بەزەندىرىلگەن كىتاپتار
كۇن سايىن ادامدار كىتاپتارعا تاپ بولادى. قازىرگى تاڭدا كوبىنەسە ەلەكتروندى كىتاپتارعا. ءبىراق باسپا باسىلىمدارىنىڭ اراسىنان پوليگرافيانىڭ جاۋھارى دەۋگە تۇراتىنداي كىتاپتار كەزدەسەدى. كىتاپتى مۇقاباسىمەن سىنامايدى دەيدى. ءبىراق تومەندە كەلتىرىلگەن تاماشا ديزاينەرلىك كىتاپتار ءسىزدىڭ مۇقابالار جانە كىتاپتار تۋرالى ويىڭىزدى وزگەرتەدى.
رەي برەدبەريدىڭ «فارەنگەيت بويىنشا 451 گرادۋس» كىتابىنىڭ بەزەندىرىلۋى
وقىپ بولدىڭ – ورتەدىڭ. 451 °F — بۇل قاعازدىڭ تۇتانۋ تەمپەراتۋراسى. كىتاپتىڭ ءوزى بولسا، ۇكىمەت رۇقسات بەرمەي، ورتەتەتىن كىتاپتار تۋرالى.
360° كىتاپ
جاپون سۋرەتشىسى Yusuke Oono-نىڭ اقشاقار تۋرالى ءۇش ولشەمدى، بەزەندىرىلگەن كىتابى. مۇنداي كىتاپتار وقىرمانداردى مازمۇنىمەن عانا ەمەس، سونىمەن قاتار فورماسىمەن دە قىزىقتىراتىنى ءسوزسىز.
وقۋدان الدىن ءپىسىرۋ قاجەت بولعان، اسپازدىق كىتاپ
كىتاپتاعى رەسەپت بويىنشا اس ازىرلەۋدەن الدىن، كىتاپتى ءپىسىرىپ الۋ قاجەت. كىتاپ بەتتەرىندەنگى ءماتىن كىتاپ قىزدىرىلعاننان كەيىن عانا پايدا بولادى. حورۆات كىتاپ باستىرۋشىلارىنىڭ يدەياسى.
ءجۇز مىڭ ميلليارد ولەڭ
رايموند كۆيناۋدىڭ كىتاپبى بار بولعانى 10 سونەتتەن تۇرادى. ءبىراق ونىڭ ءارقايسىسى ءبىر جولدان جىڭىشكە كەسىندىلەرگە كەسىلگەن. وقىرمان كەسىندىلەردى كەز كەلگەن تارتىپتە قيىستىرا الادى. ەگەر وقىرمان بارلىق مۇمكىن بولاتىن قيىستىرۋلاردى كۇندەلىكتى داۋىستاپ وقيتىن بولسا، وندا ول ءۇشىن 200 000 جىل قاجەت بولادى.
Gerschreven Portretten كولەمدى كىتاپتار
ومىربايان-كىتاپ كولەمدى بولىپ جاسالىنعان. ياعني كىتاپ ءوزى باياندايتىن اتاقتى ادامنىڭ باس كەلبەتىنەن تۇرادى. مۇنداي ەرەكشە ءومىربايان كىتابىنا تەك ءتورت ادام عانا لايىق بولدى. ولار: فاشيزم تۋرالى باياندايتىن، ءوزىنىڭ كۇندەلىگىمەن تانىمال بولعان ەۆرەي قىزى اننا فرانك، يران-گوللاندىق پروزاشى، اقىن، كوسەمسوزشى كادەر ابدولا، تانىمال نيدەرلاندىق فۋتبولشى جانە جاتىقتىرۋشى لۋي ۆان گال جانە سۋرەتشى ۆينسەنت ۆان گوگ.
ءمۇسىن كىتاپتار
برايان دەتتمەردىڭ لاقابى — «كىتاپ ارشىعىش». ول «بۋك-كارۆينگپەن»، ياعني كىتاپ ويۋمەن اينالىسادى. وعان قانداۋىر پىشاق، كىشكەنتاي قىسقىش، قايشى جانە كىتاپ بولسا بولعانى، ناتيجەسىندە تاماشا ونەر تۋىندىلارى شىعادى.
الەمدەگى ەڭ كىشكەنتاي كىتاپ
كىشكەنتاي «گۇلدەر مەن وسىمدىكتەردىڭ الماناحىنىڭ» ولشەمى 0،75 مم. كىتاپقا «ءتورت مەزىلدىڭ گۇلدەرى» اتى بەرىلگەن. ول جاپونيانىڭ بارلىق گۇلدەرى مەن وسىمدىكتەرى بويىنشا انىقتامالىق بولىپ تابىلادى. كىتاپتى جاساۋعا سەگىز اي كەتكەن.
ساعات - كىتاپ
ءۇش كىتاپتان تۇرادى، سىرتتاي ساعاتتىڭ قىزمەتىن اتقارادى.
تەسىك كىتاپ
جازۋشى د.س.فوەر ءوز تۋىندىسىندا گيپەرماتىننىڭ نە ەكەنىن كورسەتكەن سياقتى.
تاكەشي يسيگۋرونىڭ جارىق كىتابى
بۇل كىتاپ شامنان تۇرادى، قاراپايىم اداپتەر ارقىلى قۋات الادى.
كىتاپ – شام
كىتاپ شام ستيلىندە جاسالىنعان. سورەدە عانا ەمەس، ۇستەل ۇستىندە دە تاماشا كورىنەدى.
ۆيكيپەديا قاعازدا
ديزاينەر روب مەتتيۋس اعىلشىن ۆيكيپەدياسىنىڭ ەڭ كوپ قارالاتىن بەتتەرىن 5000 بەتتەن تۇراتىن كىتاپ رەتىندە شىعارعان.
كوفەنىڭ داقتارى بار كىتاپ
مارتا حەدەننىڭ بۇل تۋىندىسى كوفەنىڭ ادام اعزاسىنا پايداسىن باياندايدى.
You Might Also Like
-
ەرتەدە مۇستاقىم دەگەن باي بولىپتى. ونىڭ ەركەك بالاسى بولماپتى. ون بەس جاسار ايەل بالاسى بولىپتى. بايدىڭ بايلىعى سونداي اسقان، باسقا تۇگىل پاتشاعا دا جەتكەن. باي ساپارعا ءبىر شىققاندا وتىز قوسپەن شىع...
-
بۇل پارسى مەنەن زاكاۆكازداعى تۇرىكتەرگە ماعول تۇرىكتەن كوپ ارالاسقان. راشيد-اد-دين سوزىندە حۋلاگۋ ياعني الەكەنىڭ اسكەرىنەن ءار ون كىسىنىڭ ەكەۋىن سولارعا قوستى. ول پارسى مەنەن زاكاۆكاز تۇرىكتەرىنىڭ رۋ...
