللۋرگيا كومبيناتى نەمەسە بكمك) — بالقاش قالاسىنداعى مىس بالقىتاتىن زاۋىت. جىلىنا زاۋىتتا 130-150 مىڭ توننا ...
-
ساياسي باسقارۋ بيلىك قۇرىلىمىن قالىپتاستىرۋدا، ۇكىمەتتىڭ باعدارلاماسىن ايقىنداۋدا، زاڭ اكتىلەرىن دايارلاۋ مەن قابىلداۋدا، ەكونوميكانى رەتتەۋدە، بيلىكتىڭ ءارتۇرلى دەڭگەيلەرى مەن ءتۇرلى تارماقتارىنىڭ ءوزا...
