باقىتتى دا، سالاۋاتتى ءومىر سالتى
جاقسى ويلاۋ جانە وڭ كوزقاراستا بولۋ. جاعدايعا وڭ كوزقاراسپەن قاراۋ وزگەلەرمەن جاقسى قارىم-قاتىناس قۇرۋعا كومەكتەسەدى جانە سۋىق پەن اۋرۋعا قارسى كۇرەسەتىن دەنەدەگى يممۋندىق جۇيەنى كوتەرەدى. ماسەلەن جاقسى ويدا بولۋ ءۇشىن وزگەلەردىڭ جاساعان جاقسىلىعىن ۇمىتپاعان ءجون. جامان وي كەلە باستاعاندا دەرەۋ جاقسىلىقتى ەسكە ءتۇسىرۋ كەرەك.
ماقسات قويا ءبىلۋ. العا ماقسات قويا ءبىلۋ وتە ماڭىزدى. ويتكەنى، ادام ماقساتتى قالاي قويسا، ول سوعان قاراي ۇمتىلادى. ماقسات بار جەردە ارمان بار، ارمان بار جەردە ءۇمىت بار، ءۇمىت بار جەردە نيەت بار، نيەت بار جەردە تالاپ بار، تالاپ بار جەردە ەڭبەك تە بار. بۇلار — بىر-بىرىمەن اجىراعىسىز، تىعىز بايلانىستى قاسيەتتەر.
سالماقتى بولۋ. دەنى ساۋ ادامعا كۇيزەلىس پەن پسيحيكالىق تۇراقسىزدىق كەرى اسەرىن تيگىزەدى. سوندىقتان، بايسالدى بولۋعا، كۇيزەلىس، سترەسس اتاۋلىدان ساق بولۋعا تىرىسۋ قاجەت.
جاقسى دوس تابۋ. كەيبىر دوستار جامان قىرىنان اسەر ەتىپ، پايداسىنان زيانىن كوپ تيگىزىپ جاتادى. ونداي دوستاردان الىس تۇرعان ءجون. «جاقسىمەن جۇرسەڭ جەتەرسىڭ مۇراتقا، جامانمەن جۇرسەڭ قالارسىڭ ۇياتقا» دەگەن ماقال وتە ورىندى ايتىلعان.
بوس وتىرماۋ. ەڭ جاقسى تاسىلدەردىڭ ءبىرى – «بۇگىنگى جۇمىستارىم وتە كوپ!» دەپ ايتۋ. سوندا ۋاقىتتى بوس وتكىزبەۋگە تىرىسامىز. جۇمىستاردىڭ ءتىزىمىن قۇرىپ، كۇنتىزبە نەمەسە كۇندەلىك ارنايمىز. ءبىراق ورىنداي المايتىن جۇمىستاردىڭ جوسپارىن قۇرماۋ كەرەك.
تىنىعۋ. كۇننىڭ ورتاسىندا 1-2 ساعات ۇيىقتاۋ، ۇناتاتىن تاعام نەمەسە جەمىستەر جەۋ، فيزيكالىق جاتتىعۋ جاساۋ، باسسەينگە بارۋ، سەرۋەندەۋ سەكىلدى وزىڭە كوتەرىڭكى كوڭىل-كۇي سىيلاۋ كەرەك.
كۇلىمدەپ ءجۇرىڭىز! بولماشى نارسەگە رەنجىمەڭىز. وزگەگە رەنجىگەن ادام باسقالاردى دا رەنجىتكىش كەلەدى. قىسقاسى، ومىرگە تۇڭىلمەي، كوڭىلدى ءجۇرىڭىز، سول كەزدە ءوزىڭىزدى باقىتتى سەزىنەسىز. كىم بىلەدى، ءسىزدىڭ جىلى جىميعان ءجۇزىڭىز وزگەلەردى باقىتتى ەتۋگە كومەكتەسۋى ابدەن مۇمكىن.
ەرمەككە (حوببيگە) ۋاقىت ءبولىپ، وزىڭىزگە راقات كوڭىل-كۇي سىيلاڭىز! مەيلى ول ونەر، قولونەر، توپتاما (كوللەكسيا) جيناۋ جانە ت.ب بولسىن، ەڭ باستىسى – ءوزىڭىزدى باقىتتى سەزىنىڭىز. بەلسەندى بولىڭىز، جەتىستىكتەرىڭىزدى اتاپ ءوتىڭىز. دوستارىڭىزعا ەسەسىن دامەتپەستەن سىيلىقتار بەرىڭىز. بەلگىلى ءبىر جۇمىسپەن اينالىسۋعا، سول جۇمىستان راقات الۋعا تىرىسىڭىز.
وتباسى مۇشەلەرىنە كومەكتەسىڭىز! ىدىس جۋىپ، ءۇي تازالاپ جانە باسقا دا جۇمىستارمەن وتباسى مۇشەلەرىنە كومەكتەسىڭىز. ءسىزدىڭ جاقىندارىڭىز ءسىزدى جاقسى كورىپ قانا قويمايدى، جاقسى جۇمىس اتقارعانىڭىز ءۇشىن ءوزىڭىزدى دە، وزگەنى دە باقىتتى ەتەسىز.
بۇزاقىلارعا جانە الىپ-قاشپا اڭگىمەلەرگە ءمان بەرمەڭىز! بۇل ارينە ەڭ قيىن جۇمىس، دەگەنمەن جۇزەگە اسىرساڭىز يىعىڭىزدان اۋىر جۇك تۇسكەنىن سەزىنەسىز. كەيبىر كورگەنسىزدەر سىرتىڭىزدان اڭگىمە ايتىپ جاتسا، ولارعا نازار اۋدارماي، جاۋاپ تا بەرمەڭىز. ويتكەنى، ولار ەرتە مە، كەش پە سىزدەن كۇتىلگەن قارسى جاۋاپتى الا الماعان سوڭ شارشايدى. ونداي ادامدارمەن دوس بولۋعا نەمەسە ولاردىڭ قاتەلىكتەرىن جوندەۋگە تىرىسپاڭىز، ەڭ دۇرىسى ولاردان ۇزاق تۇرىڭىز. كوپ ۇزاماي رەنجۋگە تۇرارلىق ادام ەمەس ەكەنىن ۇعاسىز. بۇل ءوزىڭىزدى باقىتتى جانە سەنىمدى سەزىنۋگە كومەكتەسەدى.
وزىڭىزگە سەنىمدى بولىڭىز. ىشكى جان دۇنيەڭىزگە ءۇڭىلىڭىز، جان سۇلۋلىعىڭىزعا ءمان بەرىڭىز. ءوزىڭىزدى جاقسى قىرىڭىزدان كورسەتۋگە تىرىسىڭىز. باسىڭىزدى كوتەرىپ، دەنەڭىزدى تىك ۇستاپ ءجۇرىڭىز، ءپوزيتيۆتى كوڭىل-كۇيمەن، سەنىممەن قادامىڭىزدى نىق باسىڭىز.
وقۋعا كەڭەس بەرەمىز:
جايلى ايماقتان شىعۋ ءۇشىن 3 سەبەپ
باقىتقا بولەنۋدىڭ جانە ءاردايىم باقىتتى بولۋدىڭ جولدارى
عىلىممەن دالەلدەنگەن – باقىتتى بولۋدىڭ 10 قاراپايىم ءادىسى
You Might Also Like
-
تۇزدى شامادان ارتىق تۇتىنۋدىڭ ارتەريالىق قىسىمدى ارتتىراتىندىعى، جۇرەك تالماسى، ينسۋلت سەكىلدى دەرتتەرگە اكەلەتىندىگى بۇرىننان بەلگىلى. بۇدان بولەك تاعى ءبىر قاتار زياندارى بارىن جاقىندا نەمىس عالى...
-
— اجاركۇلدىڭ ايتقانى كەلدى. بارىپ قولىن الىپ قايت. وقۋعا ءتۇستىڭ، پولات تۇسە الماي قالدى. «سەنىڭ بالاڭ تۇسەدى، التىنايدىڭ بالاسى تۇسە المايدى» دەپ ەدى، مەن اشىق اۋىز بايقاماي پولات...
