ومىرتقاعا كۇش تۇسىرمەيتىن وقۋشى سومكەسىن قالاي تاڭداۋ كەرەك
الماتىدا مەديسينا ماماندارى وقۋشى سومكەسىنىڭ قانداي بولۋى كەرەكتىگىن ايتتى.
«بالانىڭ سومكەسىن دۇرىس تاڭداۋ بولاشاقتا ءبىرقاتار اۋرۋلاردىڭ الدىن الادى. ونىڭ ىشىندە سكوليوز، وستەوحوندروز، كوك ەتتىڭ جىرتىلۋى دەگەن سياقتى اۋرۋلار بار. سومكەنىڭ ارقاسى ورتوپەديالىق ءارى قاتتى بولۋى ءتيىس. قاتتى كاركاس ومىرتقاعا تۇسەتىن جۇكتەمەنى بىركەلكى ەتەدى. سوندا بالانىڭ ومىرتقاسىنا قاتتى كۇش تۇسپەيدى»، - دەدى قالالىق قوعامدىق دەنساۋلىقتى ساقتاۋ دەپارتامەنتىنىڭ باسشىسى ايزات مولداقاسىموۆا.
ونىڭ ايتۋىنشا، سومكەنىڭ يىقباۋى بىركەلكى ءارى ەكەۋ بولۋى ءتيىس.
«مەكتەپ سومكەسى بالانىڭ جاسى مەن بويىنا سايكەس بولعانى ابزال. باستاۋىش سىنىپ وقۋشىلارىنىڭ سومكەسىنىڭ سالماعى 700 گراممنان اسپاعانى ءجون. جوعارى جانە ورتا بۋىن وقۋشىلارىنىڭ سومكەسى 1 كەلىدەن اسپاۋى كەرەك. نەگىزىنەن سومكەلەردە جارىق شاعىلىستىراتىن جاپسىرمالارى بولۋى كەرەك»، دەدى ول.
سونىمەن قاتار، مامان وقۋلىقتار مەن داپتەرلەرگە قويىلاتىن تالاپتار تۋرالى ايتتى.
«قاعاز سۇزگى سياقتى ار جاعىن كورسەتپەۋ ءتيىس. كىتاپتاعى ماتىندەرگە دە سونداي تالاپ قويىلادى. كىتاپتارداعى تاڭبالار قارا ءتۇستى، انىق بولادى. وقۋلىقتار بالانىڭ وقۋىنا ىڭعايلى بولعانى ءجون. 1 كىتاپتىڭ سالماعى 1-4 سىنىپتار ءۇشىن - 300 گرامم، 6 سىنىپتار ءۇشىن - 400 گرامم، 7-12 سىنىپ وقۋشىلارى ءۇشىن 500-600 گرامم بولۋى كەرەك»، - دەپ قورىتىندىلادى ول.
You Might Also Like
-
ناعىز ۇستاز بولۋ — باقىت ءارى ابىروي. شىندىعىندا، ءمۇعالىم بولۋ وڭاي بولىپ كورىنگەنمەن، ناعىز ۇستاز بولۋ ەكىنىڭ ءبىرىنىڭ قولىنان كەلە بەرمەسى انىق. ومىردە ماماندىقتىڭ سان ءتۇرى بار، ماسەلەن: اسپا...
-
ءبىلىم جانە عىلىم ءمينيسترى ەرلان ساعادييەۆ مەملەكەتتىك گرانتتاردىڭ تاعايىندالۋىنا قاتىستى پىكىر ءبىلدىردى.
