ءنولىنشى سىنىپ وقۋلىقتارى بىردەن لاتىن الىپبيىندە شىعارىلادى
ءنولىنشى سىنىپقا ارنالعان وقۋلىقتار بىردەن لاتىن الىپبيىندە باسىپ شىعارىلاتىن بولادى. بۇل تۋرالى حالىقپەن ەسەپتىك كەزدەسۋ وتكىزگەن ق ر ءبىلىم جانە عىلىم ءمينيسترى ەرلان ساعادييەۆ ايتتى.
«اعىمداعى جۇمىستى ايتساق، بالاباقشالار سانىن كوبەيتتىك. اسىرەسە جەكە مەنشىك بالاباقشالار كوپتەپ اشىلدى. ءقازىر بالالاردى بالاباقشالارمەن قامتۋ كورسەتكىشتەرى 90،5 پايىزعا جەتتى. ءبىزدىڭ العاشقى جوسپارىمىزدا ءنولىنشى سىنىپتى ەنگىزۋ 2019 جىلعا قويىلعان. بۇگىندە ءبىرىڭعاي باعدارلاماسى مەن مۇعالىمدەردى دايىنداۋ كەستەسى دايىن، وقۋلىقتار ەكسپەرتيزاعا جىبەرىلدى»، - دەدى مينيستر.
وسى ورايدا، ول ەندىگى ۋاقىتتا 400 مىڭعا جۋىق بالاعا ءنولىنشى سىنىپتىڭ جاڭا وقۋلىقتارىن باسىپ شىعارۋ قاجەتتىگىن اتاپ ءوتتى.
«لاتىن ارىپىنە كوشەتىن بولعاسىن، وقۋلىقتاردى ءبىرجولا لاتىنشا باسقان ءجون دەپ سانايمىز. بۇل قاراجات جاعىنان دا ءتيىمدى. سوندىقتان ءنولىنشى سىنىپتى ەنگىزۋ 2020 جىلعا لاتىن الىپبيىندە قويىلىپ وتىر»، - دەدى ەرلان ساعادييەۆ.
ونىڭ اتاپ وتۋىنشە، لاتىنعا كوشۋگە بايلانىستى 4 كوميسسيا جۇمىس ىستەپ جاتىر.
«تەرمينولوگيالىق جانە ادىستىمەلىك كوميسسياسىن ءبىلىم مينيسترلىگى باسقارادى. وسى ماسەلە بويىنشا ءقازىر كوپ جۇمىستار جاساپ جاتىرمىز. 2020 جىلعا دەيىن ءنولىنشى سىنىپتى اشۋعا دايىن بولامىز»، - دەدى ول.
قازاقپارات
You Might Also Like
-
قازاقستانداعى جوعارى وقۋ ورىندارىنىڭ اكادەميكالىق دەربەستىگى 65-تەن 85 پايىزعا دەيىن كەڭەيتىلەدى. بۇل تۋرالى پارلامەنت ءماجىلىسىنىڭ جالپى وتىرىسىندا «ق ر كەيبىر زاڭنامالىق اكتىلەرىنە جوعارى وقۋ...
-
ق ر دەنساۋلىق ساقتاۋ ۆيسە-مينيسترى الەكسەي سوي «استانا» مەديسينا ۋنيۆەرسيتەتىنەن ستۋدەنتتەردىڭ شىعارىلۋىنا قاتىستى پىكىر ءبىلدىردى.
