InfoHub Logo

ماماندار باس اۋرۋىن بىرنەشە تۇرپاتقا بولە­ءدى. قاجۋ سالدارىنان باستىڭ اۋرۋى تەگىندە باس پەن مويىننىڭ بۇلشىق ەتتەرىنىڭ ۇدايى جيىرى­لا بەرۋىنىڭ سالدارىنان بولادى. ول اۋرۋ باس ءسۇ­يەگىڭىزدى قىسپاققا الىپ، قىلقىندىرىپ جاتقان­داي قينايدى. ساقينا (ميگرەن) مي ارتەريالارىنىڭ كەنەت تارىلىپ كەتۋىنەن، سونان كەيىن كەڭىپ سالا بەرۋىنەن تۋىندايدى. كوبىنە باسىڭىزدى ءبىر جاعىنان اۋىرتاتىن، جۇرەك لوبلىتاتىن، تىم جا­رىق بولۋىنان، قاتتى دىبىستان شوشىندىراتىن سىرقات ءلۇپىل قاققانداي بولىپ كورىنەدى. كلاس­تەرلىك باس اۋرۋ بارىنەن ازاپ. ول ۇزاققا سوزىلىپ، ارا ­تۇرا ۇزاق ۋاقىت باسەڭدەيدى. سونى ارانداتۋ­شى — ىشىمدىك، تەمەكى.

— باس بارماق پەن سۇق ساۋساق اراسىنداعى تەرىنى قاتتى باسىپ تۇرىپ، اينالدىرا ماسساج جاساڭىز. اۋرۋ دوعارىلعانشا ءبىر قولدان ەكىنشى قولعا كوشىپ تۇرىڭىز.

—  باسىڭىز اۋىرعاندا، اياعىڭىزدى ىستىق سۋعا (كۇيىپ قالماسىن) باتىرىڭىز. قاندى اياققا تار­تىپ، مۇنداي ۆاننا باس ارتەريالارىنداعى قىسىم­دى كەمىتەدى. باس تىم قاتتى اۋىرسا، ىستىق سۋعا قىشا ۇنتاعىن قوسىڭىز.

— قاتتى قاجۋدان باس اۋىرسا ماڭدايىڭىزعا نە مويىننىڭ ارت جاعىنا ىستىق كومپرەسس قويىڭىز. ونىڭ جىلۋى قاجىعان بۇلشىق ەتتى جۇمسارتادى.

— الدىڭعى كەڭەسكە قاراما-­قارسى دەرلىك تاعى ءبىر كەڭەس. ىستىق كومپرەستەن ماڭدايىڭىز جىلى­عان سوڭ، سونىڭ ورنىنا سالقىن كومپرەسس قويۋعا دا بولادى. بۇل ءۇشىن مۇز كەسەكتەرىن ورامالمەن وراي­سىز نە مۇزداتىلعان كوكونىس سالىنعان دورباشىق­تى پايدالاناسىز. قان تامىرلارىن تارىلتادى.

— سالقىن كومپرەسس ورنىنا قولىڭىزدى مۇزداي سۋعا باتىرىپ، جۇدىرىعىڭىزدى اشىپ، جۇمىپ تۇ­رىڭىز. تىم كەڭىپ كەتكەن قان تامىرى تارىلادى.

— ءبىر شىنىاياق اششى كوفە ءىشىڭىز. كوفەين قان تا­مىرلارىن تارىلتىپ، باس اۋرۋىن كەمىتەدى.

— باس اۋىرعاندا ماڭدايىڭىز بەن جەلكەڭىزدى قو­سا شۇبەرەكپەن قاتتى بايلاپ تاستاڭىز. كەڭىپ كەت­كەن تامىرعا قاننىڭ كەلۋىن ازايتاسىز.

—  كەيبىر ەفير مايلارى، اسىرەسە لاۆاندا مايى قاجۋدى، سوعان بايلانىستى باس اۋرۋىن جەڭىلدە­تەدى. ونى شەكەڭىزگە، ماڭدايىڭىزعا جايلاپ  جا­عىپ، شالقاڭىزدان جاتىڭىز دا، يىسكە ەلتىڭىز. قا­راڭعى، تىنىش، سالقىن بولمەدە جاتساڭىز ءتىپتى دۇرىس.

— جالبىز مايىن دا پايدالانۋعا بولادى. ورا­مالىڭىزعا بىرنەشە تامشىسىن تامىزىپ، بىرنەشە رەت جاقسىلاپ يىسكەڭىز.

— جالبىز شايى سالىنعان قالتاشىقتىڭ ىلعال­دى ەكەۋىن سۋدان ارىلتىپ، جابىلعان كوزىڭىزگە نە ماڭدايىڭىزعا قويىڭىز.

— باس اۋرۋىن جازۋعا ادەتتە ءزىمبىر (يمبير) پاي­دالانىلادى. ونىڭ تامىر جەمىسىن ۇنتاقتاپ، ءبىر ستاقان سۋعا بوكپەن جاساڭىز دا، ءىشىپ قويىڭىز.

وقۋعا كەڭەس بەرەمىز:

باس اۋرۋى

حالىق ەمى: باس اۋرۋى، سەبەپتەرى مەن ەمى

باس ساقيناسى

باس اۋرۋىنىڭ سەبەپتەرى

---