ءبىلىم ءمينيسترى گرانتتاردىڭ بولىنۋىنە قاتىستى پىكىر ءبىلدىردى
ءبىلىم جانە عىلىم ءمينيسترى ەرلان ساعادييەۆ مەملەكەتتىك گرانتتاردىڭ تاعايىندالۋىنا قاتىستى پىكىر ءبىلدىردى.
وتكەن جىلدارى «التىن بەلگى» يەگەرلەرى، ءتۇرلى كونكۋرستار مەن عىلىمي جوبالاردىڭ جەڭىمپازدارى ۇلتتىق ءبىرىڭعاي تەستىلەۋدەن قانشا بالل العانىنا قاراماستان باسىمدىققا يە بولعان ەدى. ولار تىكەلەي گرانتقا تۇسەتىن. جاڭا ەرەجەگە ساكەس، ەندى ولارعا جيناعان بالدارى باسقالارمەن بىردەي بولعاندا عانا باسىمدىق بەرىلەدى.
«بيىل زاڭناماعا ازداعان وزگەرىستەر ەنگىزدىك. مەملەكەتتىك گرانتتاردى تەك ۇبت ناتيجەلەرى بويىنشا بەرەمىز. الەمنىڭ كوپتەگەن ەلدەرىندەگى سياقتى، ءبىز دە دارىندى جاستاردى ۋنيۆەرسيتەتتەردىڭ وزدەرى ىزدەيتىندەي جۇيەگە كوشەمىز. ول ءۇشىن ۋنيۆەرسيتەتتەرگە باسقارۋدا قارجىلىق، اكادەميالىق ەركىندىكتەر بەرىلدى »، - دەيدى ەرلان ساعادييەۆ الماتىدا سۋدەنتتەر اراسىندا فۋتزالدان الەم چەمپيوناتىنىڭ اشىلۋى الدىنداعى باسپا ءسوز كونفەرەنسياسىندا.
ءمينيستردىڭ سوزىنە قاراعاندا، ستۋدەنتتەر ۋنيۆەرسيتەت ىشىندەگى، ۋنيۆەرسيتەتتەر اراسىنداعى جانە حالىقارالىق كونكۋرستاردا ءوز وقۋ ورنىنىڭ بەدەلىن ارتتىرۋعا ۇلەسىن قوسۋى ءتيىس.
ۋنيۆەرسيتەتتەر ايتارلىقتاي ناتيجە كورسەتىپ جۇرگەن سپورتشى ستۋدەنتتەرگە جەڭىلدىكتەر بەرۋ-بەرمەۋ ماسەلەسىن ەندى رەكتور شەشەدى.
ە. ساعادييەۆتىڭ ايتۋىنشا، مەكتەپتەردە دەنەشىنىقتىرۋ ساباقتارى اياسىندا (اپتاسىنا 3 ساعات) جارىستار ۇيىمداستىرۋعا بولىنەتىن ساعاتتار 1 نەمەسە 2 ساعاتقا كوبەيتىلەتىنىن جەتكىزدى.
You Might Also Like
-
الماتىدا مەديسينا ماماندارى وقۋشى سومكەسىنىڭ قانداي بولۋى كەرەكتىگىن ايتتى.
