ءبىلىم ءمينيسترى جاعىمدى جاڭالىقتارىمەن ءبولىستى
باسەكەگە قابىلەتتىلىكتىڭ جاھاندىق يندەكسىندە باستاۋىش بىلىممەن قامتۋ كورسەتكىشى بويىنشا الەمدە قازاقستان 4-ورىنعا شىقتى. بۇل تۋرالى حالىقپەن ەسەپتىك كەزدەسۋ وتكىزگەن ق ر ءبىلىم جانە عىلىم ءمينيسترى ەرلان ساعادييەۆ ايتتى.
«ءبىراز جاقسى جاڭالىعىمىز بار، ونىڭ ىشىندە ەڭ ماڭىزدىلارىن اتاپ وتەيىن. ءبىرىنشى قازاقستان ەىدۇ-نىڭ ەكى كوميتەتىنە ءبىلىم جانە عىلىم بويىنشا مۇشە بولدى. ەكىنشى جاڭالىق باسەكەگە قابىلەتتىلىكتىڭ جاھاندىق يندەكسىندە باستاۋىش بىلىممەن قامتۋ كورسەتكىشى بويىنشا الەمدە قازاقستان 4-ورىنعا شىقتى. جانە ءبارىڭىز بىلەسىزدەر، وسى جىلدىڭ باسىنان باستاپ، ەڭ الدىمەن، جاڭارتىلعان مازمۇنعا كوشكەن مۇعالىمدەردىڭ جالاقىسىنا 30 پايىز قوسىمشا اقى تولەۋدى قاراستىردىق. ەندى شەبەرلىك ءۇشىن مۇعالىمدەردىڭ ايلىقتارىن تاعى كوتەرۋ ءۇشىن تەستىلەۋ مەحانيزمدەرىن ەنگىزۋ قاجەت»، - دەپ اتاپ ءوتتى مينيستر.
وسى رەتتە مينيستر ەلباسى نۇرسۇلتان نازاربايەۆتىڭ 5 الەۋمەتتىك باستاماسىندا ستۋدەنتتەردىڭ جاتاتىن ورىندارىن شەشۋ ماسەلەسى كوتەرىلىپ، ستۋدەنتتەرگە قوسىمشا 20 مىڭ گرانت بويىنشا ناقتى تاپسىرما بەرىلگەنىن ەسكە سالدى. سونىمەن قاتار ەلباسىنا ءبىلىم سالاسىنا ارنايى نازار اۋدارىپ، قولداۋ كورسەتكەنى ءۇشىن وقۋشىلاردىڭ، ستۋدەنتتەردىڭ، مۇعالىمدەردىڭ، اتا-انالاردىڭ اتىنان راحمەت ايتتى.
«ءتورت جىلعا ارنالعان ءبىلىم جانە عىلىم مەملەكەتتىك باعدارلاماسىنىڭ ءۇشىنشى جىلى ورىندالۋدا. ءبىرقاتار كورسەتكىشتەرگە قول جەتكىزدىك. شەشىلمەگەن ماسەلەلەر بويىنشا ءتيىستى شارالار قابىلداپ جاتىرمىز. جاقىن ارادا باعدارلامانى ورىنداۋ ناتيجەسى بويىنشا پرەزيدەنت اكىمشىلىگى بىزگە جاقسى، ءپوزيتيۆتى باعا بەردى»، - دەدى ەرلان ساعادييەۆ.
قازاقپارات
You Might Also Like
-
مامىردا مۇعالىمدەردى اتتەستاسيادان وتكىزۋ جۇمىستارى باستالادى. بۇل تۋرالى حالىقپەن ەسەپتىك كەزدەسۋ وتكىزگەن ق ر ءبىلىم جانە عىلىم ءمينيسترى ەرلان ساعادييەۆ ايتتى.
-
پارلامەنت ءماجىلىسىنىڭ جالپى وتىرىسىندا پالاتا دەپۋتاتتارى «قازاقستان رەسپۋبليكاسى مەن حالىقارالىق قايتا قۇرۋ جانە دامۋ بانكى اراسىنداعى قارىز تۋرالى كەلىسىمدى (ورتا ءبىلىم بەرۋدى جاڭعىرتۋ جوبا...
