مۇعالىمدەردى اتتەستاسيادان وتكىزۋدىڭ جاڭا جۇيەسى دايىن
مامىردا مۇعالىمدەردى اتتەستاسيادان وتكىزۋ جۇمىستارى باستالادى. بۇل تۋرالى حالىقپەن ەسەپتىك كەزدەسۋ وتكىزگەن ق ر ءبىلىم جانە عىلىم ءمينيسترى ەرلان ساعادييەۆ ايتتى.
«مۇعالىمدەردى اتتەستاسيادان وتكىزۋدىڭ جاڭا جۇيەسى، تەستىلەۋ سۇراقتارى دايىن. تەستىلەۋ جۇمىستارىن كەلەسى ايدان باستايمىز. بۇگىنگى كۇنى الپىس مىڭ ءمۇعالىم ءوز ەركىمەن وسى تەستىلەۋ اتتەستاسياسىنا جازىلدى. ول بىزگە نە كورسەتەدى؟ مۇعالىمدەرىمىز - ءبىلىمدى، ساباقتارىن بىلەدى، وزىنە سەنىمدى، تەستىلەۋدەن قورىقپايدى»، - دەدى ەرلان ساعادييەۆ.
سونىمەن قاتار مينيستر جاڭارتىلعان ءبىلىم مازمۇنىنا كەزەڭ-كەزەڭمەن كوشۋ جالعاستىرىلىپ جاتقانىن ايتتى.
«بىلتىرعى جىلى 1، 2، 5، 7 سىنىپتار ءوتتى. جاڭا وقۋ باعدارلاماسى مەن جاڭا وقۋلىقتار كەزەڭ-كەزەڭمەن دايىندالۋدا. الداعى 2018 وقۋ جىلىنان باستاپ 3، 6، 8 سىنىپتار قوسىلىپ، جاڭارتىلعان ءبىلىم بەرۋ مازمۇنىنا كوشۋ 70 پايىزعا ورىندالادى دەپ ەسەپتەۋگە بولادى. جاڭا وقۋلىقتار دايىن. «قوعامدىق باعالاۋ» پورتالىندا ماكەتتەرى قويىلدى جانە اپروباسيا جۇرگىزىلۋدە»،- دەدى ول.
ءمينيستردىڭ اتاپ وتۋىنشە، 10-11 سىنىپتاردا 4 ءپاندى اعىلشىن تىلىندە وقىتۋ بويىنشا دا كوپ دايىندىق جۇمىستارى جۇرگىزىلۋدە.
«ول وقۋلىقتاردى، مەتوديكالىق كەشەندى دايىنداۋ، مۇعالىمدەردىڭ دايىندىعىن ارتتىرۋ جانە اتا-انالارمەن، مۇعالىمدەرمەن تالقىلاۋدى جالعاستىرىپ وتىرمىز. ونىڭ سەبەبى بىزگە دايىندىقتى ناقتى ءتۇسىنۋ قاجەت»، - دەدى ەرلان ساعادييەۆ.
ءمينيستردىڭ ايتۋىنشا، وتكەن جىلى 12 مىڭنان استام ءمۇعالىم اعىلشىن ءتىلى كۋرستارىنان وتكەن. بۇگىندە ولاردىڭ باسىم بولىگى ءوز ەرىكتەرىمەن ا2-دەن باستاپ ۆ2-گە دەيىنگى كۋرستارعا جازىلعان.
قازاقپارات
You Might Also Like
-
وسىمدىك ونىمدەرى – اعزاداعى نەگىزگى بيولوگيالىق جانە فيزيولوگيالىق پروسەستەر جۇزەگە اسىرىلۋى ءۇشىن كەرەكتى قۇندى مينەرالدى زاتتاردىڭ (كاليي، ناتريي، ماگنيي، فوسفور، تەمىر، كالسيي جانە ت.ب.) ج...
-
باسەكەگە قابىلەتتىلىكتىڭ جاھاندىق يندەكسىندە باستاۋىش بىلىممەن قامتۋ كورسەتكىشى بويىنشا الەمدە قازاقستان 4-ورىنعا شىقتى. بۇل تۋرالى حالىقپەن ەسەپتىك كەزدەسۋ وتكىزگەن ق ر ءبىلىم جانە عىلىم ءمينيسترى ەر...
