InfoHub Logo

(ە. دۋبينا-گولوۆانيەۆانىڭ ەستەلىگىنەن)

ۇلى وتان سوعىسى باستالعان كۇننەن بەرى كوپ ۋاقىت ءوتتى. ءبىراق سول جىلدار ءبىزدىڭ ەسىمىزدەن ەش ۋاقىتتا كەتپەك ەمەس. اسىرەسە مايداننىڭ العى شەبىندە جۇرگەندەردىڭ، جاۋ كۇيرەتكەن حالىق شارۋاشىلىعىن قايتا قالىپقا كەلتىرۋدە تالاي قيىنشىلىقتاردى باسىنان كەشىرگەندەردىڭ ەسىندە ماڭگى قالادى. وسى سوعىستىڭ حالقىمىزعا زور زارداپ شەكتىرىپ، قايعى-قاسىرەت اكەلگەنىن مىنا بىزدەردەن ەستىگەن جاس بۋىندار دا ۇمىتپاق ەمەس.

باۋبەك ءبىزدى تەرەڭ ويلاندىرىپ، سوۆەتتىك پاتريوتيزم سەزىمىن وياتۋعا ايتارلىق ۇلەس قوسقان ءبىر ماقالاسىندا: «ادام — دۇنيەگە جاي عانا كەلىپ كەتپەيدى، ول ءوزىنىڭ ورنىن باساتىن بۋىندارعا رۋحاني مۇرا قالدىرادى»، — دەپ جازعان بولاتىن. مەن سوعىس جىلدارىندا ورىنبور وبلىسى، ماتۆەيەۆ اۋداندىق گازەتتىڭ رەداكسياسىندا ەڭبەك ەتە ءجۇرىپ مايداندا نە بولىپ جاتقانى تۋرالى گازەتتەردە باسىلعان ماقالالاردى ۇزبەي وقۋشى ەدىم. 1942 جىلدىڭ ماي ايىندا «كومسومولسكايا پراۆدادا» جارىق كورگەن «ءومىر مەن ءولىم تۋرالى. مايدانگەر جاس قازاقتىڭ جازبالارى»، اتتى پۋبليسيستيكالىق ماقالاسىن وقىعانىمدا بويىمدى بيلەگەن العاشقى اسەردىڭ كۇشىن مەن اسقان قالامگەر بولا قالعان شاقتا دا سوزبەن جەتكىزە الماس ەدىم. مۇنى تەك جۇرەگىندە قۋانىش پەن قاسىرەت سەزىمى قاتار جۇرگەن ادامنىڭ عانا رۋحاني سەزىنۋى مۇمكىن. قازىرگى كەزدە بۇل قاراما-قارسى ەكى سەزىمنىڭ ءبىر كەۋدەدە قاتار تۇرۋى ەتە سيرەك كەزدەسەدى. ال سوعىس جىلدارى بۇل ەكى سەزىم كوپتەگەن سوۆەت ادامدارىنىڭ جۇرەگىندە قاتار ءجۇردى. وتان ءۇشىن شايقاستاردا ادامدارىمىز وققا ۇشتى — بۇل بۇكىل حالقىمىزدىڭ قاسىرەتى، جاقىن ادامىمىز قازا بولسا — بۇل جەكە باسىمىزعا تۇسكەن قايعى-قاسىرەت بولدى. سول شايقاستار ناتيجەسىندە ءبىر قالا نە ءبىر دەريەۆنيا جاۋدان ازات ەتىلسە جالپى دا، جەكە دە قۋانىشقا بولەنىپ جۇردىك.

باۋبەكتىڭ ماقالاسىن وقي باستاعاننان-اق وكسىپ - وكسىپ جىلادىم. ساي-سۇيەگىم سىرقىراي جىلادىم. سول مەزەتتە مايداندا جۇرگەن اعا-ىنىلەرىم ەسكە ءتۇستى. 1941 جىلدىڭ اۆگۋسىندا 18-گە تولا قويماعان باۋىرىم نيكولايدى ارميا قاتارىنا شىعارىپ سالعانىمىز كوز الدىما ەلەستەدى. ول سول شاقتا ورتا مەكتەپتى جانا عانا بىتىرسە دە، قىزىل ارميا قاتارىنا بەلىن بەكەم بۋىپ، «سەندەر جىلاماڭدار، جىلاساڭدار قاتتى رەنجيمىن» دەپ، جۇبانىش ايتىپ، كوز الدىمىزدا ەسەيىپ اتتانعان ەدى...

مەن باۋبەكتىڭ ماقالاسىن گازەتىمىزدىڭ كەزەكتى سانىن باستىرىپ جاتقان شاقتا، تۇندە وقىعان ەدىم. مەن جىلاي باستاعان كەزدە قاسىمداعى رەداكسيا قىزمەتكەرلەرى مەن تيپوگرافيا ءجۇمىسشىلارى ابىرجىپ قالدى. «گازەتتەن باۋىرلارى جايلى سۋىق، حابار وقىعان شىعار»، — دەپ ويلاعان بولۋ كەرەك. «نە بولىپ قالدى؟ قانداي حابار وقىدىڭ؟» — دەپ مەنى جۇباتا باستادى. مەن سوندا باۋبەكتىڭ ماقالاسىن نۇسقاپ، «وسىنى وقىپ شىعىڭدار» دەگەننەن باسقا ەشتەڭە ايتا المادىم. كەلەسى كۇنى ونى رەداكسيا كوللەكتيۆى تۇگەل جينالىپ وقىدىق. سول مەزەتتەن باستاپ كوپتەگەن قۇربىلارىما وقىتتىم، جانە سەلولىق كومسومول كوميتەتتەرىمەن تەلەفون ارقىلى بايلانىسىپ، باۋبەكتىڭ ماقالاسىن اۋىلدىق جەردە كوللەكتيۆ بولىپ وقۋدى ۇيىمداستىرۋ قاجەت ەكەنىن حابارلادىم.

باۋبەكتىڭ «كومسومولسكايا پراۆدادا» جارىق كورگەن وسى العاشقى ماقالاسىنىڭ ەزى شىنايىلىعىمەن جۇرەگىمدى. ەلجىرەتىپ، جانىمدى تەبىرەنتتى. ونىڭ ەرەكشەلىگى تەك مايداندا جۇرگەن جۋرناليست قانا ەمەس، سونىمەن كاتار قارۋ-جاراقپەن دە، وتكىر ايبىندى سوزبەن دە جاۋدى مەرت قىلاتىن مايدانگەر سولداتتىڭ جازۋى بولاتىن. باۋبەكتىڭ ومىرگە دەگەن ماحابباتى جانە سول ءۇشىن ايانباي كۇرەسەتىنى وسى ماقالاسىنان - اق ايان بولدى. ول، شىنىندا، تەرەڭ ويلانا بىلەتىن جانە ىستىق جۇرەگىمەن، جالىندى سوزىمەن باسقالاردىڭ جۇرەك قىلىن شەرتە بىلەتىن دالا قىرانى، ەر جۇرەك جاۋىنگەر ەكەنىنە بىردەن كوزىمىز جەتتى. تۋراسىن ايتسام، باۋبەكتى مەن دە، مەنىڭ سول كەزدەگى قۇربى-قۇرداستارىمنىڭ ءبارى دە — گوركييدىڭ دانكوسىنىڭ جۇرەگى بار تالانتتى جاس ەكەن دەۋشى ەدىك. بۇلاي دەۋدىڭ ءوزى ۇلكەن قۋانىش. مەن ونىڭ ماقالالارىن وقي وتىرىپ: «باۋبەكتەي جاۋىنگەرلەرى بار ارميانى ەشكىم جەڭە المايدى، ءبۇل ارميا فاشيستەردىڭ، ءسوز جوق، تاس-تالقانىن شىعارادى»، — دەپ تەرەڭ ويعا باتاتىنمىن.

سوعىستىڭ ناعىز اۋىر كەزەڭدەرىنىڭ. ءبىرى سول 1942 جىل بولعانى ءبارىمىزدىڭ ەسىمىزدە. باۋبەكتىڭ ماقالالارى ءبىزدىڭ كوپ ۇلتتى حالقىمىزعا، ءبىزدىڭ جاستارىمىزعا دەگەن ماقتانىش سەزىمىن قۋاتتى كۇشكە اينالدىرىپ، سوعىس ءبىزدىڭ جەڭىسىمىزبەن بىتەدى دەگەن سەزىمىمىزدى تەرەڭدەتە ءتۇستى...

ءيا، وتكەن سوعىس ءبىزدىڭ كوممۋنيستىك پارتيامىز جۇزەگە اسىرىپ كەلە جاتقان لەنيندىك ۇلت ساياساتىنىڭ دانىشپاندىعىن، شىنشىلدىعىن پاش ەتتى. ءبىزدىڭ حالقىمىزدىڭ دوستىعى، باۋىرلاستىعى بۇرىنعىدان دا نىعايدى. وراسان ءقاۋىپتى جىلداردا ءبىزدىڭ حالقىمىز ءبىرتۇتاس كۇشكە اينالىپ، ول تۇتاستىق — جەڭىستىڭ كەپىلى بولدى. بۇل تۋرالى باۋبەك وتە ءدال، ءارى جاقسى جازدى.

سوعىستىڭ قانشاما ادامنىڭ ءومىرىن جويعانىن ويلاسام، جۇرەگىم قانعا تولادى. ءوزىنىڭ رۋحاني جانە تۆورچەستۆولىق تالانتىن اشا الماعان قانشاما جاستاردىڭ وپات بولعانى ەسكە تۇسسە، فاشيستەرگە لاعنەت ايتاتىنمىن.

باۋبەكتىڭ حاتىنا مىقتى جاۋاپ بەرمەكشى بولىپ مەن ءوزىمنىڭ ءتورت قۇربىممەن مايدانعا ءوز ەركىمىزبەن بارۋعا تىلەك بىلدىردىك. تورتەۋمىز سوعىستىڭ الەگىنەن ۋكراينادان كەشىپ كەلگەن قىزدار بولساق، بەسىنشىمىز جەرگىلىكتى جەردىڭ بايىرعى تۇرعىنى بولاتىن. اسكەري كوميسساريات تورتەۋىمىزدىڭ ارىزىمىزدى قابىلدادى، گازەتتە ىستەيتىنىمە بايلانىستى ماعان اۋداندىق پارتيا كوميتەتىنىن رۇقساتىن الىپ كەل دەگەن نۇسقاۋ بەرىلدى. وكىنىشكە وراي، اۋداندىق پارتيا كوميتەتى رۇقسات ەتپەدى. اۋپارتكوم حاتشىسى راچكوۆ جولداس: «ءسىز قازىرگى تاڭدا مايداندا بولۋدان گورى وسى جەردە قاجەتسىز. رەداكسياڭىزعا بارىپ، جۇمىس ىستەڭىز»، — دەدى.

باۋبەك قازاق حالقىنىڭ ۇلى ەدى. ول بارلىق سوۆەت حالىقتارىنىڭ باقىتتى ءومىرى ءۇشىن جانىن پيدا ەتكەن ينتەرناسيوناليست ەدى، ول وكتيابر ەلىنىڭ ۇلى بولاتىن.

باۋبەك «كومسومولسكايا پراۆداعا» از جازسا دا، ساز جازدى. ونىڭ ماقالالارى ءبىز وقىپ جۇرگەن ماقالالاردىڭ ىشىندەگى ەڭ تاتىمدىسى، ساياسي قوعامدىق ءمانى تەرەڭى دەر ەدىم. ونىڭ حاتتارىنان فاشيست زۇلىمدار تاپتاعان ۋكراينانى، مەنىڭ تۋعان حالقىمنىڭ قانى توگىلگەن ۋكراينا جەرىن كورگەنىن، سۇيگەنىن، ونى جاۋدان بوساتۋ ءۇشىن كۇرەسىپ جۇرگەنى ايقىن كورىنەدى. ەگەر ول بۇگىنگى ۋكراينانى كورسە، ونىڭ قۋاتتى يندۋسترياسىن، تاماشا تابيعاتىن، كەن بايلىعىن، جەر بايلىعىن، الىپ دنەپردىڭ كوگىلدىر سۋلارىن كورسە قانداي زور قۋانىشقا بولەنگەن بولار ەدى!

باۋبەكتىڭ حاتتارىن بۇگىندە تولعانباي وقۋ مۇمكىن ەمەس. بۇلاردا ومىرگە قۇشتارلىق، جاۋعا وشپەندىلىك، جەڭىسكە سەنىمدى ادامنىڭ سەزىمىنە تولى بولاتىن. وسىنداي اسىل مۇرانى پوەزيا مەن بارلىق اسەمدىكتى سۇيگەن، ءوزىنىڭ وي-ارمانى مەن ىزگى نيەتىن ادام جۇرەگىنە جەتكىزە بىلەتىن باۋبەكتەي جىگىتتەر عانا قالدىرا الادى. ونى جارقىن بولاشاق كۇتكەن ەدى.

(ىقشامداپ قازاقشاعا اۋدارعان قۇراستىرۋشى.)

باۋبەك بۇلقىشيەۆتىڭ يۋريي الەكساندروۆيچ جۋكوۆقا

1942 جىلدىڭ 30 يۋنىندە جولداعان حاتى

قۇرمەتتى جۋكوۆ جولداس!

مەنىڭ العاشقى ماقالاما بايلانىستى «كومسومولكا» وقىرماندارىنىڭ رەداكسيا ارقىلى جىبەرىپ جاتقان حاتتارىن الىپ جاتىرمىن. راحمەت، سىزگە! قازاقستاننان دا بىرنەشە حات الدىم. بۇلار دا كازاك تىلىنە اۋدارىپ «سوسياليستىك قازاقستان» گازەتىندە ، ال قىرعىزدار قىرعىز تىلىندە ءوز گازەتىنىڭ وسى جىلعى 31 مايىنداعى سانىندا باسىلعانى تۋرالى حابارلايدى.

وسى حاتىممەن بىرگە سىزگە جاڭا ماقالا جىبەرىپ وتىرمىن . ءبىزدىڭ رەسپۋبليكالىق گازەتتىڭ رەداكسياسى ماتەريال سۇراپ ءوتىنىش ەتكەندىكتەن، وسى ماقالامدى ماشينكاعا باستىرىپ، مىنا ادرەسكە سالىپ جىبەرۋىڭىزدى سۇرايمىن. قازاق سسر-ى، الماتى قالاسى، كارل ماركس كوشەسى، 43، «سوسياليستىك قازاقستان» گازەتىنىڭ رەداكسياسى، يمانجانوۆ مۇقانعا دەڭىز.

ەگەر ونى ءوز گازەتتەرىڭىزدە جاريالاۋ كەرەك دەپ تاپساڭىزدار، الماتىعا جىبەرمەي-اق قويۋلارىڭىزعا بولادى. ءبىزدىڭ سۇيىكتى جاستار گازەتىنىڭ رەداكسياسىندا بىرگە قىزمەت ەتەتىن ءوزىڭىزدىڭ. بارلىق جولداستارىڭىزعا مەنەن مايداندىق سالەم ايتىڭىز. ازىرشە ساۋ بولىڭىز.

كومسومولدىق سالەممەن ب. بۇلقىشيەۆ،

30 يۋن، 1942 ج.

ايتپاقشى، بۇعان دەيىن سىزگە ەكى حات جىبەرگەن ەدىم . ولار سىزگە جەتتى مە، جوق پا، بىلمەيمىن، جاۋاپ كۇتەمىن.

بۇلقىشيەۆ.

يۋ. ا. جۋكوۆتىڭ ب. بۇلقىشيەۆقا جولداعان 5796-ساندى حاتى.

قۇرمەتتى بۇلقىشيەۆ جولداس!

ءسىزدىڭ «ءومىر مەن ءولىم تۋرالى» ماقالاڭىزعا جاۋاپ رەتىندە وتانىمىزدىڭ پاتريوتتارىنان ەتە كوپ حاتتار كەلۋدە. سىزگە سولاردىڭ ءبىرىن تاعى دا جىبەرىپ وتىرمىز.

سالەم مەن ىزگى تىلەكتەستىك جولدايمىز!

«كومسومولسكايا پراۆدا» گازەتى رەداكسياسىنىڭ

مايدان ءبولىمىنىڭ مەڭگەرۋشىسى.

يۋ. جۋكوۆ.

«كومسومولسكايا پراۆدانىڭ» رەداكسياسىنا

قۇرمەتتى جولداستار!

سىزدەردىڭ 1 مايداعى 102-ساندى گازەتىڭىزدىڭ ءۇشىنشى بەتىندە جاريالانعان مايدانگەر جاس قازاقتىڭ «ءومىر مەن ءولىم تۋرالى» جازبالارىن وقىپ شىقتىم. مەنىڭ شەكسىز ىزگى العىسىمدى جانە ونىڭ تاماشا ىستەرىندە، سونداي-اق جاۋمەن كۇرەستە جەڭىسكە جەتۋ جولىندا دەنساۋلىعى ءار كەزدە جاقسى بولۋىنا تىلەكتەستىگىمدى جەتكىزۋدى وتىنەمىن.

قۇرمەتتى جولداستار! ماقالاسىن وقىعان ساياسي جەتەكشىنىڭ ورىنباسارى باتىس مايداننان قازىرگى كەزدە مەنىڭ سەميام ءبىزدىڭ جاۋىنگەرلەردى: «گيتلەرشىلدەردىڭ ۇستەمدىگىنەن تەزىرەك قۇتقارىڭدار»،— دەپ كۇتىپ وتىرعان مايداننان جازعان. بۇل — سمولەنسك قالاسى. مەن تۋىپ.. وسكەن، مەنى تاربيەلەگەن، ماعان باقىت بەرگەن، ماعان ءومىر بەرگەن — قالا. مەن ەندى بۇلقىشيەۆ جولداسقا شەكسىز العىسىمدى باياندايتىن ءسوز تابا الاتىن ەمەسپىن. باۋبەك ايتقانداي، تەك «ءومىر، يا جەڭىس!» دەگەن ۇران عانا بار. بىزگە ءومىر سۇرۋگە، ەنبەك ەتۋگە، وتانىن سۇيۋگە تەڭدەسى جوق پراۆولار بەرىلگەن. مەنىڭ تۋىستارىمدى تەزىرەك

جاۋدان بوساتسا ەكەن. جاۋمەن ءبارىمىز بىرگە كۇرەسەمىز. ول باتىستا، ال مەن وڭتۇستىك باتىستا جاۋدى اياماي سوققىلايىق دەگەن تىلەگىمدى جەتكىزسەڭىزدەر.

سىزدەردەن مەنىڭ وسى حاتىمدى گازەت ارقىلى، يا ،تىكەلەي وزىنە سالىپ جىبەرۋدى كوپ-كوپ سۇرايمىن. ونىڭ ادرەسىن جازىپ جىبەرىڭىزدەر.

كومسومولدىق سالەممەن

سەرجانت روديونوۆ.

28 پپس216 دسب. سەرجانت

روديونوۆ ميحايل پلاتونوۆيچ

«كومسومولسكايا پراۆدا» رەداكسياسىنىڭ ب. بۇلقىشيەۆقا 1942 جىلى 6 يۋندە جولداعان 59273-ساندى حاتى

قۇرمەتتى باۋبەك بۇلقىشيەۆ جولداس!

سىزگە «ءومىر مەن ءولىم تۋرالى» ماقالاڭىزعا بايلانىستى رەداكسياعا كەلىپ تۇسكەن تاعى ءبىر حاتتى جىبەرىپ وتىرمىز.

حاتتىڭ اۆتورى — قىز بالا، جاۋاپ بەرۋىڭىزدى وتىنەمىز.

دوستىق سالەممەن، «كومسومولسكايا پراۆدا»

گازەتىنىڭ رەداكسياسى مايدان ءبولىمى

مەڭگەرۋشىسىنىڭ ورىنباسارى

ل. يۋششەنكو.

قۇرمەتتى رەداكسيا!

مەن «كومسومولسكايا پراۆدادا» «ءومىر مەن ءولىم تۋرالى» مايدانگەر جاس قازاقتىڭ جازبالارىن وقىدىم دا جاس جاۋىنگەر قازاققا حات جازىپ جىبەرۋدى ءجون كەردىم. ءبىراق، مەن ونىڭ ادرەسىن بىلمەيمىن، وسى سەبەپتى سىزدەردەن مەنىڭ اشىق حاتىمدى «كومسومولسكايا پراۆدادا» جاريالاۋىڭىزدى قاتتى وتىنەمىن.

سالاماتسىز با، جانىم باۋبەك بۇلقىشيەۆ! ءوزىڭدى، اعام رەتىندە باۋبەك دەپ اتاۋىما، «سەن، ساعان» دەۋىمە رۇقسات ەت. بۇعان سەن وكپەلەمە. قازىرگى كەزدە، شىنىندا دا، ءبىزدىڭ ءبارىمىز اسا جاقىن، تۋىسقان ادامدارمىز عوي. ءبىزدى وتان انامىز وسىلاي تاربيەلەپ وسىردىك.

قىمباتتى باۋبەك، سەن تەك ءوزىن، ءوزىڭنىڭ سەزىمدەرىڭ مەن ويلارىڭ تۋرالى عانا ەمەس، ءجۇز مىڭداعان سوۆەت ەلىنىڭ قىزدارى مەن ۇلدارى تۋرالى، سولاردىڭ بۇگىنگى كۇنى جۇرەكتەرىن بيلەگەن جاۋعا دەگەن ىزا-كەك، پاتريوتتىق سەزىمدەرى تۋرالى دا جازىپ وتىرسىڭ.

ءيا، ءبىز ءومىردى ماقتانىش ەتەمىز، شىنىندا دا ول ادامداعى ەڭ قىمبات دۇنيە عوي. «ي ەە نۋجنو پروجيت تاك، چتوبى نە بىلو مۋچيتەلنو بولنو زا بەسەلنو پروجيتىە گودى». نيكولاي وستروۆسكيي وسىلاي دەگەن ەدى، ءبىز دە سولاي دەيمىز.

جوق وتكەن ومىرىمىزگە كوز سالساق بىزدە قينالاتىن، ۇيالاتىن ءجايت جوق. جەردى باسقان قارا تۇتىنگە، ۇزدىكسىز جارىلعان زەڭبىرەك وقتارىنا باس يمەي، جارقىن بولاشاققا جەتەتىنىمىزگە كۇمان جوق.

مەن — بەلورۋس قىزىمىن. قازىرگى كەزدە قىرعىزستاندا تۇرامىن، وسىندا جۇمىس ىستەيمىن. مەنىڭ اتا-انام مەن جاقىن ادامدارىم — سوعىس ورتىنەن لاۋلاپ جانعان بەلورۋسسيا مەن ۋكراينادا. قانىپەزەر فاشيستەردىڭ سولاردى قالايشا قورلاپ، ازاپقا سالىپ جاتقاندارىن ەسىمە تۇسىرسەم، مەنىڭ جۇرەگىم قانعا تولادى.

ءقازىر مەن ون توعىزدامىن. ورتا مەكتەپتى سوعىس باستالار الدىندا ءبىتىردىم. مەن سەن سياقتى ينجەنەر دە، ءمۇعالىم دە، ءتىپتى بارلىق ماماندىقتىڭ دا يەسى بولۋدى. ارمان ەتكەن ەدىم. ءبىراق قاندىبالاق گيتلەر ءبىزدىڭ جاستىق ءومىرىمىزدى، باقىتىمىزدى جانە ماحابباتىمىزدى قۇرتقىسى كەلدى. ول بۇل ماقساتىنا جەتە المايدى! تىزە بۇگىپ ءومىر سۇرگەننەن، تىك تۇرىپ سوعىستا ولگەن ارتىق.

سوعىس كەزىندە مەن پارتيا قاتارىنا كىردىم، سانيتارلىق كەزەكشىنىڭ ماماندىعىن مەڭگەردىم، ال ءقازىر وتانىمدى قورعاۋعا كۇنبە-كۇن، جان-جاقتى دايىن ءتۇرۋ ءۇشىن بايلانىسشىنىڭ ماماندىعىن ۇيرەنىپ ءجۇرمىن... جاۋدان ازات ەتىلگەن بەلورۋسسيا مەن ۋكراينا ۇستىندە ال قىزىل تۋ جەلبىرەيتىن كۇن قاشىق ەمەس. سول كۇنى ورىس پەن قازاق، ۋكراين مەن قىرعىز قۇشاقتاسىپ، شەكسىز قۋانىشقا بولەنەتىنى ءسوزسىز.

قىمباتتى باۋبەك! قاراپايىم سوۆەت قىزىنىڭ وتانعا دەگەن سۇيىسپەنشىلىك ار - كۇشىمەن، جاستىعىمەن ساعان جانە سەنىڭ جولداستارىڭا بىلاي دەر ەدىم: «وپاسىز جاۋدى پاتروندارىڭدى اياماي قۇرتا بەرىڭدەر، ال ءبىز — سىزدەرگە پاتروندار مەن زەڭبىرەك وقتارىن قانشا بولسا، سونشا جەتكىزەمىز. قاراپايىم سوۆەت ادامدارى ەستەرىندە قالارلىقتاي بويى بيتكە تولى فاشيستەرگە كۇندىز دە، تۇندە دە تىنىم بەرمەڭدەر».

جەڭىس ساعاتى جاقىن. بارلىق جاۋىنگەرلەرگە، كومانديرلەرگە، ساياسي قىزمەتكەرلەرگە ىستىق كومسومولدىق سالەمىمدى جەتكىزىڭىز.

كومسومولدىق سالەممەن، نينا گريششەنكو

1942 جىلدىڭ 26 مايى.

---