حالىقارالىق ۆەبينار «قۇزىرەتتىلىككە نەگىزدەلگەن تاسىلدەمە: زاماناۋي IT-مامانداردى دايارلاۋ»
2020 جىلعى 27 ساۋىرىندە «وتاندىق ءبىلىم بەرۋدى مودەرنيزاسيالاۋ جاعدايىندا كوپتىلدى ءىت مامانىنىڭ قۇزىرەتتى يننوۆاسيالىق مودەلىن ازىرلەۋ جانە ەنگىزۋ» گرانتتىق جوباسى اياسىندا «قۇزىرەتتىلىككە نەگىزدەلگەن تاسىلدەمە: زاماناۋي IT-مامانداردى دايارلاۋ» حالىقارالىق ۆەبينارى ءوتتى. جوبانىڭ عىلىمي جەتەكشىسى IT ءبىلىم بەرۋ جانە ساندىق تۇرلەندىرۋ بويىنشا ساراپشى، PhD قانات قوجاحمەت، جوبانىڭ تەڭ اۆتورى جانە اتقارۋشى ديرەكتورى – قاۋىم. پروفەسسور، PhD راحيما جۋمالييەۆا.
وتكەن ۆەبينار «سيفرلىق قازاقستان» مەملەكەتتىك باعدارلاماسىن جانە «رۋحاني جاڭعىرۋ» قوعامدىق سانانى جاڭعىرتۋ باعدارلاماسىن ىسكە اسىرۋعا باعىتتالعان. ۆەبيناردى ۇيىمداستىرۋدىڭ ماقساتى - زاماناۋي قۇزىرەتتىلىككە نەگىزدەلگەن تاسىلدەمە تۇرعىسىنان IT-مامانداردى وقىتۋدى تالقىلاۋ.
ۆەبينارعا وتاندىق جانە شەتەلدىك ۋنيۆەرسيتەتتەردىڭ اكىمشىلىك قىزمەتكەرلەرى، وقىتۋشىلارى، دوكتورانتتارى، ماگيسترانتتارى، ستۋدەنتتەرى قاتىستى.
ۆەبينار قاتىسۋشىلارىنا ارنالعان سالەمدەسۋ سوزدەرىمەن سۇلەيمان دەميرەل اتىنداعى ۋنيۆەرسيتەتىنىڭ (قازاقستان) عىلىم دەپارتامەنتىنىڭ ديرەكتورى PhD شيرالي كادىروۆ ۆەبيناردى باستادى.
PhD قوجاحمەت ق.ت. كىرىسپە ءسوز ايتىپ، جاھاندانعان جانە سەرپىندى دامىپ جاتقان الەمدە سيفرلىق تەحنولوگيالار تەز تارالۋىن، ەكونوميكا، ەڭبەك نارىعى جانە جالپى قوعام بۇرىن-سوڭدى بولماعان قارقىنمەن وزگەرىپ جاتقانىن اتاپ ءوتتى. قانات تەمىرعالي ۇلى قازىرگى زاماندا IT-قۇزىرەتتىلىككە يە بولۋ قاجەتتىلىك بولۋىنىڭ سەبەبى اقپاراتتىق تەحنولوگيالار بارلىق سالالاردا قولدانىلاتىنى تۋرالى ايتتى. جاھاندانۋ مەن سيفرلاندىرۋ داۋىرىندە IT-مامانداردى دايارلاۋدا ۇلكەن وزگەرىستەر ورىن الۋمەن قاتار جاڭا پەداگوگيكالىق تەحنولوگيالار مەن باعدارلامالار پايدا بولۋىنى اتاپ كەتكەن ءجون.
ءبىلىم بەرۋ يننوۆاسيالارى جانە SMART وقىتۋ ورتالىعىنىڭ ديرەكتورى (حاتۋ، قازاقستان)، پ.ع.د.، ت.ع.ك. شاريپوۆ ب.ج. «SMART ءبىلىم بەرۋ» تاقىرىبىندا بايانداما جاسادى. باقىت جاپار ۇلى ءوز سوزىندە اقپاراتتىق تەحنولوگيالار دامۋىنىڭ جوعارى وقۋ ورىندارىنداعى ءبىلىم بەرۋ مازمۇنى مەن ساپاسىنا اسەرىن دالەلدەدى. سونىمەن قاتار سپيكەر حاتۋ-دا SMART ءبىلىمىن ەنگىزۋ تاجىريبەسى تۋرالى ايتتى.
«بولاشاق» ۋنيۆەرسيتەتىنىڭ رەكتورى (قىزىلوردا، قازاقستان)، قاۋىم. پروفەسسور، ت.ع.ك. داۋرەنبەكوۆ ق.ق. «بولاشاق ۋنيۆەرسيتەتىندە سيفرلاندىرۋ جانە كيبەرقاۋىپسىزدىك ماسەلەلەرى مەن دامۋ پەرسپەكتيۆالارى» اتتى بايانداماسىندا ايماقتىق ۋنيۆەرسيتەتتە IT-كادرلاردى دايارلاۋدى ۇيىمداستىرۋ تۋرالى ايتتى. قۋانىش قويشىعۇل ۇلى سونىمەن قاتار ۋنيۆەرسيتەتتىڭ ايماقتاعى IT سالاسىن دامىتۋداعى ءرولى تۋرالى كەڭىنەن ايتىپ بەردى.
قاۋىم. پروفەسسور م.ا. وستايەۆا ا.ب. (قورقىت اتا اتىنداعى قمۋ، قازاقستان) «ۆەب-تەحنولوگيالار» تاقىرىبىندا مەملەكەتتىك ءبىلىم ستاندارتتارىنا سايكەس IT-مامانداردى دايارلاۋ ماسەلەلەرىن تالقىلادى. ايىمحان باتىرحان قىزى ديناميكالىق ينتەرنەت-تەحنولوگيالار جانە ۆەب-سايتتار مەن قوسىمشالاردى جاساۋ تەحنولوگيالارىنا تالداۋ جاسادى.
پروفەسسور، PhD اليپوۆا ب.ن. (حاتۋ، قازاقستان / كەنتۋككي ۋنيۆەرسيتەتى، اقش) ينتەرنەتتەگى اۆتورلىق قۇقىقتى قورعاۋدىڭ وزەكتىلىگىن قاراستىراتىن «IT سالاسىنداعى زياتكەرلىك مەنشىك» تاقىرىبىندا بايانداما جاسادى. سونداي-اق، باقىت نۇراش قىزى ۆيرتۋالدى كەڭىستىكتە اۆتورلىق قۇقىقتى تىركەۋگە قاتىستى كوپتەگەن داۋلى ماسەلەلەردى تالدادى.
اعا وقۋتىشى گايبىلدايەۆ ج.ك. (حقۋ، قىرعىزستان) «عىلىمي زەرتتەۋلەردەگى جاڭا اقپاراتتىق تەحنولوگيالاردىڭ ءرولى» تاقىرىبىنداعى بايانداماسىندا زاماناۋي اقپاراتتىق تەحنولوگيالاردى قولدانۋ كەزىندە قاجەتتى قۇزىرەتتىلىكتەر جۇيەسىن قۇرۋدىڭ ماڭىزدىلىعى تالدانادى. جانىبەك كارىم ۇلى IT-قۇزىرەتتىلىكتەردى عىلىمي زەرتتەۋلەردە پايدالانۋ قاجەتتىلىگىن اتاپ ءوتتى.
اعا وقۋتىشى ماحامبايەۆا ي.ۋ. (قورقىت اتا اتىنداعى قمۋ، قازاقستان) ءوزىنىڭ «اقپاراتتىق قاۋىپسىزدىك نەگىزدەرى» اتتى پرەزەنتاسياسىندا اقپاراتتىڭ جەكەلەگەن تۇرلەرىنىڭ قۇپيالىعىن ساقتاۋدىڭ كەزەك كۇتتىرمەيتىن ماسەلەلەرىنىڭ ءبىرى رەتىندە اقپاراتتىق قاۋىپسىزدىك ماسەلەلەرىن قاراستىردى. ينديرا وتەپبەرگەن قىزى بۇل ماسەلە كومپيۋتەرلىك ۆيرۋستار سانىنىڭ كوبەيۋى مەن ءارتۇرلى اقپاراتتىق جۇيەلەردىڭ مالىمەتتەر بازاسىنا ارالاسۋىمەن بايلانىستى ەكەنىن اتاپ ءوتتى.
ت.ع.ك.، اسسيستەنت-پروفەسسور تۋلەميسوۆا گ.ە. (سدۋ، قازاقستان) «IT-مەنەدجەرىنىڭ قۇزىرەتتىلىكتەرى: قالىپتاسۋ مەن دامۋ» اتتى بايانداماسىندا سدۋ-دەگى IT-ينفراقۇرىلىم كۋرسىن وقىتۋدا Chief Digital Officer لاۋازىمىنا IT-مامانداردى دايارلاۋ ادىستەمەسىن ۇسىندى. گۇلفاريدا ەرتاي قىزى بيزنەستى باسقارۋدىڭ «جۇمساق داعدىلارىن» دامىتۋ قاجەتتىلىگىن دە اتاپ ءوتتى.
ءپانارالىق زەرتتەۋلەر ورتالىعىنىڭ باس عىلىمي قىزمەتكەرى، قاۋىم. پروفەسسور، PhD جۋمالييەۆا ر.ز. ۆەبيناردىڭ بايانداماشىلارىنا مەن قاتىسۋشىلارىنا العىس ءبىلدىردى. راحيما زايدۋللوۆنا جاھاندىق سيفرلاندىرۋ داۋىرىندەگى زاماناۋي IT-مامانداردى دايارلاۋداعى قۇزىرەتتىلىككە نەگىزدەلگەن كوزقاراستار يدەيالارىن دامىتۋعا ۆەبيناردىڭ قوسقان ۇلەسى تۋرالى اتاپ ءوتتى.
ۆەبينار ىسكەرلىك جانە سىندارلى سيپاتتا ءوتتى، قاتىسۋشىلار مەن سپيكەرلەر قازىرگى زامانعى IT ماماندارىن دايارلاۋ تۋرالى پىكىر الماستى، قازاقستاندىق ءبىلىم بەرۋدىڭ وزەكتى ماسەلەلەرى تالقىلاندى.
ۆەبينار ماتەريالدارىنا قول جەتكىزۋ ءۇشىن سىلتەمە: https://drive.google.com/open؟id=1gs4kgPeHW1dLN9EQLnnH6eRcZSO35OS5
قاۋىمداستىرىلعان پروفەسسور، PhD جۋمالييەۆا ر.ز.
ءپانارالىق زەرتتەۋلەر ورتالىعى، سدۋ
You Might Also Like
-
اسقاردىڭ جالعىز اتاسى بار. ساقالى كەۋدەسىنە تۇسكەن، بوزعىلت مۇرتتى، قىران مۇرىندى، قاراشۇبار شال. اتتەڭ، ءجۇزىن ءاجىم قاپتاپ، بەلى بۇگىلىپ قارتايىپ كەتكەنىن ايتساڭشى. وسىدان ەكى اي بۇرىن كوشىپ كەلگەن...
-
تۇركىستان قالاسىنىڭ «كەرەمەت» باستاۋىش مەكتەپ-بالاباقشا كەشەنىندە «پەداگوگيكالىق يدەيالار جارمەڭكەسى» ءوتتى.
