باۋبەك قايتا ءتىرىلىپ، حات جازعانداي بولدى...
(ە. گورۋننىڭ قۇراستىرۋشىعا جولداعان حاتتارىنان)
وسىدان 42 جىلداي بۇرىن، «كومسومولسكايا پراۆدا» گازەتىنەن كوزىمە بىردەن ىلىنگەن باۋبەك بۇلقىشيەۆتىڭ «ءومىر مەن ءولىم تۋرالى» دەگەن ماقالاسىن وقىپ، كوڭىلىم تولعانى سونداي، اۆتورعا دەرەۋ حات جازعان ەدىم. ارادا اي جارىمداي ۋاقىت وتكەن سوڭ باۋبەكتەن جاۋاپ حات كەلدى. كوشىپ-قونىپ جۇرگەندە جوعالتىپ العان سول حاتتى جانە بار ىنتاممەن وقىعان العاشقى ماقالاسىن ەسكە السام، مايدانداعى جاس كازاك جىگىتىنىڭ سول اۋىر كەزەڭدەردەگى ءومىر جولى مەن تۆورچەستۆوسى بۇگىنگى كۇنگە دەيىن بارشامىزعا ۇلگى بولىپ قالعانىن ماقتانىشپەن ايتا الامىن. ول شىنىندا" دا، تان قالارلىق جوعارى يدەيالى ازامات بولعانىن جەكە وزىمە جازعان ءتورت حاتىنان جەتە سەزگەن ەدىم.
ءسىز ماعان جىبەرگەن «قىمباتتى ۋكراين قىزى» دەگەن بۇرىن جاريالانباي، بەلگىسىز بولىپ كەلگەن ماقالاسىنىڭ مازمۇنى ماعان جىبەرگەن حاتتارىندا ايتىلعان ءبىر كاتار جايتتەردى ەسىمە ءتۇسىردى. ۋكراينا جەرىنە، حالقىنا دەگەن شەكسىز سۇيىسپەنشىلىگىن بىلدىرگەن، قاندىبالاق فاشيستەردىڭ اسىرەسە ۋكراينا قىزدارىنا جاساعان زۇلىمدىقتارىن بايانداعان، ءوزى باستاعان قارۋلاس دوستارىنىڭ، ۋكراين جەرىن جاۋىزداردان قالايشا بوساتىپ جاتقانى تۋرالى جازعان جولدارىن ەسىمە ءتۇسىردى دە، ارى-بەرىدەن سوڭ باۋبەكتىڭ بۇل شىعارماسى «ساعان ارناپ ماقالا جازدىم» دەگەنى وسى ەمەس پە ەكەن؟ دەپ تە تەرەڭ ويلانىپ قالدىم. ءيا، باۋبەكتىڭ سوسياليستىك وتانىنا، سوۆەت حالقىنا جان-تانىمەن بەرىلگەن ناعىز ۇلكەن رەاليست جازۋشى بولاتىنى كۇمانسىز ەدى. اتتەڭ، جەڭىس كۇنىنە جەتە الماي كەتتى. ونىڭ مايداندا قازا بولعانى تۋرالى سوعىس بىتىسىمەن ىلە-شالا «مولودايا گۆارديا» باسپاسى شىعارعان «جيزن سولداتا» اتتى جيناقتا جاريالانعان باۋبەكتىڭ ەكى ماقالاسىنا بەرىلگەن شاعىن العى سوزدەن ءبىلىپ قاتتى قايعىرعان ەدىم. ەندى ونىڭ بەينەسى دەرەكتى فيلمدە كورسەتىلىپ، تۆورچەستۆولىق مۇراسىنىڭ تولىق جيناعى باسپاعا دايىندالىپ جاتقانىن ەسىتىپ، بىلگەننەن كەيىن شەكسىز قۋانىشقا بولەنىپ وتىرمىن.
(ورىس تىلىنەن اۋدارعان قۇراستىرۋشى.)
رەداكتور جولداس!
«كومسومولسكايا پراۆدانىڭ» تۇراقتى وقىرمانى بولعاندىقتان مەن ونىڭ 1942 جىلعى ءبىرىنشى مايداعى سانىندا جاريالانعان مايدانگەر جاس قازاق باۋبەك بۇلقىشيەۆتىڭ «ءومىر مەن ءولىم تۋرالى» جازبالارىن وقىپ شىقتىم. ءوزىم جەكە حات جازىپ، وعان كازىرگى كەزدە بىزدەر سياقتى جاستاردىڭ قايسىسىن بولسا دا تولعاندىرعان ماقالاسى ءۇشىن، ويىن ناقتى، شىنايى، جۇرەككە جىلى، قاراپايىم سوزدەرمەن اشىق ايتقانى ءۇشىن العىسىمدى بىلدىرەمىن.
ءبىراق وكىنىشكە وراي، ونىڭ باتىس مايداندا ەكەنىنەن باسقا ەشتەڭەسى بەلگىسىز. تۋراسىن ايتقاندا، وعان مەنىڭ جالىندى كومسومولدىق سالەمىمدى جولداۋدى وتىنەمىن. ونىڭ تۋعان ولكەسىندە جۇرگەن ون مىڭداعان سوۆەت قىزدارى سياقتى، بىزگە اسىل وي-پىكىرى مەن ماقساتىن بۇكپەي بىلدىرگەن قىزىل ارميانىڭ باۋبەك بۇلقىشيەۆ سياقتى داڭقتى جاۋىنگەرلەرى بار ەكەنىن ماكتان تۇتامىن.
مەن كوپتەگەن جاۋىنگەرلەرمەن حات الىسىپ تۇرامىن. ولار ماعان ناعىز بىرگە تۋعان اعا -ىنىلەرىمدەي جاقىن. ءبىزدىڭ بوستاندىعىمىزدى، تاۋەلسىزدىگىمىزدى قورعاۋشى وسى جاستاردىڭ ۇيلەرىنە امان-ەسەن ورالۋىنا تىلەكتەسپىن!
باۋبەك ءازى نە بارى 20 جاستا بولعانمەن، سوعىس ونى ەرەسەك ادام ەتكەندىگىن جازادى. مەن دە 19 جاستامىن. مەنىڭ دە ول سياقتى ورىندايتىن كەپتەگەن ماقساتتارىم بار. قانىشەر جاۋ باستاعان سوعىس بىزدەرگە ۇلكەن اپات اكەلدى. گيتلەردىڭ الەگىنەن قانشا بالالار جەتىم قالدى!
جوق، مۇنى ولارعا ەش ۋاقىتتا، ەشكىم دە كەشىرمەيدى!
باۋبەككە جانە ونىڭ جولداستارىنا — ولار ءبىزدىڭ قىزداردىڭ ار-ۇجدانىنا قيانات جاساعانى ءۇشىن، ءبىزدىڭ انالارىمىزعا، قارتتار مەن بالالارعا شەككىزگەن ازاپتارى ءۇشىن جاۋدى اياۋسىز سوققىلاسىن دەگەن ىزگى تالاپ-تىلەگىمدى حابارلاڭىز.
جەڭىسكە دەگەن ءبىزدىڭ ىنتا-جىگەرىمىز مىزعىمايدى.
مۇمكىن، ءبىز باۋبەك بۇلقىشيەۆتىڭ وزىمەن كەزدەسەرمىز. سوندا مەن ونىڭ قولىن قىسىپ، وعان بارلىعى ءۇشىن العىسىمدى ايتامىن.
كەزدەسكەنشە قوش بولىڭىزدار، قىمباتتى رەداكسيا! مەنىڭ ءوتىنىشىمدى ورىندايدى دەپ سەنەمىن.
كومسومولدىق سالەممەن، ليۋبا داۆىدوۆا.
مەنىڭ ادرەسىم:
تاشكەنت قالاسى، وكتيابر اۋدانى،
لازبەك كوشەسى، مۋافانيا پروەزدى،
№ 60ء-شى ءۇي، 19-شى پاتەر.
داۆىدوۆا ليۋبوۆ الەكساندروۆناعا.
ەگەر مۇمكىن بولسا ماعان باۋبەكتىڭ ادرەسىن حابارلاڭىز، مەن وعان شىن كوڭىلىممەن حات جازامىن.
ليۋبا
You Might Also Like
