InfoHub Logo

تۇركىستان قالاسىنىڭ «كەرەمەت» باستاۋىش مەكتەپ-بالاباقشا كەشەنىندە «پەداگوگيكالىق يدەيالار جارمەڭكەسى» ءوتتى.

قازىرگى تاڭدا ساپالى ءبىلىم بەرۋ ماسەلەسى قوعامدى تولعاندىرىپ وتىر. وقۋشىلاردىڭ ءبىلىم دەڭگەيى زاماناۋي تالاپقا ساي بولۋى قاجەت. سول سەبەپتى ۇستازدار، تاربيەشىلەر ءار ساباعىن ساپالى تۇردە ۇيىمداستىرىپ، ادىس-تاسىلدەردى ءتيىمدى قولدانا ءبىلۋى شارت. مەكتەپتە العان ءبىلىمىن ومىردە قولدانا الاتىنداي ەتىپ، ساباقتى قۇرۋ مۇعالىمدەردەن كوپ شىعارماشىلىق ىزدەنىستى تالاپ ەتەدى. ول ءۇشىن ەڭ الدىمەن ءار ۇستاز ۇنەمى ءوز ءبىلىمىن جەتىلدىرۋ جانە ءوز شاكىرتتەرىن تۇلعا رەتىندە تانۋ كەرەك. ۇلى ابايدىڭ «ادامنىڭ قاسيەتى ءۇش-اق نارسە، «نۇرلى اقىل، ىستىق قايرات، جىلى جۇرەك» دەمەكشى، شاكىرتتىڭ الدىنا بارۋ ءۇشىن جەتكىلىكتى ءبىلىمىڭ بولۋى كەرەك. سول تاجىريبەڭدى ۇعىندىرۋ ءۇشىن ءتيىمدى تاسىلدەردى قولدانا ءبىلۋى جانە ۇستازدىق قۇندىلىقتاردى ۇستانۋ قاجەت. ءار ۇستازدىڭ ءوزىنىڭ وزىندىك پەداگوگيكالىق يدەيالارى بولۋى قاجەت.

وسى ورايدا، مامانداردى قىزمەتكە بەيىمدەي وتىرىپ، كاسىبي بىلىكتىلىكتەرىن ارتتىرۋ، شىعارماشىلىق قابىلەتىن جەتىلدىرۋ، تەوريا مەن تاجىريبەنى ۇشتاستىرا وتىرىپ، كاسىپتىك قۇزىرەتتىلىكتەرىن نىعايتۋ جانە ۇجىمدىق قارىم - قاتىناسقا پسيحولوگيالىق بەيىمدەۋ، ءوزارا تاجىريبە الماسۋ ماقساتىندا تۇركىستان قالاسىنىڭ «كەرەمەت» باستاۋىش مەكتەپ-بالاباقشا كەشەنىندە ۇزارتىلعان كۇن توبى تاربيەشىلەرى اراسىندا «پەداگوگيكالىق يدەيالار جارمەڭكەسى» وتكىزىلدى. پەداگوگيكالىق ءىس-شارا جوعارى دەڭگەيدە ءوتتى.  ۇزارتىلعان كۇن توبى تاربيەشىلەرى جۇمىستارىنىڭ جاڭاشىلدىعىنا، ءبىلىم بەرۋدەگى زاماناۋي تەحنولوگيالاردى قولدانۋىنا، ۇيىمداستىرۋشىلىق قابىلەتىنە جانە سويلەۋ شەبەرلىگىنە باعا بەرىلدى. ءىس-شارادا تاربيەشىلەرىمىز ساباق بارىسىندا قانداي ادىس-تاسىلدەردى قولداناتىنىن، جالپى پەداگوگيكالىق يدەيالارىن، ولاردى دارىستە قالاي قولداناتىنىن قورعاپ شىقتى. مەكتەپشىلىك پەداگوگيكالىق يدەيالار جارمەڭكەسى كوپتەگەن اۋقىمدى تاقىرىپتاردى قامتيدى. بۇل جارمەڭكەدە جاڭا پەداگوگيكالىق تەحنولوگيالار ارقىلى وقۋشىلاردى ىزدەنىسكە تالپىندىرىپ، فۋنكسيونالدىق ساۋاتتىلىقتىرىن ارتتىرۋ ماقساتىندا قاتىسۋشىلار ءارتۇرلى تىڭ تاقىرىپتارمەن تانىستىرادى دەگەن ويدامىن. پەداگوگتار جيىنى بارىسىندا «قازىرگى ۋاقىتقا دەيىنگى جەتىستىكتەر مول. دەسەك تە، اتقارىلعان جانە اتقارىلماق جۇمىستار بارشىلىق»، - دەپ، كەلگەن ۇزارتىلعان كۇن توبى تاربيەشىلەرى ءوز تاجىريبەلەرىمەن ءبولىسىپ، ماستەر-كلاسس كورسەتىپ، وي-پىكىر الماستى، تاجىريبەلەرىمەن ءبولىستى. 

مەكتەپ ديرەكتورى قۋاتبەكوۆا رايحان تۇرسىمات قىزى ءىس-شارا سوڭىندا قورىتىندى ءسوز الىپ، جەڭىمپازدار مەن قاتىسۋشىلاردى ماراپاتتاپ، الداعى جۇمىستارىنا ساتتىلىك تىلەدى. جارمەڭكەگە كەلگەن كورەرمەندەر، شاقىرىلعان قوناقتار تاراپىنان «تاربيەشىلەر ىزدەنىستەرىنىڭ ناتيجەسى ۇلگى تۇتارلىق ەكەن. وقۋشىلاردىڭ دۇنيەتانىمىن كەڭەيتىپ جۇرگەن ىزگى جاندارعا ءاردايىم شىعارماشىلىق تابىس تىلەيمىز»، - دەپ ىستىق لەبىزدەرى ايتىلدى.

بيمىرزايەۆا ايكەرىم ماحانبەت قىزى

تۇركىستان وبلىسى، تۇركىستان قالاسى 

"كەرەمەت" باستاۋىش مەكتەپ-بالاباقشا كەشەنى ديرەكتورىنىڭ تاربيە ءىسى جونىندەگى ورىنباسارى 

---